-
شروخ كتير في الحوائط والنجارة .. عايز أعالجها .( صور ) .
السلام عليكم ورحمة الله وبركاته
الشقة متشطبة بقالها سنة ونص .. والشروخ دي بدأت تظهر بعد شهر من التشطيب
مع العلم اني جايب صنايعية غالية ومديهم حقهم وزيادة .. والخامات جايب بردو حجات غاليه ماستخصرتش .. لكن حسبي الله ونعم الوكيل في الصنايعية .. سواء محارة او نقاش او نجار .
المهم دي بعض الصور للتنميل او الشروخ .. هي كتيرة جداً .. الشروخ عندي عاملة خريطة
يعني الشرخ متفرع منه شروخ .. لو صورتها كلها عايزلي 100 صورة .. والصورة مش جايبة الشرخ بالكامل
عايز أعالج الموضوع ده بنفسي .. مش عايز اجيب صنايعيه تاني ومش عايز ابهدل شقتي بدخول وخروج صنايعية .. عايز حل بسيط وسهل أعمله .. ومش مهم التكلفة .. المهم النتيجة .. الدهان بلاستك اللي هو بيتغسل .. نص لمعة .
ودي صور النجارة
لحد دلوقت مافرشتش الشقة .. حاطت حجات بسيطه وبقعد فيها .. ونفسي افرشها بس قرفان افرش عالوضع ده .. لأنها لازم تتظبط قبل ماتتفرش .
أسف على الصور الكتير .. بحاول أحوطكم معايا في قلب الحدث
-
هتكسر يمين وشمال الشرخ وتجيب معجون ممتاز وتمعجن او بمعنى اصح تملى بيه الشرخ ثم تجيب حاجه زى الشاش كده بتتباع عند الموان وتحطها على الشرخ وتمعجن تانى عليها. والنجاره تتعمل بمعجون ستوك. وزياره ايضا لكيماويات البناء الحديث قد يدلوك على منتجات لعلاج ذلك. الشقه كام متر والنقاش مصنعيته كانت كام وهل انت اللى اشتريت المعجون وﻻ ﻻء. وهل المحاره بعد ما خلصتها دهنت علطول وﻻ كانت متروكه فتره.
-
اقتباس:
المشاركة الأصلية كتبت بواسطة amr011111
هتكسر يمين وشمال الشرخ وتجيب معجون ممتاز وتمعجن او بمعنى اصح تملى بيه الشرخ ثم تجيب حاجه زى الشاش كده بتتباع عند الموان وتحطها على الشرخ وتمعجن تانى عليها. والنجاره تتعمل بمعجون ستوك. وزياره ايضا لكيماويات البناء الحديث قد يدلوك على منتجات لعلاج ذلك. الشقه كام متر والنقاش مصنعيته كانت كام وهل انت اللى اشتريت المعجون وﻻ ﻻء. وهل المحاره بعد ما خلصتها دهنت علطول وﻻ كانت متروكه فتره.
ظروف التشطيب كانت سريعة .. لاني كنت لازم انقل في موعد محدد
الشقة اتبنيت واتشطبت في 3 شهور .. انتهى التشطيب في نهاية شهر مارس 2014
مابين المحارة والدهان فترة شهر تقريباً
الدور 100 متر شامل منورين والبلكونة والسلم .. السلم مش كبير والمناور مش كبيرة
النقاش واخد زي ما طلب 3500 جنيه مصنعية وخلصها في عشر ايام وفي يومين افتكر ماجاش فيهم كان بيشتغل من الصبح للعصر هو واخوه
والمعجون كان جاهز نوع غالي .. الشيكارة افتكر ب 75 جنيه .. بيقولوا بتاعة واجهات تتحمل الشمس والرطوبة الخ .. وظهر شرخ والنقاش شغال .. وفحر فيه ونضفه وعمله بمعجون شروخ .. وظهر تاني .
