قريبا .. حجب skype whatsapp viber facebook calls

بتستخدم skype او whatsapp calls او viber او facebook calls؟ بتلعب اون لاين؟ قول لهم باي باي grin emoticon الجهاز القومي لتنظيم الاتصالات اصدر قرار "بحجب" البرامج دي مش بس على 3G كمان على الانترنت العادي. لو الحاجات دي شغالة عندك دلوقتي استمتع باخر ايامها kiki emoticon اولهم هيبقى skype و ده اتقفل عندي خلاص. كلمت خدمة العملاء قلولي مش بايدينا كلم الجهاز القومي. كلمت الجهاز قلولي صدر قرار بحجب البرامج دي و مش هنقدر نسجل شكوتك لو معترض ابعت "فاكس". بالبلدي "روح لأمك". لما قلت لهم صحابي شغال عندهم عادي قالوا لي بالحرف "بيتم تطبيق القرار تباعا على جميع الشبكات". الكلام ده انا مش جايبه من حد كان بيفضفض معايا و لا كان بيحكيلي حاجة, كل حاجة انا كاتبها اتأكدت منها بنفسي. كنت فاكر الاول ان الشركة هي اللي بتستهبل, بس كلمت الجهاز المسؤول بنفسه و قلولي بكل صراحة المعلومة دي و بالفعل بدأ تطبيقها. أنا من الناس اللي شغلها كله معتمد على الحاجات دي. بالنسبة للناس بقى اللي اهلها متغربين و دي الطريقة الوحيدة للتواصل معاهم و رؤيتهم؟ طز فينا و فيهم. حسبي الله و نعم الوكيل، هيرجعونا ١٠٠٠ سنة ورا ☺

تحديث بسيط: للناس بس اللي بتقول انت جايب الكلام ده منين و بتاع و طالما ده صح ازاي الكلام ده مش مكتوب في حته و ازاي انا لسه عندي الحاجات شغالة. الاجابة بساطة انهم لسه بيجربوا و كل الناس اللي اعرفهم عندهم المشكلة دي مع vodafone adsl بس لما كلمت الجهاز قلولي ده هيتم تطبيقه على الجميع بس تباعا. دي عناوين و ارقام تليفونات الجهاز للي عايز يتواصل معاهم بنفسه:
NTRA Web Site
اتمنى انهم يرجعوا في كلامهم لما الناس تبدأ تسأل و تشتكي.

https://www.facebook.com/photo.php?f...3572147&type=3

انا اتصلت ب 155 عشان اتأكد من الموضوع ده وفعلا طلع صحيح

نزل تطبيق بروكسي او vpn

الكـلام ده أشاعة و مش هيتحقق ..

ناس كتيـــــــــر شغلها معتمد علي البرامج دي ..

شوف الخبر ده ..

الكلام ده عمره ما هيتم انا شغال في خدمات الويب و طبعا كل شغلنا على البرامج دي و الأتفقات و الكلام ده
بالنسبه للسكايب هوا فعلا هيتقفل بس ده علشان جوجل اشترت الهوتمايل و مش عايزه تشغل اي حاجه غير الـGmail يعني من الأخر جوجل عايزه تكوش كل حاجه على النت و مش عايزه اي منافس ليها في اي حاجه من خدماتها

وفى اﻻخر بنحب بلدنا
جتنا خيبة.. والله لو المغتربين مش عرفين يكلمو اهاليهم صوت وكاميرا من عالنت
دون البرامج دى وشافو برنامج او
Application جديد
ولو طلع برنامج تطبيق اسرائيلي وﻻ يهودى حتى .. هايتعاملو معاه عشان
يكلمو اهاليهم صوت وكاميرا بدﻻ من شات صوت الفيسبوك الفاشل
او الفايبر الجميل او الواتساب السريع او سكايبي الممتاز الى يعتبر انقي صوت
في برامج الشات الصوتى والمرئي عبر النت

وفي اﻻخر يقولك تحيا مصر.. ﻻ ياحبيبي تحيا مصر لما مدراء مصر يعيشو شعبها
مش يخنقو شعبها.. انت فاهم غلط

بالمناسبة انا مش
برازر هوود .. بس بلدنا تعيشنا حلو زى اى دولة محترمة.. ساعتها
يبقي

تحيا مصر.. مش العكس انا اسف

والله ياشباب الخبر دة كرهنى في بلدى ع الى فيها

شوف الخبر دة يا كاتب البوست

بالفيديو- حقيقة منع برامج فايبر وواتس آب من شركات المحمول

ينيلهم بنيله هباب
مش سايبين متنفس للمواطن
بلد عايز السرقه رسمي

مش لاقي رد محترم علي الخبر ده

يا شباب الخبر إشاعة ,, ما تقلقوش نفسكم ..

