الموضوع: وقف نهائي مخالف لقوانين المنتدى !!!

السلام عليكم ورحمه الله وبركاته
انا العضو prof2013
حبيت اعرف نفسي للجميع علشان الاخ اللي اسمه عادل نور كان بيهددني ويقول كلام مرسل انت انكشفت ومش عارف ايه وابقى سجل عضوية جديدة اعتقادا منه اني كنت عامل نبي ورسول في المنتدى وانكشفت ههههههه
الحمد لله انا واثق من نفسي جدا ومش بيهمني اي حد
واضح انه اتحرق اوي من توقيعي بتاع جوتيوب اللي نافخ السيساوية كلهم وفاضحهم في كل مكان وده يدل على ثمار البرنامج ما شاء الله
على فكرة ده اول توقيع احطه في المنتدى من ساعة ما سجلت فيه وكان قصدي منه افرفش اعضاء المنتدى مش اكثر ومكانش قصدي اي حاجة ناحية السيساوية والله
لان الموضوع اتحسم خلاص والشعب اتقسم فئتين فئة احرار وفئة عبيد عمر الحر ما يبقى عبد وعمر العبد ما يبقى حر لذلك انا بطلت كلام في السياسة نهائي بقالي اكثر من سنة ونصف
ومتابعتي للبرنامج لمجرد الضحك مش اكتر زي ما كنت بسمع باسم يوسف واضحك لما كان بيتريق على الاخوان عادي جدا رغم اني كنت مؤيد للاخوان فعادي يعني
وطبعاً لما سعادتك شوفت التوقيع واتفرجت على الفيديو افتكرت اني ليا نشاطات سياسية تبع الاخوان وده مش صحيح خالص وده يدل انك عضو حديث العهد بالمنتدى وما تعرفش ماضي الاعضاء هنا فبتحكم على اواخر الامور ....
بس انت اتحرقت اوي من الفيديو لانه جه على الجرح وظهرت حرقتك اوي بخروج قاذوراتك على شاشات الكمبيوتر وسبك لامي رغم اني ما جيبتش سيرة الامهات
وكعادة السيساوية ايضا بالصاق التهم على غيرهم لا علاقة لهم بجماعة الاخوان ولا السلف
وكعادتهم في التقاط اي سقطات من وجهة نظرهم تصدر من مخالفيهم لتبرير افعالهم المجرمة تجاه الشعب وتصفيته.
انتهى دورك انت كده
................................
بالنسبة بقى لسبب الوقف
ارسلت لي الادارة امس بأني أتوقفت نهائي بسبب جملة "النسوان مبولة" رغم اني كنت اقصد ابعاد تانية من الجملة ولكن انفعالي ناحية النساء وتذكري لبعض المواقف التي مريت بها لحظة كتابة الرد خلتني افورت شوية وكتبت كلام جارح ناحية النساء اللي بتعني احتقار المرأة
واليكم مقصدي
اولاً خلينا نتفق ان الزواج موضوع مهم في حياتنا فعلى اساسه تتقدم امم وتنهار امم .... ايوة طبعاً الاستقرار الاجتماعي له دور كبير في اي تقدم اخر
لان الاستقرار الاجتماعي والاسري + دور الدولة والتعليم بيخرج جيل ناجح وناضج ومتحضر وبالتالي تتقدم الدولة بسواعد ابنائها
فلما ييجي شاب كافح ونجح واشتغل وكون نفسه ويبدأ بقى يدخل في اهم موضوع في حياته
يلاقي صورة تانية غير اللي رسمها في ذهنه يفتكر ان العيب في المواصفات اللي حاطتها فيقوم يغير شوية ويعدل في المواصفات ويلاقي نتيجة اوحش فيقوم يغير تاني ويتنازل شوية شوية فيلاقي نتائج سلبية وكل ما يغير يلاقي نتائج أسوأ طيب العيب فين هنا ؟
اه صحيح ده فشل زواج الصالونات
خليك ياعم في الزواج عن حب او ناس تكون معرفة اوي بيك كل اللي فات مش مقياس ان الجواز وحش او انا وحش
غيرت طريقة البحث وبدأت أدور وسط المعارف لاء وايه ناس بيعزوني اوي
كل ما اكلم واحد علاقتنا تبوظ سوا بسبب اني كنت عايز اتجوز بنته او اخته او قريبته
النظرة بتعبر زي ما يكون عايز يقولي هو انا بنتي بايرة علشان اديهالك !
او علشان انا احترمتك شوية خلاص يبقى انا عايز اناسبك !
رغم رغم اني افضل منه وبنته في المستوى
وكانت اخرها زميلة ليا في الشغل بتعزني اوي وعندها بنوته في الجامعة حافظة القران طلبت ايد بنتها ردت عليا رد جارح واتغيرت المعاملة 360 درجة بعدها ... بس انا قدرت بعدها بخبراتي الاجتماعية امتص ده كله واكسبها تاني علشان احنا في وش بعض على طول في الشغل وما ينفعش العلاقة تكون في احتقان
قولت يبقى انا ادور على العروسة نفسها
وكانت اخرها واحدة مطلقة كانت مريضة وماتت الله يرحمها عرفت بعد ما ماتت بفترة انها كانت مواعدة شخص اخر وكانوا متفقين على الزواج بعد شفائها من العملية لكنها ماتت الله يرحمها
يعني انا مكنتش مالي عينها بس كانت محرجة تحرجني يلا الله يرحمها .....
افاجأ بعد كل هذا اني مش لوحدي بس واجهت هذه الاهوال بل شباب افضل مني يعانون نفس الامر !