-
عوضك على الله
وضح لنا انت استلمت الشقة محارة ولا جبت صنايعى محارة والخشب دة عمولة ولا اشتريت جاهز والنجار ركب على كدة لان العيوب اللى ظاهرة مش ممكن يكون صنايعية بالغشم او قلة الضمير دة
-
المعجون بتاع الوجهات دة مينفعش ولا يصلح للشقق لان خامتة بتكون تثيلة ومش مرن و وجاف بالتالى بيشقق او بيظهر الشقوق اللى تحتية ....واضح ان الصنايعى مش بيفهم لان لية عملوا معجون للوجهات ومعجون تانى للشقق دة لية سبب وقوة تحمل والتانى لية مواصفات تانية .....لازم تجيب كذا صنايعى وتستفهم منهم وتشوف طريقة معالجتهم اية .....ومتعملش بنفسك لان المثل بيقول ادى العيش لخبازة .....يعنى كل واحد المفروض يفهم فى تخصصة ومايفتيش
-
اقتباس:
المشاركة الأصلية كتبت بواسطة ah.farid
عوضك على الله
وضح لنا انت استلمت الشقة محارة ولا جبت صنايعى محارة والخشب دة عمولة ولا اشتريت جاهز والنجار ركب على كدة لان العيوب اللى ظاهرة مش ممكن يكون صنايعية بالغشم او قلة الضمير دة
دة بيتنا .. وانا بنيت دور فيه وشطبته
ومع الأسف وقعت مع صنايعية كل ما ابص للشقة اقول حسبي الله ونعم الوكيل فيهم
انا جبتلهم الخامات اللي كانوا بينصحوا بيها .. ولو كانوا طلبوا خامات اغلى كنت هجيبها
لأن دة بيتنا ودي شقتي وكنت عايز اشطبها صح الصح .. لدرجة اني مركب شبابيك pvc
وعامل شغل كهربا كتير وفيش نيتورك وكدة
لكن اختصرت في النقاشه ماعملتش ديكورات وماعملتش لا شغل كرانيش ولا غيره الا في الرسيبشن .. لأني كنت مستعجل جداً .. لدرجة ان اخر يومين كنت واقف بين 6 صنايعية بدون مبالغه في وقت واحد بيفنشوا الشغل .. ماكونتش بنام .
صرفت في تشطيب الشقة بدون مباني .. 65 الف .
والنجارة جايبها جاهزة والنجار كان معايا من اغلى واحد بتاع نجارة في المنطقة عندي وله فرع في اكتوبر .
ومش عارف والله اعمل ايه .. انا قعدت في الشقه .. وكل ما ابص للتشطيب .. احس اني عايز اجيبها عالطوب الاحمر واشطب من جديد .. بس مينفعش خلاص .
والمشكلة ان عيوب المحاره ماظهرتش وقتها .. وعيوب النقاشة بردو ماظهرتش وقتها .
يعني الشقة اول ما خلصت .. الكل انبهر بيها وكانت حلوة فعلاً .
-
الشروخ دى مش طبيعيه
عندك شروخ فاصل بين الكمر والمبانى وده ممكن
باقى الشروخ عباره عن تمزيع فى الحوائط وترييحات فى كل اتجاه
البيت كام دور
نوع التربه المبنى عليها
نوع الاساس ( خرسانه / حوائط حامله (
عايزك كمان تجيب زلطه او طوبه وتمشيها على الحوائط قبل الشرخ وعليه وبعده ( وتسمع الصوت وتقولى أخباره إيه وفيه فرق فى الصوت الاماكن والا لأ )
-
عندي نفس المشكله تقريبا بس مش كتير كدا
عندي في ارضيه الاوض فقط + كان عندي شباك وقفلته خشب والفاصيل بين الخشب والحيطة مشقق وبرضو احترت فيهم
مع ان الشقه مكملتش ١ ونص لسه
-
اللي عمل كده انك اكيد عملت النقاشة بعد المحارة بفترة قريبة
وكل ده ترييح عادي جدااااااااااااااا
المهم انت هتكسر حوالين الشرخ شوية
وتمعجنه بمعجونه جبسية اسمها ممتاز 120 وتسيبها تنشف كويس ولو الشرخ ظاهر لسة هتديلة تاني
وبالنسبة للأبواب هتكسر الحروف الزيادة وباردو تمعجن واحسن معجون هو الاستوك بتاع الدوكو :)
-
اقتباس:
المشاركة الأصلية كتبت بواسطة tarekzein
الشروخ دى مش طبيعيه
عندك شروخ فاصل بين الكمر والمبانى وده ممكن
باقى الشروخ عباره عن تمزيع فى الحوائط وترييحات فى كل اتجاه
البيت كام دور
نوع التربه المبنى عليها
نوع الاساس ( خرسانه / حوائط حامله (
