يا جماعة لو حد يعرف حد شيف او مطاعم بتعمل اكل بيتي في القاهرة
او حد بيجي البيوت يطبخ مثالا مرة في الاسبوع او حاجة
لان عايش لوحدي انا وابويا
والوحد زهق من اكل الشارع كل يوم
ياريت لو حد يعرف يفيدني واكون شاكر
عرض للطباعة
يا جماعة لو حد يعرف حد شيف او مطاعم بتعمل اكل بيتي في القاهرة
او حد بيجي البيوت يطبخ مثالا مرة في الاسبوع او حاجة
لان عايش لوحدي انا وابويا
والوحد زهق من اكل الشارع كل يوم
ياريت لو حد يعرف يفيدني واكون شاكر
و الله كان فيه واحده على النت بتعمل اكل شكله تحفه و مش غالى بيتى هى عامله جروب على الفيس بدور عليه
https://m.facebook.com/profile.php?id=346702762082992
اكلهم متجرب ونضيف جداً
الطبخ مش كيميا و ممكن أوى تعمل الأكل بنفسك إنت و الوالد بدون أى مساعده و الموضوع ممارسة
إبتدى بحاجات سهله على سبيل المثال صينية بطاطس و عليها اللحمة أو قطع فراخ بانية فى الفرن
ممكن برده تجيب جلاش و ده أسهل من السهولة هاتعمله باللحمة المفرومة أو الخضروات و الجبنة
بعد كده هات خضار جاهز مجمد و ده مفيش أسهل من كده
بعد حبة ممكن تجيب فراخ و تغسلها و تسلقها و تعمل عليها ملوخية أو شوربة خضار
بعد حبة هاتعمل مكرونة و كوسة باشمل
الموضوع سهل و هاتجيب الطرق من على النت و هاتنفذ و عندك يوتيوب و كل حاجة ولا الحوجة لحد
الطبخ بس مزاج مش أكثر و أنا عن نفسى لما بكون لوحدى بحب أطبخ حاجات معينة لما يكون عندى وقت
و هاتشيل الأكل فى التلاجة و هاتسخن فى الميكرويف فى دقائق و خلصنا ممكن تطبخ مرتين فى الإسبوع يمشوكوا 5 أيام و يومين من بره و خلاص على كده :)
المشكلة يا باشا في الوقت الشغل عندي طول الاسبوع وبرجع الساعة 8 م انا لما بكون اجازة بطبخ كدة حاجات علي خفيف وابويا بردوة بيطبخ بس حاجات خفيفة بطاطس محمرة وكدة
بس هو فعلا موضوع الاكل يتعمل مرة في اسبوع ويتشال في التلاجة دة هينجز جامد بس المشكلة مين هيعمل الاصناف دي
الف شكر علي ردك
ربنا معاك انت و الوالد
انتشرت فكرة الاكل البيتي عن طريق الانترنت، بعض من جربها شكر، و بعضهم ذم او استغلى
لكن لو وجدت من يطبخ لك يكون افضل لان المكونات و نضافتها سيكون مضمون
تحياتي