لينك الخبر بتاريخ اليوم ..

الحمد لله طلع اشاعة

اقتباس:

---

المشاركة الأصلية كتبت بواسطة mr code

الكلام ده عمره ما هيتم انا شغال في خدمات الويب و طبعا كل شغلنا على البرامج دي و الأتفقات و الكلام ده
بالنسبه للسكايب هوا فعلا هيتقفل بس ده علشان جوجل اشترت الهوتمايل و مش عايزه تشغل اي حاجه غير الـgmail يعني من الأخر جوجل عايزه تكوش كل حاجه على النت و مش عايزه اي منافس ليها في اي حاجه من خدماتها

---

يعني شغال في خدمات الويب وده كلامك ؟!

الهوتميل هو مسنجر وميل سيرفر تابعه لشركه مايكروسوفت. التي قامت بشراء سكايب واعتمادة كبرنامج محادثه بدلا من مسنجر الهوتميل الافتراضي.

وبالفعل سكايب محظور من باقات الانترنت الخاصه بالموبايل.

يا ريت كل واحد اتحمق و زعل و حط فى نفسه و لاقاها فرصة يشتم فى البلد و اللى جابوا البلد ......... يهدى كده و يتبسط و بعد كده يتعلم درس انه مايمشيش ورا اى حد يقوله اى حاجة و لا ورا شوية اشاعات (و ماقصدش صاحب الموضوع طبعا انا بتكلم بشكل عام)

للاسف احنا مش بنتعلم ....... لازم نبدأ نتمتع بعقلية نقدية تصنيفية .......... يعنى لما يتعرض عليك اى خبر تعرف ازاى تحلله و تقيم احتمالات انه صح و لا غلط و تشوف مصدرة هل مصدر موثوق فيه و لا اى كلام


مش ممكن كلمة تودينا و كلمة تجيبنا !!!

انا اعرف واحد مشترك مع adsl vodafone و وسائل التواصل المذكوره موقوفه

اتصل بالشركه و عمالين يماطلوا معاه

و المفروض اصدق الوزير اللطيف اللي طلع ينفي الخبر

يا خبر النهارده بفلوس بكره يبقى ببلاش
انا مش شايف اى مشاكل و برامج السمارت فون بالهبل
فى السعودية تم ايقاف الاتصال الهاتفى صوت عن طريق الواتس اب

هوا بس ملاحظة
اسمه سكيب skype
الe silent
مش سكيبى خالص
للزم التنبيه عشان انا مش قادر الحقيقة

عشان لو اتحجبت.. كيفية تفعيل مكالمات سكايب وواتس آب وماسنجر |اليوم السابع

حتى لو اتحجبت .......... اى بروكسى بتلاتة مليم يفتحلك اى حاجة

طب و يحجبوه وسائل التواصل دي ليه من الاول ؟؟؟ ايه اللي يخلينا نلجأ للبروكسي ابو 3 مليم من الاساس ؟؟؟

النهارده السكايب و الفيبر ... بكره الفيسبوك و تويتر

نفي مصدر مسئول بوزارة الاتصالات وتكنولوجيا المعلومات، اتجاه الحكومة المصرية لحجب خدمات شبكات التواصل الاجتماعي فايبر وواتس آب وفيس بوك ماسنجر، أو فرض أي نوع من الرقابة عليها.

وأضاف في تصريحات خاصة لفيتو منذ قليل، أن الهدف من ترويج تلك الأنباء، إثارة البلبلة والرأي العام فقط.

وكانت مجموعة من النشطاء على صفحات "فيس بوك"، تداولت أنباء مفادها أن الحكومة تسعى لحجب شبكات التواصل الاجتماعي، عبر قرارات ستتخذها في وقت لاحق.