عايزك كمان تجيب زلطه او طوبه وتمشيها على الحوائط قبل الشرخ وعليه وبعده ( وتسمع الصوت وتقولى أخباره إيه وفيه فرق فى الصوت الاماكن والا لأ )
كلام زميلنا سليم 100%
انا مش عايز اخوفك لكن الشروخ ديه مش طبيعيه نهائى
انت الخشب بيتمزع عندك - وده معناه والله اعلم ان حركة الحوائط عندك زايده اوى
مش متأكد من المعلومه - لو محرت وبدأت نقاشه على طول المعجون يطقطق لكن عمر ما الحيطه تشرخ ابدا
انت بيتك كام دور - نوع التربيه اللى مبنى عليها البيت ايه - اساسات البيت ومساحته وعدد العمدان
ان شاء الله يكون كل اللى فى بالى غلط - وان شاء الله تيقى بسيطه
-
اقتباس:
المشاركة الأصلية كتبت بواسطة tarekzein
الشروخ دى مش طبيعيه
عندك شروخ فاصل بين الكمر والمبانى وده ممكن
باقى الشروخ عباره عن تمزيع فى الحوائط وترييحات فى كل اتجاه
البيت كام دور
نوع التربه المبنى عليها
نوع الاساس ( خرسانه / حوائط حامله (
عايزك كمان تجيب زلطه او طوبه وتمشيها على الحوائط قبل الشرخ وعليه وبعده ( وتسمع الصوت وتقولى أخباره إيه وفيه فرق فى الصوت الاماكن والا لأ )
اقتباس:
المشاركة الأصلية كتبت بواسطة msobhy
كلام زميلنا سليم 100%
انا مش عايز اخوفك لكن الشروخ ديه مش طبيعيه نهائى
انت الخشب بيتمزع عندك - وده معناه والله اعلم ان حركة الحوائط عندك زايده اوى
مش متأكد من المعلومه - لو محرت وبدأت نقاشه على طول المعجون يطقطق لكن عمر ما الحيطه تشرخ ابدا
انت بيتك كام دور - نوع التربيه اللى مبنى عليها البيت ايه - اساسات البيت ومساحته وعدد العمدان
ان شاء الله يكون كل اللى فى بالى غلط - وان شاء الله تيقى بسيطه
البيئة اللي فيها البيت .. انا عارف ان لها دور هشرحه دلوقت
لكن رغم البيئه دي .. في بيوت وعمارات كتير حوالية مفهاش المشكلة اللي عندي
انا عارف سبب المشاكل اللي عندي وهم 3 مشاكل
1- الارض كانت زراعية وما زال في بعض الاراضي زراعية حوالية
وبما اني جنب الدائري وعلى شارع اسفلت واسع رئيسي .. وفيه اراضي كتير فاضيه في المنطقه
الشارع ده عبارة عن طريق لجميع انواع النقل الثقيل .
يعني عربيات نقل كبيرة راحه جايه محملة زلط او رمل او طوب او اسمنت او هدد بيوت وتراب
بما ان المنطقه جديده وناس بتبني وكده .. غير المقطورات والاوناش وكل انواع النقل بيدخل يجرج ويخرج 24 ساعة .
ديما كوباية الميه .. الميه فيها بتترعش وتتمرجح .. اي حاجة رقيقة زي سلك كهربا مثلا الاقي بيتمرج بشكل مستمر 24 ساعة .. وردة في فاظة بتترعش .
مابيعديش ساعة بدون ما انا شخصياً اتهز عالكرسي وسعات شاشة الكمبيوتر تتهز .. لما عربية تقيلة تعدي .. وسعات بيعدي بالاربع عربيات جنب بعض
البيت 3 بلكونات وارضي وسطح وانا الدور الاخير قبل السطح .. و عمر البيت 10 سنوات تقريباً
البيت معموله اساس كويس جداً عواميد وخرسانه وكمر مخفي في السقف وكمر ساقط .. ونظام مكعبات الخرسانة اللي في الارض تحت كل عمود دي .. والعمود كبير مش اي كلام والسقف والعواميد فيها حديد كتير .
2- اني وضبت وشطبت في الشتاء .. ودي سبب شروخ الخشب او المسافات اللي بين الخشب وبعضه .. لان في الشتاء كان الخشب منفوخ حجمه زايد .. وجه الصيف انكمش
وأحتمال نفس السبب في الحوائط .. لأن الشروخ حجمها بيقل في الشتا
3- الصنايعية شغلهم مش مظبوط
فأنا دلوقت عايز اصلح المشكلة دي .. علشان اعرف استقر في شقتي وافرشها .. ونفسيتي ترتاح
انا اتعودت على المراجيح اللي موجودة على طول .. لدرجة اني مابقتش افرق بين الزلزال والعربيات النقل اللي بتعدي .. لأني في حالة زلازل مستمرة .