بدأت أفكر خارج الصندوق (برا مصر أقصد) لاني كنت على نياتي وافتكرت ان بنات برا اكثر تفتحاً عن هنا طبيعي
معرفش ان المرأة هي المرأة في كل زمان ومكان (كيدهن عظيم) الا من رحم ربي
فبدأت ببوسنيات نظراً لانهن مسلمات زينا وفشلت لاكتشف بعض ذلك بعد بحث طويل في المنتديات وقصص انهم مسلمات على البطاقة فقط وانهم بيعملوا كل الموبقات واكد لي ذلك صديق مسلم من الصرب بيتكلم عربي مكسرتعلم في البوسنة وحذرني ونصحني بالابتعاد عنهم وقال لي اقسم لك اني اتمنى اتزوج مصرية ولا اتزوج بوسنية ابداً في حياتي
ثم كندية لاجدها تعادي الاسلام شر المعاداة ثم اندونيسية مسلمة حاولت اقناعها بالحجاب ولكنها لم تقتنع ثم اخيراً نصابة كبيرة من جنوب افريقيا ادعت انها امريكية وكانت بتغير الاكواد ليظهر عندي ان الاتصال من امريكا وكانت بتقولي ان ليها عمة بتشتغل في انجلترا وعايزة تتعرف عليك وكلمتها بالفعل برقم بريطاني
كانت فكرة النصب اقناع الخصم ان كل شيء على ما يرام وطبيعي جدا واقامة علاقة طويلة الامد حتى اذا ما شعر الخصم بالارتياح والثقة تبدأ من هنا عملية النصب
وبعد حوار طويل في جنوب افريقيا وعياط على التليفون معرفش مثلتها ازاي بنت الايه وتواصلات مع السفارة الامريكية هناك في جوهانسبرج لمساعدتها اكتشفت انها عملية نصب كبيرة ومحنكة الحمد لله ما خسرتش كتير هما تلاتين دولار شحنتهم على الاسكاي بي للمكالمات الدولية
ويرجع الفضل لله ثم السفارة الامريكية رغم اني تقلت عليهم جامد ولكنهم ساعدوني ومتأخروش لحظة واحدة عن المساعدة وحذروني من ارسال اي اموال ليها حتى يتم التأكد من الامر
المكالمات بيني وبينها وبين عمتها وشريكها في النصب وبين السفارات الامريكية والمصرية هناك سجلت معظمها من خلال برنامج تبع سكاي بي بيسجل المكالمات في النهاية بلغت عنها الشرطة ان دي نصابة على الانترنت وبعتلهم سكرين شوتات والمكالمات كدليل وخاصة مكالمات السفارة الامريكية دليل كافي قالوا هنبث في الامر ولم يفعلوا شيء بلد زبالة اصلاً

