الموضوع: القيادة والأخلاق

يا أ/ زيزو

رجاء ايضاح لو كان الموضوع منقول.

يا ريت نتمسك بتعاليم وسماحه ديننا الحنيف لو ده حصل حنبقى عايشين فى جنه

يا جماعة المشكلة مش فينا احنا هنا في نايل موتورز الحمد لله الناس هنا كلها بلا استثناء عارفة واجباتها ايه في الطريق وواضح من اسلوب المشاركات ان الناس عندها تحضر و اخلاق عالية جدا في التعامل مع الاخرين اثناء القيادة
المشكلة تكمن فيهم ... في اللي حضرتك و انا بنشوفهم في الشارع ازاي بيتعاملوا مع الناس يعني مثلا ممكن تلاقي عربية نص نقل قاطعة طريق رئيسي بدون اي مقدمات و السائق ينظر اليك شذرا و بعد ما تعدي يوجه لك الشتائم و يتهمك بأنك ما بتفهمش حاجة و كأن من حقه هو ان يقطع الطريق في اي وقت يشاء و ليس من حقك ان تمر لا بل يجب عليك ان تضرب فرملة جامدة قوي عشان سعادته يعدي دي نوعية من الناس صعب التعامل معاها او الاحتكاك بيها من الاساس لان انت بتتعامل مع انسان بيفترض فيك اساس انك ما بتفهمش حاجة فالتعامل معاه آخرته وحشة
فيه نوعية ممكن تحرجها بتصرف انك تؤثره علي نفسك ان كانت ظروف الطريق تسمح فالموضوع ده يأثر فيه قوي و ممكن يردلك جميلك اللي انت عملته معاه آخر الشارع او يذكرك بالخير او ممكن تصيبه عدوي التصرفات الحميدة و يعرف ان الدنيا لسه بخير
اعتقد ان الوسيلة لتوصيل كلامنا ده لبقية الناس اللي معندهاش التزام في الشارع هي عدم مجاراتهم في الاساليب المتدنية و ان نضع في اعتبارنا ان من ينجح في ان يجرني الي اسلوب غريب عني او تكرهه نفسي فهو قد انتصر علي
لابد من توافر روح التسامح و بث هذه الروح فليست المشكلة من الغلطان طالما المخطيء اعتذر و طالما لا توجد خسائر فواجبنا ان ننشر ثقافة التسامح التي امرنا بينا ديننا و رسولنا الكريم صلوات الله و سلامه عليه

اخواني صدقوني و عن تجربة سنعيش مرتاحين البال و سنقلل نسبة الضغوط التي حولنا و سنحافظ علي صحتنا لاننا اذا تركنا انفسنا لاستفزازات الطريق مش حنخلص ابدا و سنكون نحن الضحية
و الله انا طبقت كل ما اخبرتكم به الان و سعيد جدا لدرجة ان زوجتي الجالسة بجانبي اثناء القيادة فبدلا من ان كان دورها تهدئتي بشكل مستمر اثناء القيادة انقلبت الامور للعكس الان و اصبحت انا اهديها

في النهاية وحشني جدا سيادة المستشار محمد ابراهيم و اقبل اعتذاري لقلة اتصالاتي بك في الفترة الاخيرة و لكن والله سيشرفني ان نلتقي في اقرب فرصة المشكلة الان انني مشغول قليلا الان مع اخي العائد من السعودية و لكن في كل الاوقات انت في بالي دائما


محمد فهمي

• القيادة فن زوق اخلاق واحترام
  
  واذا توافرو مش هيبقا فى اى مشاكل

القياده انعكاس لطبيعه للمجتمع