لو عاوز حاجة فى مستوى التوكيل ممكن مركز معتمد زى فرنش موتورز ومتهيالى مش هيقولك كشف كامل والكلام ده ..وممكن الكلام ده كله يتعمل برة
عرض للطباعة
انا معملتش حاجة في العربية بعد الفضيحة دي
انا دفعت حق التقرير وخذت العربية كانها طالعة من ترعة الاسماعيلية ومشيت
الي هيجنني انه يقولي هنغير حاجات كتير شغالة بكامل كفاءتها في العربية
يعني مثلاانا تقريبا مسكت عدسة وقعدت ادور علي عيب في الفوانيس الخلفية الي عاوز يغيرها دي ولا المرايات ولا فرامل اليد ولا الجنوط ولا البطارية ولا طبقين اللولي
دي غشامة وليس ذكاء لانه بعد كل ده بيقولي اختار عايز تعمل ايه من الحاجات دي
والله التقرير ده لو راح لرينو فرنسا واترجمت الحكاية كلها وغباء خدمة العملاء ليقفلوا التوكيل ومش بعيد يحللوا للموظفين بتوع خدمة العملاء ويشوفوا مدي تاثير ميه اللفت على قواهم العقلية
مع التقدير للجميع:x1[1]:
فبن الشياكه حضرتك وفين التهذيب مع العملا، وليه يطفشه اصلا . الجدع اربوهاب دا
اخره كاتب ميصلحش مهندس صيانه بتاتا .الراجل العميل طالب من الاول يغير
مساعد يمين والعربيه مش جديده وبره الضمان خالص . بدل ما ينصحه ان المساعدين
بتتغير بالزوج او بلقي نظره ع العربيه ، لا راح محجر القديمه ولازم تقرير ولهف ٥٠٠ جم وشويه
وياريته عرف يكتبه صح ومرضيش يغير المساعدين وسلمه العربيه وسخه وعاوز ساعتين للنصافه!!! يعني فشل متكامل . لو دا مهندس صيانه بسرعه يعرف
حال العربيه ولو شايف liability هتلحق شغلة المساعدين ، يعتذر عن الشغلانه بود واحترام للعميل.
العميل اللي بيدفع مهيته مش يدلس ويكدب ويلهف عليه و منو. وعامل عبد المهم العميل يطلبو عشرين مره ليه.
كدا الوكيل مشغلين عاهات كسر مريضه نفسيا بتتشفي في العملا.
العربية عملت شغل بره التوكيل و قعدت فترة كدة فهو ميعرفش ايه اللي اتعمل فيها فعلشان كدة اي حاجة مش اصلي كتبها في التقرير حتى لو شغالة تمام
و اي عربية بنفس الموضوع ده التوكيل بيطلب عمل التقرير ده لكن لو متابعة صيانات بيعمل اللي انت عاوزه و مش بس كدة ده في حاجات لو جيت تغيرها و انت متابع صيانات معاه بيتحمل جزء منها تحت مسمى Good well customer
موضوع النضافة ده يتاخد على التوكيل لأنه حتى مع الصيانات العادية لو عاوزها تتغسل لازم تطلب في حين انها حاجة مفروغ منها المفروض
توكيل سىء ....انا نفسى البهايم الشغاله فى توكيل رينو يتفرجو على توكيل سينوفا القصراوى ومدى الاحترام والشياكه والجديه والاستماع الى العميل وشكواه
والله يا باشا قطع غيار الميجان غاليه وتوكيلها نصاب
ولكن انت غلطان عشان تروح بسبب تغير مساعد !!
اشتريه ولو حتى اصلى وركبه فى اي ورشه محترمه بره وهتلاقى كله تمام
ما هو اللى شغال فى التوكيل ده صنايعى زيه زي اللى بره
هو مش توكيل فرنسا مثلآ وخواجه هيشتغلك فيها
ربنا يعوض عليك
علي كدا كل العربيات في العالم لازم تركب قطع غيار اصليه حضرتك
وتعمل صيانتها بالوكيل حتي بعد انتهاء الضمان عشان تهوب للوكيل
للاسف دي اوهام محدش بيعمل ولا هيعمل كدا الا حالات محدوده
الوكيل متخلف وموظفينه اغبيا وخاصة اربوهاب الكاتب
تقرير ايه العربيه بره الضمان وموش داخله فحص موش ينصب الخيه للعميل ويقرصه.
