لما بجرى او بشد

**kabos** · 21-11-2008 01:23 AM

هل غلط اكبس بنزين واسيب واكبس واسيب بسرعة لما بجرى يعنى بدوس العربية تجرى واسيب واكبس تانى بتجرى اكتر ياريت اكون عرفت اوصلكوا قصدى اية

**Abdo_Eldesokey** · 21-11-2008 01:46 AM

يا باشا طالما العربية واخدة النقلة الصح ومش بتسقف يبقى اعمل الي انت عايزه

**MoMohsen** · 21-11-2008 01:59 AM

لا غلط لان كدة انت بتحمل على قواعد الموتور جامد ..لان لما انت بتشيل رجلك من على البنزين الموتور بيهدى لكن لما تيجى تدوس تانى بيبقى الموتور عاوز ينط من مكانة و دة كدة بيبقى فيه تحميل زيادة على القواعد.
افضل طريقة للشد هى انك تكبس البنزبن بسرعة منتظمة و دة ملهوش معدل ثابت و لكن انت و احساسك بعربيتك.

**kabos** · 21-11-2008 03:12 AM

يعنى من الاخر بلاش

**samirayad** · 21-11-2008 01:18 PM

المشاركة الأصلية كتبت بواسطة kabos

يعنى من الاخر بلاش

أيوة كدة......عاوزين نجيب من الاّخر............................

**HeMa_LanCeR** · 21-11-2008 01:25 PM

انت ممكن تدوس وتسيب وانت علي سرعه عاليه لكن وانت علي سرعه بطيئه غلط
بمعني
انك لما تدوس وتسيب تكون العربيه بتجري مش تخليها تنتش وتنط زي في السرعات القليله

**جمال** · 21-11-2008 02:41 PM

كمان بيزود استهلاك البنزين على الفاضى

**eldeplomasy** · 21-11-2008 05:56 PM

الاخ العضو يقصد - على حسب ما فهمت من كلامه - انه لما ييجي يشد بيكارك بنزين ولكن بطريقه مش بتخلي العربية تنتش هو بيكارك وبس واللى قاعد جنبه بيحس ان العربية بتجري ومش بيحس بتنتيش هل ده غلط

ثانيا بالنسبة للاتوماتيك ده بيسمى دبل كيك علشان الكمبيوتر يفهم ان انت بتشد ويطول زمن النقلة لحد الرد زون هل ده غلط برده؟؟؟

ثالثا افضل طريقه للشد بالاتوماتيك بما اني هجيب فيكترا ايه؟؟؟

**MoMohsen** · 21-11-2008 07:01 PM

هو من الاخر طبعا الشد بالعربية لازم يكون بحساب و المقصود انك طالما نويت تجرى يبقى لازم تاخد بالك من حاجات معينة بحيث ان الجرى دة ميكونش لية تأثير سئ على عربيتك.
لو العربية عندك مانيوال يكون الشد انك تكبس دواسة بنزين بسرعة منتظمة و دية تقدر تحدد سرعتها على الRPM بمعنى انك تلاحظ العداد عندك وتربط ميعاد النقل برقم معين وليكن مثلا 3.5 - 4 فى حالة الشداو اكتر على حسب عربيتك لان اغلب العربيات اليابانى بتدى اقصى عزم على عدد لفات موتور عالية.اما مسألة انك تشيل رجلك من على الدواسة وترجع تدى بنزين تانى مش بتدى الاداء اللى انت متخيلة و تأثيرها على قواعد الموتور وحش.و كمان انت طالما عملت الحركة دية وفى اعتقادك انها بتسرع الشد فيبقى كدة معناه انك بتحط رجلك على الدواسة لحد الاخر معتقد انها كدة اسرع و دة طبعا غير صحيح و كمان بيزود استهلاك البنزين.
اما بقى لو عربيتك اتوماتيك فالوضع فى الشد مختلف وهى زى ما قال الاستاذ eldeplomasy بتكون عن طريق الكيك داون وهى انك تحط رجلك على دواسة البنزين جامد وبالتالى العربية هتأخر زمن تغيير النقلة لتجعلة اطول مما يحسن التسارع او انك تستخدم DS =Drive Sport و دة غيار مخصوص عشان يحسن التسارع.