الموضوع: رحت بني سويف عن طريق الكريمات الجديد وياله من طريق!

يوم الأحد ذهبت لمرور بني سويف من القاهرة لتسليم لوحات السيارة هناك لنقل الملكية في القاهرة
المهم سألت زملائي الأعزاء في نايل موتورز ودلوني جزاهم الله خيراً على طريق حلوان الكريمات
روحت حلوان عن طريق الأوتوستراد لغاية آخره وهناك لقيت مدخل الطريق الجديد
سعر المرور خمسة جنيهات

---مميزاته:
*الطريق حر بمعنى الكلمة (لا يوجد أي تقاطعات والدوران للخلف من أنفاق أسفله)
*ثلاث حارات في كل إتجاه وحارة خدمات
*السرعة القصوى 120 كيلومتر في الساعة للسيارات الخاصة
*الطريق أكثر من رائع وهو أحسن طريق مشيت عليه في مصر
*طوله 100 كيلو متر تقريباً
*فيه منحنيات ومرتفعات ومنخفضات ولكن كلها محسوبة ومريحة على سرعة 120
*أقصى سرعة وصلتها 150 تقريبا مرتاح
*الطريق فاضي خالص

---عيوبه:
*تقريباً مفيهوش ولا محطة بنزين
*يوجد بعض سيارات كانو ماشيين معاكس (شفت حوالي ثلاث سيارات)
*في طريق العودة المنزل عند القاهرة مفاجيء وغبي جداً

طبعا الوصلة من الكريمات لبني سويف 20 كيلومتر فردي طريق سيء جداً
المهم أشكر كل الزملاء الذين أرشدوني لهذا الطريق وأتمن أن أكون وضحت معالم الطريق
والله أعلم

المشاركة الأصلية كتبت بواسطة Mgio

حمد الله على سلامتك يا هندسه......... انا ليه سؤال طيب لو الواحد رايح الغردقه ... هل الطريق ده ينفع ولا ايه؟؟؟؟؟

الله يسلمك يا باشا
هو ينفع بس فيه مشكله :!:
الطريق بعد الكريمات في إتجاه الزعفرانه والغردقة عبارة عن زي ما تقول مدق أسفلتي :(
أنا شفت أول حته فيه وإستغربت لأنه أولا فردي ثانيا متعرج (مرصوف أي كلام) كأنه مدق فعلا
فلا أنصح أي حد يروح الوصلة دي من بعد الكريمات للغردقة

وطبعا زي ما قالوا طريق القطامية العين السخنة ثم الغردقة أفضل حل