محتاج عربيه مستعمله فى حدود 55 الف ومحتار بين التلاته دول

السلام عليكم

محتاج عربيه مستعمله فى حدود 55 الف
دى اول عربيه ليه و استخدامي ليها حيكون كالتالى
1 - حتعلم السواقه عليها ( بعرف اسوق بس مبتداء )
2 - مشاوير خفيفه داخل اسكندريه
3 - استهلاك بنزين مش عالى
5 - توفر قطع الغيار
6 - متحكش فى المطبات علشان فى الغالب حيبقي فيها عدد اربع اشخاص

العربيات الى بصيت عليها

بروتن جين 2 موديل 2006
اوبل كورسا سيدان موديل 2006
رينو كليو موديل 2003 و موديل 2008

محتاج عربيه متطلعش عيني فى البدايه علشان لسه معرفتي بالعربيات قليله جداااااا وحغيرها فى خلال سنتين بزيرو ياريت النصيحه فى شراء عربيه بالمبلغ ده حتى لو كانت غير الى مكتوبين فوق

وكمان متغلبنيش فى اعادة بيعها

- الأوبل

- متخفش كل يوم الجديد والقديم بيغلى.

انا شايف انك تجيب دايو يا فيرنا حالة نضيفة على قد فلوسك و مطلعش عينك تصليح .. و قطع غيار رخيصة و موفرة فى البنزين

و ابقى غير لما تتعلم السواقة لعربية افضل

و بالتوفيق فى الاختيار :bye:

انا مع الرأي انك تجيب فيرنا أو دايو لأن قطع غيارها ببلاش وأي واحد بيشتغل فيها
ولما تبيعها مش هتخصر فيها بالعكس ممكن تزيد
الأوبل قطع غيارها غاليه وبما أنك هتتعلم يبقى هتبوظ فيها حاجات نتيجة لقلة الخبرة
خليك في الفيرنا واللانوس أو حتى الاسبرانزا 516 وانت الكسبان

سيبك منهم كلهم ماتنفعش ظروفك لان قطع غيارهم غالية واحتمال تكون قليلة في اسكندرية
الفيرنا او اللانوس تكسب عنهم بكتير