عرض للطباعة
السلام عليكم
بنت قريبتنا متجوزه من حوالى شهر تقريبا وحصل مشاكل بين الاهلين وصلت للشتيمه والسب والموضوع خرج عن حدود الطبيعى والموضوع وصل للطلاق واهل العريس ناس بيئه وشتايم وكدا والبنت عايزه تطلق والراجل عايز يطلقها بس طبعا مش عايز يعطيها اى حاجه القايمه بيقول تاخد ال جابته وبس والمؤخر مش عايز يدفعه يعنى عايز ياخد كل حاجه
ايه التصرف الصحيح فى الحاله دى
وهل لو روحنا القسم بالقايمه القسم هيخرج معانا قوه هتسلمنا القايمه وايه اجراءات الطلاق لو عملنا كدا
ايه التصرف الصحيح
الحالات اللي زي كده
اﻻنفصال لوحده يعتبر مكسب
طالما هاتاخد اللي جابته ماشي
يغور المؤخر في داهيه
افضل من سكه القضايا والمحامين والفلوس اللي هاتندفع مصاريف
هاتلاقيها في اﻻخر واحد او دفعتم اكتر من اللي هايتاخد مؤخر
القسم مش هايتحرك الا لو في حكم واجب النفاز
وسكتهم نيله رشاوي
طبعاً البنت هتكون خسارتها اكبر من الراجل لان خسارته مادية ويقدر يتجوز تاني لكن البنت للاسف هتبقى مطلقة
المهم بالنسبة لقائمة المنقولات دي امرها بسيط .. هتروح تعمل محضر في القسم ان الزوج بدد المنقولات وهتقيد برقم جنحة وفي النهاية هيسلمها المنقولات كاملة .. الدهب لو معاها يبقى تمام لان ببقى فيه اقاويل امام المحكمة .. وتعمله كمان محضر ضرب وانه بيشتمها هي واهلها واكيد فيه شهود على كده وبالمحضر ده تروح لمحكمة الاسرة تعمله قضية طلاق للضرر وقضية نفقة وانه مش بيصرف عليها والعداد بيعد عليه من التاريخ ده .. وهو طبعا هيعمل محضر انها خرجت بالدهب وهيعملها قضية طاعة والقضايا هتزيد في المحكمة بينهم ... لكن النهاية الزوجة هتتطلق وهتاخد قائمة المنقولات وهتاخد نفقة زوجية ومؤخر الصداق ونفقة متعة 3 شهور ...
سكة المحاكم والاقسام كلها مشاكل وقرف ورشاوى ووسايط وانتو شكلكوا ناس محترمين وهما بيلعبوا على كده .
لو العريس ليه كبير يقعد معاه كبير العروسة ويتفقوا قعدة رجالة وخلاص .
لو الجواز فى اول سنه وبدون اطفال العريس عمره ما هيديها القايمه لكن هتاخد الحاجات اللى هى اشتريتها لانه بيبقى شايف ان ده شقى عمره وهو متنهناش بيه .
المؤخر لازم تتفاوضوا فيه لانه حقها شرعا .
النسب اللى زى ده بيبقى البعد عنه اكبر مكسب .
وربنا يصلح الحال
اولا وقبل كل شئ الله يكون فى عونك
الغلط تماما على البنت وأهلها من غير ما اعرف تفاصيل
بمنتهى البساطه هيه اتجوزت واحد وهيه مش عارفه انه بيئه - السؤال التانى هيه اتجوزت واحد بيئه وهيه عارفه من الاول ومتصوره انه هايبقى كيوت معها ومع اهلها
بمنتهى البساطه لو امكانيتكم الماديه كويسه وعندكم صبر يبقى هاتاخدوا حق بنتكم فى خلال سنتين الى 4 سنوات
لو الولد ده بلطجى ممكن تتخيلوا كل حاجه واحشه واخرها انها هاتاخد حاجتها مدغدغه او متبدله وده هايكون ابسط رد فعل منه
الحل الامثل خد الموضوع بهدوء وحاول تخرج بأقل الخسائر
نصيحه لوجه الله - لو فيه اى أمل ان البنت تكمل مع الولد يبقى سيبوهم - فى كل الاحوال الدنيا خربت والفاس وقعت فى الراس - لأن بمنتهى البساطه البنت صاحبة اكبر خساره على الاطلاق
من وجهة نظرى فى الموضوع ده
خسارة البنت وأهلها 70% - خسارة الولد وأهله 30% ---- الولد هايخسر فى الاول خسارته كلها لكن البنت هاتتروق بعد كده والخساره ماديه ونفسيه
يارب اهدى الناس من اللى هيه فيه - الله يخرب بيت النت والتليفزيون اللى بوظ اخلاق الناس ونساهم يعنى ايه اخلاق وقيم وعادات وتقاليد
يا باشا محامي شاطر هأيقوم بالواجب وزيادة، لأن شرعا وقانونا كل حاجة بتاع الزوجة سواء جابتها أو لأ. صدقني المحامي هايبهدلهم قبل ما يجيب الحاجة،ـ ولو فكروا يكسروا أو يبوظوا حاجة ما تستلمهاش وخلي القوة اللي جاية من القسم تتصرف، هايخلوه اجة جديدة أو يديك بدالها فلوس. بقولك الكلام دا عن تجربة
ممكن حضرتك تحكى التجربة ديهاقتباس:
المشاركة الأصلية كتبت بواسطة mikho83
سبحان الله
انا مراتي مبهدلاني في المحاكم بقالنا سنه وعايزه تتطلق للضرر عارفين عشان ايه
وده اقسم بالله على لسان ابوها بنفسه ..