وموضوع الاهتزاز ده رغم خطورته بس انا شايف انه اقل الاسباب .. في عمارات عالطريق عدل بقالها 25 سنة 8 ادوار و 9 ادوار .. ومعندهمش المشاكل اللي عندي دي .. واللي عنده بتبقى حجات بسيطة
لكن انا عندي كتير اوي اوي .. مفيش حيطة سليمة عندي .
حتى موضوع ان اكسر حوالين الشرخ وكده .. انا مستصعبه .. لأن الشرخ مش خط لوحده
ده متفرع منه خطوط تانيه وداخل معاه خطوط .. خرايط .
حاسس اني هشتغل نحات افضل احنتف في كل شرخ .. مع العدد ده كله في الشقه الموضوع مرهق اوي .. وكمان هحتاج ادهن الحيطة يعني الشقة كلها هتتعمل نقاشة يعتبر من جديد .
هل في حل غير التكسير على كل شرخ والمعجون وكده .
-
اقتباس:
المشاركة الأصلية كتبت بواسطة hema_lancer
اللي عمل كده انك اكيد عملت النقاشة بعد المحارة بفترة قريبة
وكل ده ترييح عادي جدااااااااااااااا
المهم انت هتكسر حوالين الشرخ شوية
وتمعجنه بمعجونه جبسية اسمها ممتاز 120 وتسيبها تنشف كويس ولو الشرخ ظاهر لسة هتديلة تاني
وبالنسبة للأبواب هتكسر الحروف الزيادة وباردو تمعجن واحسن معجون هو الاستوك بتاع الدوكو :)
في ناس قالتلي ااه تريح عادي وانا علشان شطبت بسرعه وكله ورا بعضه
بس بردو مش شايفه سبب اساسي لكل الشروخ دي .. لأن شقتي اللي قبلها ادهنت بعد المحاره بأسبوع واحد بس .. وكانت دور سادس واخير .. وماظهرش فيها غير شرخين بعد سنتين .. وكانت مدهونه بنوع بلاستك اقل جودة كان اسمه 888 .. بس كنا في شهر اغسطس عز الحر والصيف .
-
لو فاكر الشركة المنتجة للمعجون اسالهم بالتليفون
هل ينفع داخلى ولا لا ؟؟
لو مش فاكرها : عدى على اى موان او المكان اللى اشتريت منه اسال عن اسمها
-
[QUOTE=DreAmO;3876016600]البيئة اللي فيها البيت .. انا عارف ان لها دور هشرحه دلوقت
لكن رغم البيئه دي .. في بيوت وعمارات كتير حوالية مفهاش المشكلة اللي عندي
انا عارف سبب المشاكل اللي عندي وهم 3 مشاكل
1- الارض كانت زراعية وما زال في بعض الاراضي زراعية حوالية
ديه فى حد ذاتها مشكله وليه قريبى بيعانى معاناه مهوله بسبب ان عنده فيلا ف وسط أرض زراعيه - كل شويه يغير أرضيات الدور الارضى بسبب الهبوط اللى بيحصل
وبما اني جنب الدائري وعلى شارع اسفلت واسع رئيسي .. وفيه اراضي كتير فاضيه في المنطقه
الشارع ده عبارة عن طريق لجميع انواع النقل الثقيل .
يعني عربيات نقل كبيرة راحه جايه محملة زلط او رمل او طوب او اسمنت او هدد بيوت وتراب
بما ان المنطقه جديده وناس بتبني وكده .. غير المقطورات والاوناش وكل انواع النقل بيدخل يجرج ويخرج 24 ساعة .
ديما كوباية الميه .. الميه فيها بتترعش وتتمرجح .. اي حاجة رقيقة زي سلك كهربا مثلا الاقي بيتمرج بشكل مستمر 24 ساعة .. وردة في فاظة بتترعش .
مابيعديش ساعة بدون ما انا شخصياً اتهز عالكرسي وسعات شاشة الكمبيوتر تتهز .. لما عربية تقيلة تعدي .. وسعات بيعدي بالاربع عربيات جنب بعض
حرفيا الله يكون فى عونك وربنا يسترها معاك
البيت 3 بلكونات وارضي وسطح وانا الدور الاخير قبل السطح .. و عمر البيت 10 سنوات تقريباً
البيت معموله اساس كويس جداً عواميد وخرسانه وكمر مخفي في السقف وكمر ساقط .. ونظام مكعبات الخرسانة اللي في الارض تحت كل عمود دي .. والعمود كبير مش اي كلام والسقف والعواميد فيها حديد كتير .