المطلوب بالتحديد تغيير مساعد مش ردها فبريكه ، فيعمل الجوب يا يعتذر عنها
لكن التدليس والكدب ولهف فلوس الفحص دا انحطاط وتخلف
تحياتي
فقط ردا على سؤال حضرتك "علي كدا كل العربيات في العالم لازم تركب قطع غيار اصليه حضرتك
وتعمل صيانتها بالوكيل حتي بعد انتهاء الضمان عشان تهوب للوكيل"
فالاجابة نعم لازم واى قطعة غيار غير اصلية بتركب بتلغى الضمان فورا وكتير من التوكيلات كمان بترفض انها تشتغل فى العربية خصوصا اذا كانت العربية مش بتعمل الصيانة الدورية عندهم.
اما بالنسبة للاخ الفاضل صاحب الموضوع احب اقولك ان التعامل فى اى مكان بيقدم خدمة فى مصر بيبقى كانه عقاب ليك انك روحتلهم وهتدفع كمان فلوس من جيبك علشان تاخد الخدمة وبتدفع اد اللى بتدفعه برة مرتين تلاتة. المشكلة فى موضوعك مش اللستة بتاعت قطع الغيار لا ده عادى وطبيعى فى كل التوكيلات لان العربية مش بتعمل الصيانات عندهم وان العربية شكلها مغيرة حاجات كتير برة و كمان التوكيل مش بيغير البايظ لا ده بيغير اى حاجة فيها ديفوهات حتى لو شغالة. يعنى مثلا قبل صيانة الستين الف بسنة كانوا عايزين يغيرولى سير الكاتينة وقالولى اصل يا اما يتغير على 60000 يا اما بعد 3 سنين لانه ممكن يتقطع منك ويطيرلك الموتور وطبعا مغيرتش ساعتها وصدقنى بعد ما غيرت سير الكاتينة فى صيانة الستين وبصيت على السير القديم لقيت انه ممكن يتباع على انه استيراد لانه نازل شكله جديد نوفى . المشكلة اللى حصلت مع حضرتك هى اللامبلاة واللا احترافية واللا احترام اللى اتعاملوا بيه معاك واحب اقولك ان ده الطبيعى حاليا ولو لقيت عكس كده فده لان الناس بتبقى محترمة اصلا مش علشان الشركة او التوكيل.
سلام عليكم
انا هاحاول افسر اللي التوكيل بيعمله شوية , و لو ان مهندس هاني سعد قام بالواجب
و اللي هاقوله ده مش معناه اني مقتنع اوي بكده او موافق عليه , لكن ده سرد للواقع
اللي بيحصل ان التوكيل بيبقى مش عايز يدخل عنده عربية مش مواظبة عنده على طول , اظن نتيجة لمشاكل سابقة لعملا لبسوهم عيوب في عربياتهم
فالعربية اللي بتدخل لهم جديد بيشترطوا يعملوا لها فحص بيع شامل (بالفعل) على حساب صاحبها
طبعا بيفصصوها حتة حتة , القطعة اللي مش اصلي بيكتبوها و القطعة اللي حالتها تحت الجديدة بيكتبوها
عشان لما العربية تدخل عندهم تعمل حاجة و يرجع صاحبها يتكلم في حاجة تانية يحطوا له التقرير ده في وشه
اما عن الاسعار فهي جنان طبعا , بس مش مختلفة عن اسعار باقي التوكيلات في بلدنا الجميلة , كلها افترا
بالمناسبة , فيه موضوع في احد الاقسام صاحبه سأل عن كبالن الفيرنا ولقاها في التوكيل ب6000 جنيه , عاااااااااادي جدا ولا تندهش , انها مصر -_-
عموما مراكز الخدمة المعتمدة افضل في النقطة دي , هما بيبصوا بصة عامة عالعربية و اللي بيلاقوها مبهدلة بيرفضوا يدخلوها من الاصل , انما الدنيا عندهم ارحم شوية
لكن برده قطع الغيار اسعارها تقريبا زي التوكيل
اخيرا
سعر العربية في السوق مش مقياس لأي حاجة
بالعكس سعر العربية في السوق ده في حد ذاته غلطة كبيرة