- المصدر:-

«الاتصالات» توضح حقيقة حجب «واتس آب» و«فايبر» و«فيس بوك ماسنجر» | الموجز

- الفيس بوك اشترى الواتس اب من سنه تقريباً.

- ومعروف تعاون إدارة الفيس مع وكاله الأمن القومى الأمريكيه (nsa) و وكالة الاستخبارات البريطانيه (gchq).

- فمن المؤكد هيسجلو بعض المكالمات ويستخدمو محتويات تلك المكالمات ضد مصلحة البلد أو ممكن يبتزو الشخص لأى سبب يخدم مصالحهم.

- سياسه الخصوصية بتتعدل من غير ما يقولولك + الرسائل بتاعتك تتقرى بحُجة أنك تاجر سلاح / مخدرات / مهرب بشر / إرهابى ...إلخ.

- ولقد لنا فى سنودن لعبرة!!!!!!!!!!!

- الرجل ده كان بيشتغل فى ال nsa.

- تتطلع أمريكا مسجله بتاع 2 مليار مكالمه لأفراد من الشعب المصرى.

- لولا الرجل ده هرب منهم مكناش عرفنا حاجه وكنا زمنا بنعامل المتطرفين على أنهم وطنيين.

اقتباس:

---

المشاركة الأصلية كتبت بواسطة kazamodia

بتستخدم skype او whatsapp calls او viber او facebook calls؟ بتلعب اون لاين؟ قول لهم باي باي grin emoticon الجهاز القومي لتنظيم الاتصالات اصدر قرار "بحجب" البرامج دي مش بس على 3g كمان على الانترنت العادي. لو الحاجات دي شغالة عندك دلوقتي استمتع باخر ايامها kiki emoticon اولهم هيبقى skype و ده اتقفل عندي خلاص. كلمت خدمة العملاء قلولي مش بايدينا كلم الجهاز القومي. كلمت الجهاز قلولي صدر قرار بحجب البرامج دي و مش هنقدر نسجل شكوتك لو معترض ابعت "فاكس". بالبلدي "روح لأمك". لما قلت لهم صحابي شغال عندهم عادي قالوا لي بالحرف "بيتم تطبيق القرار تباعا على جميع الشبكات". الكلام ده انا مش جايبه من حد كان بيفضفض معايا و لا كان بيحكيلي حاجة, كل حاجة انا كاتبها اتأكدت منها بنفسي. كنت فاكر الاول ان الشركة هي اللي بتستهبل, بس كلمت الجهاز المسؤول بنفسه و قلولي بكل صراحة المعلومة دي و بالفعل بدأ تطبيقها. أنا من الناس اللي شغلها كله معتمد على الحاجات دي. بالنسبة للناس بقى اللي اهلها متغربين و دي الطريقة الوحيدة للتواصل معاهم و رؤيتهم؟ طز فينا و فيهم. حسبي الله و نعم الوكيل، هيرجعونا ١٠٠٠ سنة ورا ☺

تحديث بسيط: للناس بس اللي بتقول انت جايب الكلام ده منين و بتاع و طالما ده صح ازاي الكلام ده مش مكتوب في حته و ازاي انا لسه عندي الحاجات شغالة. الاجابة بساطة انهم لسه بيجربوا و كل الناس اللي اعرفهم عندهم المشكلة دي مع vodafone adsl بس لما كلمت الجهاز قلولي ده هيتم تطبيقه على الجميع بس تباعا. دي عناوين و ارقام تليفونات الجهاز للي عايز يتواصل معاهم بنفسه:
ntra web site
اتمنى انهم يرجعوا في كلامهم لما الناس تبدأ تسأل و تشتكي.

https://www.facebook.com/photo.php?f...3572147&type=3

انا اتصلت ب 155 عشان اتأكد من الموضوع ده وفعلا طلع صحيح

---

ههههههههههه يعني بعد النفي المستمر على كافه المستويات
انت متأكد انك كلمت خدمه العملاء و قولولك مش بايدينا ؟
و 155 قولولك صح ؟
متاكد انهم قالولك ابعت فاكس او بالبلدي روح لامك ؟