انا مش خبير اوى بالنقطه ديه - لكن هل دقيت خوازيق قبل القواعد ولا لأ ؟؟؟؟؟
2- اني وضبت وشطبت في الشتاء .. ودي سبب شروخ الخشب او المسافات اللي بين الخشب وبعضه .. لان في الشتاء كان الخشب منفوخ حجمه زايد .. وجه الصيف انكمش
وأحتمال نفس السبب في الحوائط .. لأن الشروخ حجمها بيقل في الشتا
بصراحه شايف الكلام مش منطقى شويه فى مقابل الصور اللى حضرتك رفعها
3- الصنايعية شغلهم مش مظبوط
قلب الام بيقولى ان البنا (اللى بنى الحوائط) شغله كان اى كلام او ان الاسمنت كان مغشوش لأنها حصلت معايا
فأنا دلوقت عايز اصلح المشكلة دي .. علشان اعرف استقر في شقتي وافرشها .. ونفسيتي ترتاح
انا اتعودت على المراجيح اللي موجودة على طول .. لدرجة اني مابقتش افرق بين الزلزال والعربيات النقل اللي بتعدي .. لأني في حالة زلازل مستمرة .
وموضوع الاهتزاز ده رغم خطورته بس انا شايف انه اقل الاسباب .. في عمارات عالطريق عدل بقالها 25 سنة 8 ادوار و 9 ادوار .. ومعندهمش المشاكل اللي عندي دي .. واللي عنده بتبقى حجات بسيطة
لكن انا عندي كتير اوي اوي .. مفيش حيطة سليمة عندي .
حتى موضوع ان اكسر حوالين الشرخ وكده .. انا مستصعبه .. لأن الشرخ مش خط لوحده
ده متفرع منه خطوط تانيه وداخل معاه خطوط .. خرايط .
حاسس اني هشتغل نحات افضل احنتف في كل شرخ .. مع العدد ده كله في الشقه الموضوع مرهق اوي .. وكمان هحتاج ادهن الحيطة يعني الشقة كلها هتتعمل نقاشة يعتبر من جديد .
هل في حل غير التكسير على كل شرخ والمعجون وكده
بص يا سيدى الشروخ ليها اكتر من حل
الحل المكلف هو اللى انا بعمله
بيتفتح الشرخ على مصرعيه
بتجيب سلك بقلاوه صلب عرض 20سم ويتركب ويترطش ويتساب يوم أو اتنين وبعد كده يتقفل - فيه ناس بتضيف ادابوند قبل ما تقفل - وفيه ناس بتشترى ماده من كيماويات البناء الحديث خاصه بالشروخ
حاول تجرب تعمل اللى هاقولك عليه
حاول توصل لأى مكان ميكونش متمحر عندك وحاول بمسمار كبير ولا حاجه انك تكحت الاسمنت اللى ما بين الطوب - لو نزل معاك زى التراب ولاقيته سهل الكحت يبقى انت لازم تمحر من بره وتحط سلك على كل الفواصل
-
اقتباس:
المشاركة الأصلية كتبت بواسطة a.saad
لو فاكر الشركة المنتجة للمعجون اسالهم بالتليفون
هل ينفع داخلى ولا لا ؟؟
لو مش فاكرها : عدى على اى موان او المكان اللى اشتريت منه اسال عن اسمها
أفتكر انه يصلح للدواخل لأن الموان عارف والنقاش كان معايا
ولما لقيت الشيكاره ب 75 جنيه .. جبت 10 شكاير منها والباقي كان شكاير معجون جاهز نوع تاني بسعر ارخص مش فاكر كام .. لكن ماكنش للواجهات .
النقطة التانية ان المناور عالمحاره والسلم عالمحاره وفيهم نفس شكل التنميل والشروخ دي .
فالشروخ جاية من المحارة نفسها .
-
أستاذ / msobhy
أشكرك على تحليلك للموضوع وإستنتاجك
شكوك حضرتك شكلها كدة في محلها .. لأني بلاقي تراب اسود عالبلاط تحت الشروخ دي
يعني لو شرخ رأسي .. الاقي تحتيه كومة تراب اسود كل فترة .. وبقول ماهو علشان ده شرخ في المحاره والبيت في اهتزازات .. فبتقع المحاره من داخل الشرخ في هيئة تراب ناعم .. وهو دة اكتر سبب مخليني عايز اعالج الشروخ .. لاني بحب النضافه واكره التراب .