عشان بتضايق لما برجع من شغلي و اول حاجة بعملها اني بوطي ابوس رجل امي اللي عندها 77 سنه وانا وحيدها نعندهاش غيري والمدام بتتقمص !!
ان كان فيه امل في استمرار الحياة الزوجية يكون افضل
ان استحالت الحياة الزوجية فلا تتنازل عن حقوقها و في نفس الوقت لا داعي للدد في الخصومة و حكاية انها تبهدل الراجل و الكلام ده...لا تتنازل عن حقوقها بما يرضي الله
تولع الزوجة الى بالشكل دة.. ماتزعلش منىاقتباس:
المشاركة الأصلية كتبت بواسطة مداح القمر
يعنى اروح ابات في ام شغلى مثﻻ.. خادنا ايه مالشغل غير مص دمنا وتعب وشقا عالفاضى مقابل جنيهات في زنن فيه شقة الفول والطعمية بجنيه
ماتطلقهاش ياباشا.. قولها مش عاوزانى إبرينى.. يعنى مالكيش قايمة وﻻ قاعدة .. ﻻ اختيار صحيح وﻻ خاطئ مانعنا من الزوجة الصالحة
والله الواحد ﻻ ليه في صحوبية بنات وﻻ ليا نفس فى الحﻻل
خالينى عازب احسن
[
وهل لو روحنا القسم بالقايمه القسم هيخرج معانا قوه هتسلمنا القايمه وايه اجراءات الطلاق لو عملنا كدا
ايه التصرف الصحيح[/quote]
من طريقة عرضك للمشكلة باين عليك انكوا ناس طيبين ومش بتوع مشاكل - اولا القسم مالهوش دعوة بالمشكلة دى الا فى حالة واحدة - لو معاك حكم محكمة مواجب النفاذ
الحل من وجهة نظرى :
اولا : توسيط أهل الخير او حكماء العيلة فى الصلح بين الطرفين وده حسب ما قال القرآن الكريم - ( وإن خفتم شقاق بينهما فابعثوا حكما من أهله وحكما من أهلها إن يريدا إصلاحا يوفق الله بينهما إن الله كان عليما خبيرا ( 35 ) ) وخلى بالك من إن يريدا إصلاحا يوفق الله بينهما دى اللى تبذل مجهود مضنى فى سبيلها عشان الأتنين خسرانين خصوصا لو كان فى حمل - ولو على الشتائم - يا سيدى الاخوات لما بيتخانقوا بيشتموا بعض بأفظع الشتائم - المهم الإعتذار واجب من الطرفين ويكون نابع منهم حب الاستمرار معا مع تجنيب مشاكل الاهل بعيد عنهم .
ثانياً : لو لم يريدا إصلاحا لقدر الله يقوم الحكمين بالتفريق بينهما بالمعروف يعنى لا يكون فى ظلم لأحد الطرفين او محاباة طرف على حساب طرف آخر - وينظر إلى من يرغب فى الإنفصال أكتر من الطرف الآخر ويجب الالتزام بما جاء فى القرآن الكريم ( وإن أردتم استبدال زوج مكان زوج وآتيتم إحداهن قنطارا فلا تأخذوا منه شيئا ) وكذلك الآيه (ولا يحل لكم أن تأخذوا مما آتيتموهن شيئا إلا أن يخافا ألا يقيما حدود الله فإن خفتم ألا يقيما حدود الله فلا جناح عليهما فيما افتدت به تلك حدود الله فلا تعتدوها ومن يتعد حدود الله فأولئك هم الظالمون )
يعن ببساطة لا يحل لهذا الزوج ان يأخذ أى شئ منها حتى لو كان قنطارا من الذهب الا عن طيب نفس من الزوجة وتنازل منها .
ثالثاً : لا قدر الله إذا لم يفلح اى من الحلول السابقة - يبقى مافيش غير سكة المحاكم - وبما ان حضراتكم ناس محترمين مش هتعمل اى حاجة خالص غير توكيل محامى شاطر فى هذا النوع من القضايا وخلال سنة او سنتين بالكتير هيجيبلك حقها منه ( قايمة العفش كاملة مكملة زى ماهو مدون بها - مؤخر صداق - نفقة متعة + نفقة معيشة من تاريخ رفع القضية .... ألخ ) وما تخفش انت مش هتعمل اى حاجة المحامى هو اللى بيعمل كل حاجة ومش هتصرف كتير يعنى بحسبة بسيطة الفين ولا 3 آالاف جنيه بالكتير بس اهم حاجة مش تديهم للمحامى مرة واحدة - يعنى نقطه كل ما يطلب فلوس اديله 300 ج وكدة يعنى عشان مش يطمع فيك . واقولك على سر - القانون المصرى 90 % منه فى صالح المرآة يا عزيزى وربنا يستر علينا ههه
وأخيراً أدعو الله أن يصلح ويوفق بينهما وتستمر حياتهما ويعبروا اول مشكلة فى حياتهم بسلام ويبعد عنهم الشيطان الرجيم الذى يريد ان يفرق بينهما
تحياتى