هـــل قيــــــادة المانيـــــــوال متعبــــه ام متعـــــــه في شــــــوارع مصــــــــر
هـــل قيــــــادة المانيـــــــوال متعبــــه ام متعـــــــه في شــــــوارع مصــــــــر
مشيت وراء اكذوبة الاوتو مريح ففقدت متعة القيادة للاسف
يحيا المانيوال
تحياتي
يعني تنصـح بالمانيـوال ولا الاوتـو
لو حضرتك لسة شباب وصحتك سليمة وأعصابك هادية وطرقك مش زحمة ... أركب مانيوال
ولو عندك كل اللى فات برضوا بس عاوز تحافظ عليهم ... أركب أوتوماتيك :)
انا بحب المانيوال تحس انك بتاخد وتدى مع العربيه انما الاتو تحس انك ميت
اكيد طبعا بدون تفكير اوتماتيك
المفروض تسال و تقول.ليه اجيب مانيوال
مفيش اي متعه ف انك كل مترين بتلاقي مطب ورجلك وايدك شغالين ف الغيارات
ف الزحمه وانت رجلك ع الدبرياج كل شويه
المانيوال.هاته لو عايش بره انما ف مصر اوعي
وياعم هاتلك اوتوستيب ترونيك لو حابب تقبل مانيوال وتجربه
بس خاليك ف الاوتو عن تجربه عشر سنين مانيوال وسنتين اوتو
فاكر احمد حلمى لما كان بيعمل شيرى عادل على المانيوال ولما خبطت العربيه قالها تعالى اتعلمى على عربيتك الاتوماتيك فقالته ليه مش انت قولن المفروض اتعلم على المانيوال الاول . فقالها ده كلام بيقولوه علشان ياكلوا بيه عيش
برضه نفس النظام هات اتوماتيك وريح دماغك. المانيوال فى الزحمه متعب.
لو شغلك زي حاﻻتي
كل يوم من الشرق للغرب
وتلف الشوارع زي سواق التاكسي
يبقى اوتو بلا جدال
انما لو مشاوير ك بسيطه
المانيوال شغال
السلام عليكم
العربية غاية ولا وسيله؟
وسيله لو رايح الشغل و هتوصل الولاد للمدرسة مشوار روتينى فى طريق زحمه للشغل -مشوار السوبر ماركت = automatic
رايح تتفسح سفرية او طلعه فى اخر اليل و سماعات و شد = manual
الخلاصه : هاتلك تويوتا موفرة فى البنزين و تكاليف التشغيل اليومية
بي ام دفع خلفى مانيوال للفسح
او عربية فى النص تنفع للاتنين بس حتبقى رقصت على السلم زى الل steptronic
زى الهوندا مثلا او عربية فتيسها DSG ( بلاش dsg فى مصر) بس هو ممتع و اقرب الى المانيوال
من عاشق المانيوال و حاليا سجين الاوتو :(((
اتوماتيك عشان الزحمة
الاتنين :)
بصراحـة المانيوال متعة ,, علي الرغم من أنه متعب في الزحمة شوية ..
لكن تحس أنك منسجم مع العربية ,,, ووقت لما تحتاج تسقط نقلة للضرورة أو غرزة ,, ما بتتأخرش عنك.
الأوتوماتيك مريـــــح جدا , لكن يفقدك متعة القيادة ..
