الموضوع: توقع كارثة فى سوق السيارات المصرى

خفض سعر الجنيه اهون من فرض ضرائب وترشيد استهلاك وكلام من ده تشجيع الاستثمار هيستفيد من خفض سعر الجنيه والباقي ع الحكومة تسهيل انشاء صناعة محلية عي االاقل في السلع الاستهلاكية اللي مش عجباهم

علشان منربطش كل حاجة بنقص الامكانيات و نقص السيولة الخ الحقيقة الاخطر نقص الفكر المبدع و البيروقراطية ( الاعتماد على اللوائح و القوانين و التشريعات اللى بعضها من 50 سنة او اكثر ) و هسوق مثل لدولة تماثل او اقل من مصر (الان) اقتصاديا و مرشحة لتكون النمر الافريقى الصاعد و ثانى اقتصاد بعد جنوب افريقيا ,,,,,,موضوع من الوهلة الاولى ممكن نعتبره تافه و غير هام و هو تصوير الافلام الامريكية و الاوروبية فى صحراء المغرب و القصة ببساطة ان فيه افلام تحتاج التصوير فى صحارى و مجاميع بشرية الخ و كان انسب مكان الصحارى المصرية حصل ايه الرقابة و هيئة الاثاره و الجمارك و الحصول على تصاريح معدات التصوير و رسوم استغلال اماكن التصوير و الامن و شرطة السياحة و وزارة الثقافة و نقابة الممثلين و معرفش ايه الناس هربت من مصر و راحت المغرب و كل شئ بيتم فى اقل من 24 ساعة و تقريبا بدون رسوم و كسبت المغرب انشاء استوديوهات عملاقة و اعداد كبيرة من الشباب المغربى عمل فى مجالات تتعلق بصناعة السينما و اعداد كوادر تتدرب فى احضان السينما العالمية و بدأت باكورة افلام مغربية تفوز فى مهرجانات دولية و مصر اكتفت بالريادة.......بنفس المنطق و التفكير فى الوقت تاللى انسحبت فية شركة مرسيدس من مصر يقام الان فى المغرب اكبر مصنعين خارج فرنسا لصناعة كل من بيجو و ستروين و بمعدل سنوى مقرر لزيادة المنتج المغربى المحلى .....المهم فى الموضوع معظم الانتاج معد للتصدير لأن جودة المنتج تحت اشراف فرنسى بالكامل و الجديد كم التسهيلات اللى اعطته المغرب للشركات الفرنسية ارض بسعر رمزى مرافق بسعر التكلفة تذليل لكل العقبات لان الغرض الاساسى مش المكسب من الشركات الفرنسية السريع و لكن تكوين قاعدة انتاجية جبارة متطورة عالية الجودة و خلق اسواق للانتاج المغربى و المكسب هيجى بعدين ...للاسف عندنا رجال اعمال كل واحد شغال فى جزيرة لوحده و كل واحد عاوز يحقق ارباح على حساب اى حاجة تانية و الدولة همها هتحصل رسوم و ضرائب بكام ......يا تىر ده نقص سيولة و لا نقص افكار؟