لكن المنطقة كلها بتجيب الاسمنت والرمل ومواد البناء من نفس المصدر .. والمنطقه ديماً فيها حالة بناء بيت او اكتر مع بيوت بتبنى ادوار اخرى .. وانا بشوف الناس وبشوف تشطيبهم وبشوفهم بعد فترة .. مش لاقي عندهم مشاكلي دي .
لكن عايز اقولك ان أسوء صنايعي اشتغل في شقتي .. كان بتاع المحاره .. والدي اللي كان جايبه وانا مش مقتنع بيه واتخانقت معاه كذا مرة وهو شغال لدرجة اني قولتله امشي في مرة ماتكملش شغل .. وخليته عاد شغل كتير كذا مرة .. وحاسس ان الحيطة فيها رملة كتير .
والزوايا مش مظبوطه .. وتعبني جداً وطول اوي بتاع المحاره لوحده قعد شهر وشوية وانا في عرض يوم .
وفي فرق بين محارته ومحارة الدور الاول .. الدور الاول محارته أفضل بمراحل كبيرة .. لكن في بعض الحوائط عالواجهة في الدور الاول عند والدي فيها نفس خط الشرخ اللي موجود عندي في نفس المكان .. لكن باقي الحوائط سليمة عند والدي .
موضوع السلك البقلاوة واطرطش عليه او امحر .. دة موضوع كبير عليه .. وكمان لاحظ الن الشرخ مش خط مستقيم .. يعني السلك عايز يتقص ويمشي منحنيات مع الشرخ .
عايز اقولك انا بنفسي كنت بمسك فرشة البلاط .. ومشيت عالسيراميك كل بلاطه لوحدها وانضفها .
واكيد انا لو عملت موضوع السلك وطرطشة ومحاره وكده .. هبهدل الدنيا واحتمال تبقى حوسة بالنسبالي .. ومعرفش الم الدنيا والاقيني حضرت عفريت ومش عارف اصرفه .
وهو احلى حاجة عندي في الشقة السيراميك واحسن صنايعي ( الله يباركله بجد ) .
والله من كتر حيرتي واني شايف الموضوع كبير .. فكرت ابني الدور اللي فوقيه .. واشطب شقة من أول وجديد
لكن على مهلي بقى وفي الصيف .. واتفادى الأخطاء اللي حصلت في الشقة دي .
وسعات بفكر استحمل شوية كمان وافضل عالحال دة .. لحد ما اقدر اخد شقة في مكان أفضل واشطبها تشطيب أفضل .
-
علشان تقطع فرط الموضوع ده لازم تشوف حيطه فيها شروخ كتير وتجيب نحات يشيل المحاره وتشوف الشروخ ديه فى الحوائط ام لا. واعتقد انها هتكون من الحوائط نتيجه هبوط نسبى فى المبنى. لان شروخ البرور والابواب يوضح ذلك
-
الموضوع سهل
طبعا الحشو بالسلك صعب بالنسبالك لسبب ان الشروخ خرايط فلو انت مش مستعجل علي السكن في الشقة تجيب صنايعي موثوق وتخليه يخربش غرفة كامله 2مم وبعدين نحاره باسمنت خاص بالنحاره لان الاسمتت الخاص (بالصبه) مختلف وبعدين تدهنها وتنظر 6 شهور تشوف الوضع ايه
اما انك لو حدك الظاهر مش عندك خبره كفايه
-
الموضوع سهل
طبعا الحشو بالسلك صعب بالنسبالك لسبب ان الشروخ خرايط فلو انت مش مستعجل علي السكن في الشقة تجيب صنايعي موثوق وتخليه يخربش غرفة كامله 2مم وبعدين نحاره باسمنت خاص بالنحاره لان الاسمتت الخاص (بالصبه) مختلف وبعدين تدهنها وتنظر 6 شهور تشوف الوضع ايه
اما انك لو حدك الظاهر مش عندك خبره كفايه
-
اعتقد ان الموضوع مش محارة سيئة فقط البنا كمان شغله مش تمام (الدليل الترييحات بين الجدران والكمر والعمدان)
فى الاماكن والحالات الي زي حضرتك يفضل الصبه تكون بعد بناء الجدران الخارجيه للشقه (الفيف الخارجي) لانها زي ما ليها عيب انك متقدرش تشيل جدار او تحركه لكن فى المقابل بتقلل من ظهور ترييحات الجدران ( الشقوق )
الحل : بلاش تعالج اى حاجه دلوقتي
اصبر سنه او اتنين كمان وبعدين ابدأ دور على الحل المناسب لميزانيتك ووقتك ساعتها
-
اقتباس:
المشاركة الأصلية كتبت بواسطة dreamo
دة بيتنا .. وانا بنيت دور فيه وشطبته ......