رأيي الشخصي ... :)
مفيش شك ان المانيوال متعب و ان الاوتوماتيك مريح
انا فضلت 12 سنة معايا مانيوال , ولسه ناقل على الاوتوماتيك السنادي , طبعا في الزحمة بحمد ربنا الف مرة على اللي انا فيه , النقص الوحيد اللي بحسه لما الطريق يفتح و احب اني اشد بالعربية زي ماكنت بعمل بالفيرنا المانيوال بلاقي ان استجابة الاوتوماتيك اقل بكتير للشد و السحب الجامد
بس برضه لو قارنت بين مميزات الاوتوماتيك و مميزات المانيوال في نظري الاوتوماتيك يكسب طبعا خصوصا في بلد زحمة جدا زي مصر , وكل واحد يحدد هو عايز ايه من العربية و ايه الاهم بالنسباله , الشد و الجري بيها و لا الراحة في الزحمة
المانيوال لعنة..انا دفعت تحويشة عمرى على تمن عربيتى المانيوال لمجرد انى اركب اوتوماتيك
مانيوال عادى بدبرياج احسن كتير بزحمة او من غير ...عموما معظم الموديلات الحديثة اللى بتنزل مصر مبينزل منها مانيوال أساسا للأسف معرفش ليه مع انه ممكن يكون أرخص ...أعتقد ان المانيوال هينقرض فى خلال عشر سنين
مانيول في مصر
عذاب
المنيول دة يجيى في بلد نضيفة شورعها فاضية ومفيش لا حفر ولا بلعات ولا مطبات
مصر بدون كلام الاتومتيك افضل مليون مرة
وراحة بال
موضوع الشد والسحب في الاتو اقل اة من المانويل بس انت مش مقيها سبق كل شوية
كمان دلوقت معظم العربيات فيها وضع اسبوت مود اظن دة بيفرق في السحب والتجميع
المانيوال جميل و ممتع لو الشوارع فاضيه و تشد براحتك لكن في شوارع مصر اللي كلها زحمه المانيوال عذاب و حيجيلك الضغط و السكر و الاتوماتيك افضل مليون مره
بلا شد بلا سحب بلا بطيخ
مشوار من المهندسين لمدينة نصر في ساعتين ونص
كفيل يخليك تكره حياتك وانت سايق اوتوماتيك
امال لو مانيوال بقى ؟!!
Automatic طبعا
أولا إنت محتاج تركز في 50 ألف حاجة وإنت سايق
أنت محتاج
1- تكلم اللي جنبك
2- تاكل أنت واللي جنبك وتشرب
3- تركز في sygic عشان تعرف هتوصل إزاي للمكان اللي هتروحله
4- تبعت voice Notes
5- تصور الضابط اللي هتديله رشوه عشان تنفخه
6- تحط إيدك في بق الطفل اللي بيعيط عشان الصداع:baby25:
7- ترمي مخلفاتك من الشباك زي أي كائن متحضر .
8- تركز في شاشات بتاعت إعلانات أيكيا عشان لو في sale ولا حاجة .
9- تهدي عشان تعاكس البنات اللي علي اليمين من غير ما العربية تبطل منك ويبقي شكلك وحش
ياراجل مانيوال إيه أحنا عايزين عربية من غير دركسيون أصلا
أنا شايف الاستبترونك بيحقق المعادلة الصعبة...
مريح في الزحمة وانت جايب الـd وسايبها تمشي لوحدها..
ممتع لما تحب تشد لما تجيب الـ+/- وتسقطلها نقلتين ومحدش يعرف يحصلك..
أنا اتعلمت على مانيوال.. وسقت المانيوال لمدة حوالي 20 سنة (من قبل ما أطلع رخصة)... وجربت كل حوارات الشد والقرص واللي انت عايزه...
ودلوقتي سايق الاستبترونك... لما بحب أريح الجمجمة أديها أوتو... ولما الواحد يسخن بحول على المانيوال.
...
متعه القياده مانوال.. اوتو مشاكله كتير وضعيف في التسارع
المانيوال والاوتوماتيك الفرق بينهما كالفرق بين السياره التى تدور مارش بالمفتاح والاخرى تدور بالمنافله او اليد ٠٠٠ المانيوال هو شىء اصبح او سيصبح قديم جدا والحديث بتاعه هو الاوتوماتيك والدليل انه بعد فتره ليست كثيره من السنين سيكون الكل اوتوماتيك واتمنى لو كان فى عندنا فى مصر بيك اب اوتو للاسف دورت كتير ولم اجد الاوتو منه ٠ بالمناسبه انا راكب بيك اب مانيوال للاسف ومش مرتاح خالص
فى حل تانى فكرت فيه
عربية اوتو
و موتوسيكل متعه متعه بجد