البنت دي افجر بنت شوفتها في حياتي ولا هاشوف زيها في حياتها والدرس المستفاد من كل ده ان الواحد يحمد ربنا على المصيبة اللي هنا (اقصد بنات مصر) لان فيه مصايب اكبر والعن في الكوكب الاخر
عرفت والله قيمة المصيبة اللي هنا
طبعاً فيه تفاصيل كتيرة عن البنت الاخرانية كنت هعمل موضوع لوحده عنها مدعم بالاسكرين شوتات والمكالمات لتوضيح طرق النصب الحديثة على الانترنت بس ما فضتش والموضوع كان هيحتاج مجهود جامد

فبعد كل هذه التجارب المريرة عايزين تبقى نظرة الشاب ايه للبنت ؟!
ما علينا خلينا نقرب الموضوع اكتر
خلينا نتفق ان الجواز عفة للشباب والبنات ومع هذا المطلب الا وهو العفة يحتاج الشاب والبنت اشياء اخرى لان الجواز عفة واشياء اخرى كبناء اسرة وانجاب اطفال وتفاهم وحوار الخ وتختلف المواصفات المطلوبة من شاب لشاب وبنت لبنت
لما ييجي الشاب بقى يتقدم لواحدة وبيبقى حاطت اعتبارات مهمة زي الدين والاخلاق والنسب في ذهنه قبل الجمال مثلاً ويتصدم بالواقع المرير ويفشل مرة مع التانية هيوصل بيه الحال في نهاية المطاف بعد كل هذا الفشل الى وضع اختيارات مختلفة تماماً عما سبق
فا اما ان يعرض عن الجواز نهائياً أو يتنازل عن مواصفات كثيرة ومهمة في حياته لاجل الزواج والعفاف حتى لا يعصي الله يا اما تفكير ضال يقوده الى الحرام
بالنسبة لي انا اخترت الاولى وهناك من يختار الثانية وهكذا
انتوا عايزين شاب بيشوف نسبة طلاق عالية حواليه وانفصالات كتير وخيانات زوجية هنا وهناك ويقول عايز اتجوز الا اذا كان مجنون او فيه دافع قوي يدفعه دفعاً نحو الزواج رغم علمه بمآسي هذا الامر الا لاجل العفاف فقط لا غير فهو يقدم ذنب اصغر على ذنب اكبر وهناك من يستطيع ان يصبر ويكيف حياته على العزوبية وهكذا

كفاية كده علشان صوابعي وقفت من الكتابة هههههههه
.....................................

في النهاية اطالب الادارة بارجاع عضويتي السابقة واعتذر عن اي اساءة اسأتها بذلة لسان
رغم ان ردي كان يمثل تعبير عن المرأة بوجه عام اما المحترمة فعلى العين والرأس

واحب اوجه ملحوظة ان فيه بنات كتيرة بردو بتبص للشكل والفلوس في الراجل قبل اي حاجة تانية ولو مش موافقيني في الرأي اسالوا اي بنت رفضت شاب محترم .. ليه رفضته ؟!
ليه بلاقي شباب كتير وسيمة امكانياتهم المادية على قد حالهم ومؤهل تعليمي على قد الحال بيتزوج بسرعة وبنات اعلى منه في المستوى ؟ الا لاجل عيونه الزرقاء او الخضراء !
امامي تجارب بكده
بلاش من دي .......
ليا زميلة في العمل كبيرة في السن بتنصحني بعدم الزواج طيب ليه ياست الحاجة ؟
علشان انت ياحبيبي مش قد بنات اليومين دول انت غلبان وطيب البنات بقوا وحشين أوي ومدلعين وانت ياكبد امك مش ناقص وجع دماغ انت موظف ومرتبك في جيبك تعيش اخر حلاوة ولا مسئوليات ولا قرف
ها ايه رأيكم بقى ؟
ادي ست ورأيها في البنات مجبتش حاجة من عندي

واخيراً ليس للادارة حق في انها توقفني نهائي
بناءاً على القوانين التالية

.................................................. ....


بما ان الادارة دماغها ناشفة شوية اعتقد انها مش هترجع عضويتي فحبيت ابرر موقفي قبل ما اسيب المنتدى واشكرها على كل حال في انها السبب اني اتعرفت على ناس محترمة زي ابو اسر والشيخ خالد والدكتور هلال وغيرهم
ولا عزاء للحاقدين من السيساوية وغيرهم فليذهبوا الى الجحيم


تم الايقاف نهائى لتعدد العضويات
م ع 7