يعني الشقة اول ما خلصت .. الكل انبهر بيها وكانت حلوة فعلاً .
لفت انتباهي العبارة الأخيرة
ولا أعرف هل تؤمن بالعين والحسد أم لا
إن كنت تؤمن بذلك عندي لك نصيحة معينة
-
اقتباس:
المشاركة الأصلية كتبت بواسطة hilal
لفت انتباهي العبارة الأخيرة
ولا أعرف هل تؤمن بالعين والحسد أم لا
إن كنت تؤمن بذلك عندي لك نصيحة معينة
من ناحية الحسد .. فالحمد لله حصل .. وبلاطه في الحيطة في وش المطبخ طقت لوحدها عالحيطه
و الله أعلم .. لكن سواء حسد او ظروف طبيعية او الاتنين مجتمعين .. خلاص الشقة باظت كدة كدة .
من نصائح حضراتكم وكلامكم .. انا طلعت بنتيجة .. ان الشقة لازم تفضى ويدخلها نقاش محترم يتعامل مع المشكلة دي وياخد وقته معاها .. ودة صعب او تقريبا مستحيل . في الوقت الحالي
مش لأسباب مادية .. الحمد لله الحال متيسر .. لكن المشكلة ان شغلي كله في البيت وبحتاج هدوء وروقان واستقرار .. لاني بقعد بال 16 ساعة عالكمبيوتر اشتغل ومركز .. ومينفعش اتعطل الفترة دي خالص .. هي دي مشكلتي اني مش عايز اجيب صنايعية في الشقة وانا فيها .
بخصوص الخشب .. انا عندي قناعة انه بسبب تقلب الجو بين الصيف والشتاء والرطوبة اللي في الخشب
لأن من تحت عند السيراميك .. الخشب عمل فرق ( فراغ ) لما الصيف دخل والحر اشتد .. وكمان المسافة بينه وبين الحلق وسعت بالنسبة للابواب
انا كنت مفكر ممكن الاقي حل سهل اتسلى فيها مع نفسي على مهلي في وقت الفراغ ( كنت متخيل ان في مادة سحريه هجبها احقن بيها الشروخ وتلم لوحدها )
وبما اني مش هينفع افضي الشقة الا في حالة وجود شقة بديلة .. فالحل هو اني اسيب الوضع على ماهو عليه .. سنة كمان زي ما قال الاخ المحترم .. وبعدين اشوف هعمل ايه .. يمكن انقل منها خالص .
ملحوظة : صديق لي قالي كان لازم تخلي الممحر يحوطلك سلك بقلاوة بين العواميد والحيطة ويمحر عليها .
يلا نصيب والحمد لله .. الواحد مش بيتعلم ببلاش .
-
اقتباس:
المشاركة الأصلية كتبت بواسطة sha2e
اعتقد ان الموضوع مش محارة سيئة فقط البنا كمان شغله مش تمام (الدليل الترييحات بين الجدران والكمر والعمدان)
فى الاماكن والحالات الي زي حضرتك يفضل الصبه تكون بعد بناء الجدران الخارجيه للشقه (الفيف الخارجي) لانها زي ما ليها عيب انك متقدرش تشيل جدار او تحركه لكن فى المقابل بتقلل من ظهور ترييحات الجدران ( الشقوق )
الحل : بلاش تعالج اى حاجه دلوقتي
اصبر سنه او اتنين كمان وبعدين ابدأ دور على الحل المناسب لميزانيتك ووقتك ساعتها
النصيب بقى .. بس احنا بنبني الحوائط الاول فعلاً وبعدين بنرمي السقف
يعني الدور بيكون عباره عن عواميد فقط .. بنبني ونقسم الشقة عادي .. وبعدين السقف يترمي .
-
اقتباس:
المشاركة الأصلية كتبت بواسطة عبدالله برعى
الموضوع سهل
طبعا الحشو بالسلك صعب بالنسبالك لسبب ان الشروخ خرايط فلو انت مش مستعجل علي السكن في الشقة تجيب صنايعي موثوق وتخليه يخربش غرفة كامله 2مم وبعدين نحاره باسمنت خاص بالنحاره لان الاسمتت الخاص (بالصبه) مختلف وبعدين تدهنها وتنظر 6 شهور تشوف الوضع ايه
اما انك لو حدك الظاهر مش عندك خبره كفايه
معلش انا مفهمتش حضرتك كويس
انا اعرف ان النحات دة بيبقى شغال في وزارة الاثار والحجات دي .. يعني مش صنايعي اجيبة شقة يشتغل فيها .. ولا حضرتك تقصد بتاع المحاره ..
