صوت ونة من الفتيس (بيروح مع الضغط على الدبرياج)
السلام عليكم,
أرجو الإفادة في الآتي ... أنا معايا بولو 96 عاملة 240000 كم, العربية كان فيه مشكلة في طقم الدبرياج و مكنتش بعرف أنقل بسلاسة و كان فيه صوت ونة والعربية ممورة.
غيرت طقم الدبرياج .. و زودنا زيت فتيس حوالي لتر و نص نوعه 90 ... العربية بقت نقلاتها زي الفل و بتتغير بسلاسة بس لسة صوت الونة موجود.
الصوت بيظهر أول ما أدور العربية و هي وقفة و ممورة ... الصوت بيروح لما أدوس دبرياج.
العربية سحبها حلو و النقلات تمام.
الميكانيكي قالي الفتيس تروسه فيها بوش و هيحتاج تغيير بعد شوية ... هل الكلام ده صح ... و هل محتاج أغير الفتيس فورا و الموضوع خطير و ممكن يبوظ طقم الدبرياج الجديد؟ ولا ممكن أمشي بالعربية كده شوية؟
الصوت عامل زي مايكون صوت ماتور عصارة برتقال ... بيكون واضح جدا و العربية واقفة و ممورة ... و بيخف مع التعشيق و المشي ... الصوت بيختفي نسبيا لما بنقل على سرعات عالية ... الصوت بيروح مع الضغط على دواسة الدبرياج.
شكرا,
