محتاج اغير السخان بتاعى بواحد 10 ليتر و يكون غاز طبيعى ممكن ارئكم القيمة لو سمحتم
عرض للطباعة
محتاج اغير السخان بتاعى بواحد 10 ليتر و يكون غاز طبيعى ممكن ارئكم القيمة لو سمحتم
بلاش يونيفرسال غاز
وحش جدا
وكل كام شهر لازم له صيانه ( عباره عن قطعه كاوتش اصغر من كف الايد لازم تتغير كل فتره ب 70 جنيه ) غير 50 جنيه رسوم كشف منزلي
ده غير طبعا البطاريات التورش كل فتره تشتري بطاريتين عشان السخان يشتغل
هات اى حاجه الا يونيفرسال
اقتباس:
المشاركة الأصلية كتبت بواسطة abo_salah
شكرا على الرد المشكلة ان عندى يونيفرسال و بيعمل حاجات غريبة و ريحة غاز فبفكر اغيره بس مش عارف اجيب ايه
فى ماركات مستوردة بس غالية شوية
مثل فايلانت المانى 3350
فايلانت تجميع اوربى 2100
ماركى اسمها ديمو حاجة كدة صناعة تركى ب 1950
لو حد ليه تجربة بفيدنا لو سمحتم
بص انا عندي اوليمبك 10لتر وهو مريح جدا ومغيرتش فيه الا البطارية غير كده مفيش اي شكوي منه بالنسبة ليا
لكن في اعضاء بيقولو الاوليمبك مش حلو فااستني شوف رأي باقي الاخوة الافاضل ايه
اي حاجة غير يونيفرسال
اريستون كويس جدا
زانوسى ممتاز جدا
انا عندى سخان المصانع الحربية بقالوا 5 سنوات حمار شغل و اسف للتشبيه و بيحتاج جلدة تتغير كل سنتين ب10 جنيه و الفنى بياخد عشرين غير كده مفيش صيانة العيب الوحيد مفتاح الاشعال الذاتى سئ جدا و بستخد الكبريت بس الشعلة سايبها فمبطفهوش الا لو مسافر و اعتقد دلوقت الانواع الاحدث صلحت العيب ده هات المصانع ومش هتندم
فايلنت المانى 6 لتر عن تجربه.
زمان كنت عايز أجيب باناسونيك يابانى من شركة مصر حلوان.. ولكن للأسف مكنش موجود ستوك ساعتها وندمت إنى منتظرتش .. نصيحتى ليك . هات باسونيك يابنى وهو بالمناسبة 5 لتر تقريباً
المصانع الحربي
كيريازي
اوليمبيك
بالترتيب كده
اقتباس:
المشاركة الأصلية كتبت بواسطة jam
شكرا لجميع المشاركات لكنى كلمتهم قالولى بطل ينزل
ال 6 لتر ده بيبقى كفاية و الا ال 10 احسناقتباس:
المشاركة الأصلية كتبت بواسطة omar101970
ايه اخبار ضمانه و بعدين فيه منه تقفيل اوروبى هل حضرتك جربته؟؟
انا افضل 6 لتر وهو كافى جدا وزى ما حضرتك عارف انه المانىاقتباس:
المشاركة الأصلية كتبت بواسطة shadyselim
11 لتر تقفيل اتحاد اوربى ومحتاج مدخنه
حد جرب السخان اسمو ديمركيو 11 لتر بمدخنة انتاج شركة فايلانت بس تجميع تركى؟؟
افضل سخان الفايلنت الالماني بس ده غالي جدا جدا ولو احتجت له صيانه (وعادة مش هتحتاج) موجوده في التوكيل بتاعه
بعد كده في سخان س 8 بتاع المصانع الحربيه
احسن سخان في مصر كلها بالنسبه للمحلي وسعره كويس
بس استهلاك الغاز بتاعه عالي جدا
فايلانت طبعا ...........
الحاج الله يرحمه كان جايبهولي من بره ...و من ساعه ماركبته من 15 سنه ..ما عملتلوش صيانه ..
العيب الوحيد اللي فيه ان المايه لما بتبق ضعيفه و انت بتفضل مشغله ...يقوم الاملاح تزيد فيه و يترسب و يتسد ...و بيتصلح عادي عن طريق اي فني شاطر ...