انا محتاج شرح اكتر بعد اذنك لموضوع النحات دة ويجي منين .. وايه هي الصبة دي اللي حضرتك تقصدها .. ويعني ايه يخربش 2 مم
وفعلا انا معنديش خبرة كفاية في الموضوع دة .
وانا بافعل قاعد في الشقه بقالي سنة ونص ... يارتها كانت لسه فاضيه مش قاعد فيها .. كنت هديتها وبنيتها من جديد .
-
النحات عبارة عن صنايعي او عامل فواعلي متخصص فى التكسير فى المونه سواء محارة او خرسانه
غالبا مش بيكون معاه أجنه ومطرقه بس هتلاقي معاه أكتر من سنبوك كمان (شكل المسمار بس كبير عنه شويتين)
وهتلاقيه فى نفس المكان اللي بيبقى فيه العمال والفوعليه
النحات صنعته او حرفته التكسير واول ما هيبدأ يشتغل هتحس انها حرفه
غير المثال او نحات التماثيل ده حاجه تانيه
-
-
-
-
-
-
-
هات شويه جبس صغيرين خالص
ضيف لهم ميه واعجنهم زى الدقيق
تعالي عند شرخ مائل او رأسي واعمل بؤجه بالجبس عرضى عالشرخ
تخانتها وسمكها ميزدش عن حجم بسكويت الشاى كده
سيبها تنشف وراقبها لمدة شهر
لو هيا نفسها شرخت يبقى المبانى عندك بتريح ولازم علاج فورا
كل ما الشرخ زاد الخطوره تبقى اكبر
-
بتاع النحارة معاه اله كدا فيها ريش زي سن المنشار وبتخربش بعمق
تشتري واحدة او تاجر بتاع المحارة يخربش او يزيل طبقة المحارة في واجهه حائط كامله وبعدين تبدا تمحر باسمنت خاص بالتنجير (الاسمنت كله يلائم التنحير ولكن توجد انواع ليست تجف (تشك بسرعه)
-
اقتباس:
المشاركة الأصلية كتبت بواسطة عبدالله برعى
بتاع النحارة معاه اله كدا فيها ريش زي سن المنشار وبتخربش بعمق
تشتري واحدة او تاجر بتاع المحارة يخربش او يزيل طبقة المحارة في واجهه حائط كامله وبعدين تبدا تمحر باسمنت خاص بالتنجير (الاسمنت كله يلائم التنحير ولكن توجد انواع ليست تجف (تشك بسرعه)
هو فعلاً من كتر الشروخ اللي في كل حيطة .. بحس ان الحيطة عايزة تتمحر من أول وجديد
لأن هعالج شرخ ايه ولا ايه .. الشروخ كتير اوي .
الألة دي شوفتها مع بتاع المحاره بيستخدمها في المحاره والاسمنت لسه طري
أسمها تقريباً مرجفلة
تقصد اجيبه يزيل الدهان بالمحاره ويجيب الحيطة عالطوب الاحمر تاني
وبعدين يمحر بأسمنت مخصوص للمحارة .. غير الاسمت اللي بيستخدم في البناء
طيب هل الألة دي هتزيل الدهان والمعجون والاسمنت من عالحيطة بالسهولة دي
أعتقد لازم أجنة وشاكوش وتكسير .. لأن المحاره صلبة جداً وماسكة في الحيطة
وايه هو نوع الاسمنت المخصوص للمحارة .. وهل بيتحطله رمل ولا هي خلطة جاهزة ( شوفت مرة عالنت اعلان لمونة جاهزة للمحارة )
وهسيبها اد ايه تنشف بعد المحارة .
دة فرضاً اني نويت افضي الشقة فترة وأعمل كدة .. وطبعاً السيراميك هيتبهدل من المحارة والاسمنت والنقاشة .. وممكن يتجرح ويتكسر منه بلاط .
وهيحصل بهدلة جامدة في تشطيب السباكة من الصنايعية واللمض والكهربا
كل ده هيبوظ من تراب الاسمنت وشغل الصنايعية واستخدامهم .
يعني انا كدة شبه هفور الشقة واعمل كل حاجة من جديد مش بس نقاشة .