بس هو شغال تك تك ...ساعه يعني ... و بطفيه لما بتكون المايه ضعيفه او مقطوعه
عندي ال 5 ليتر
ممكن تقوللي بيتباع فين في مصر ؟؟
شكرا
اللي فهمته ان 6 لتر استخدامه محدوداقتباس:
المشاركة الأصلية كتبت بواسطة shadyselim
يعني ينفع لمطبخ فقط
مش للدرجه دى حضرتك.اقتباس:
المشاركة الأصلية كتبت بواسطة egyption2012
انا عندى الفايلنت 6 لتر وشغال على مطبخ واتنين حمام.
ما فكرتش انى اجيب 11 لتر اولا لأنه تجميع اتحاد اوربى .
ثانيا لأنه محتاج مدخنه .
وقبل كدا كان عندى البناسونيك 5 لتر وكان شغال على مطبخ وحمام وكان بردو كويس
بس هو فعلا مش موجود فى السوق من فتره كبيره.
الحقيقة قرأت كل المشاركات ان حد يقول الرأى اللى هقولهولك ملقتش واستغربت جدا .اقتباس:
المشاركة الأصلية كتبت بواسطة shadyselim
ياعم الحاج نصيحة لوجه الله ابعد عن سخان الغاز لان تجربتى معاه سىئة جدا المهم باختصار قصتى بدأت مع الغاز تقريبا فى 2006 وجبت واحد يونيفرسال 6 لتر او 5 معرفش المهم كان شغال وتمام ويادوب بنغير الحجارة ومع الوقت ابتدى يخرف يعنى تبقى فاتح المية السخنة وفجأة تلاقيها بقت ساقعة جبنا الصيانة قالك موتور الميه اللى عندك ضعيف غيرنا الموتور برضه نفس العيب لحد ياسيدى ما فيوم واحنا قاعدين لقينا دخان طالع بكثافة من المطبخ والسخان والع جرينا معرفش ازاى قفلت الغاز وتانى يوم طلبنا الصيانة قالك اصل السخان اشتغل ومفصلش طب ياعم نعمل ايه بينى وبينك قلت لنفسى اغيره بدل مانموت احنا وعملت نفس اللى حضرتك بتعمله وقريت كل اللى اتكتب عن سخانات الغاز لقيت الاراء بتجمع على الاوليمبيك يا اما اى سخان مستورد ونزلت اشترى طبعا المستورد اسعار فلكية ولقيت الاولميك ال 9 لتر بس لازم اروح الشركة اقدم طلب عشان يعملوا مدخنة وحوار طويل قلت ياعم هات اريستون 6 لتر وخلاص وجبته وركبته واشتغل تمام وزى الفل وبعد 3 لا تقريبا 4 شهور وانا نايم لقيت العيال بيصوتوا صحيت جرى مش فاهم لقيت نفس المنظر الدخان والسخان والع هههههههههه والله بضحك وانا بكتب
المهم جريت قفلت الغاز وقعدنا نفكر بس المرة دى كنت خدت قرارى طلبت الشركة وعشان يجوا بسرعة قلت لهم فى حريقة جم فى ثانية طبعا لقى الدنيا هديت خلاص قلت له لو سمحت فك السخان والوصلة بتاعه قالى ليه دا ممكن يتصلح ووو قلت له بقولك فك السخان الراجل راح فكه من سكات واخد معاه الوصلة النحاس لانها عهده وقلت له اثبتها على الكومبيوتر قالى حاضر ( طبعا وصلة السخان كانت مكلفنى رسوم بس يجى 1500 ج) ونزلت تانى يوم ياباشا اشتريت اغلى سخان كهربا حلة استلس وريحت دماغى ودى كانت نهاية سخان الغاز معلش طولت عليك بس باختصار احنا فى مصر يعنى اسواء عربيات واسواء سخانات وهكذا
http://up.harajgulf.com/do.php?img=248728
اقتباس:
المشاركة الأصلية كتبت بواسطة wawamoha
egypt
sales partner in egypt
for gas water heaters:
Kim trading co.
13 soliman el halaby
cairo
egypt
phone: +20 2 25744958
fax: +20 2 25787487
email: kim@hiba.com
baka for import and export - qubaa group
8 ismail sany st. – gleem
alexandria
egypt
phone: +20 3 583-2353
fax: +20 3 583-2321
email: info@qubaagroup.com
بأختصار لو تقدر تجيب الفالينت ... لا تتردد ...
شغال عند الوالد بكفاءه من ٣٠ سنه
و ٢ شغالين عندى من ١٥ سنه ...
كل اجزاءه معمره جدا جدا و غالبا لا يحتاج صيانه
و ممكن اى فنى فاهم ينضفه كل كام سنه :)
تحياتى ...
شكرا لجميع المشاركات
طيب يا جماعة ايه أخبار فريش وتورنادو؟