السلام عليكم ورحمة الله وبركاته
إيه الاختلاف بين a15 & a11 فى الموتور العفشة وقطع غيارهم
وخصوصا الإكصدامات والفوانيس والشبكة والرادياتير و الموتور وتحديداً سير الكاتينة والدينامو
وبالنسبة للاكصدامات والفوانيس والشبكة متوفرة جديدة وإستيراد ولا لأ
ولو متوفر إيه الأفضل إستيراد ولا جديد
والعتب اللى بيركب على العتب الحديد بتاع العربية دا بيتباع ؟؟؟؟
وأماكن المحلات المضمونة للإستيراد والجديد إن أمكن ولو فى أرقام تليفون للسؤال عن الأسعار
وشكراً جزيلاً
مفيش حد يرد ولا ايه ؟؟؟؟!!!!!
الاختلاف فى البودى والفوانيس امام وخلف والاكصدامات والباقى من موتور وعفشة مطابق.اقتباس:
المشاركة الأصلية كتبت بواسطة capooahmed
قطع الغيار ف الحرفيين غالية جدا.
بنحاول نركبلها قطع غيار جولف 2 و3 وبتمشى فى الكهرباء والعفشة.
الموتور فورد اسكورت 1999 عادة اسبيراتير.
والعتب موجود ف التوكيل.
اقتباس:
المشاركة الأصلية كتبت بواسطة ahmed2801
شكراً لرد حضرتك وجزاك الله خيراً
بس الاكصدامات فى a 11 بتركب مكانها فورد اسكورت استيراد
هل a15 لها بديل استيراد ولا جديد بس والسعر إن أمكن ؟؟؟
والفوانيس موجودة جديدة ولا لأ ؟؟؟
وشكراُ لحضرتك
اقتباس:
المشاركة الأصلية كتبت بواسطة capooahmed
تصحيح : الاكصدامات فى الشيرى a11 يركب مكانها سيات توليدو 97 و ايضا الصاج و الاكسسوارات و ليس الفورد اسكورت
هناك اختلافات فى قليل جدا من القطع بين a11 و a15 مثل قميص مراوح الريداتير و ربما الريداتير نفسه و طبعا الصالون الداخلى و الشكل الخارجى كله مختلف و ليس هناك موديل من السيارات المعروفة تمشى مع a15 لكن ممكن يمشى معها العفشة و الموتور
اقتباس:
المشاركة الأصلية كتبت بواسطة douha_wise
شكراً ليك أستاذ ممدوح على التوضيح
تمام زى ما قالك الاستاذ ممدوح الاكصدامات سيات توليدو مش فورد اسكورت ... الموتور هو اللى فورد اسكورت الموتور بس بساتم وشنابر وبلوك غير شامل الملحقات من دينامو وردياتير وخلافه.اقتباس:
المشاركة الأصلية كتبت بواسطة capooahmed
اقتباس:
المشاركة الأصلية كتبت بواسطة ahmed2801
شكراً جزيلاً لحضرتك
اتصلت بأكتر من محل لقطع الغيار ملقتش الاكصدامات موجودة مفيش غير صقر المعادى
ورفض يقول سعرهم كام فى التليفون !!
ممكن الاقى اكصدام شيرى اصلى استيراد ؟؟
اقتباس:
المشاركة الأصلية كتبت بواسطة capooahmed
شوف التوكيل (السعودى جروب)..... استيراد من الحرفيين ممكن يكون غالى ...هم هناك استغلاليين ولما يحس انك عايزه يبيع ويشترى فيك.
اقتباس:
المشاركة الأصلية كتبت بواسطة ahmed2801
شكراً جزيلاً لحضرتك
ممكن رقم التوكيل ومكانه فين ؟؟؟
استفسار لو سمحت
الاكصدام لو موجود فى التوكيل بيكون الاصلى ولا زى اللى فى المحلات خامته ضعيفة ورديئة جداً
وآسف على الإطالة
وشكراً
التوكيل على طريق مصر الاسماعيلية الصحراوى الكيلو21 تقريبا.اقتباس:
المشاركة الأصلية كتبت بواسطة capooahmed
انا لسة ما عرفتش لحد دلوقت انت عايز قطع غيار a11 ولا a15
لو a 11 ركب بتاع السيات توليدو 96 استيراد من الحرفيين احسن بكتير.
لو a15 فانت مجبر تجيب من التوكيل حتى لو كان ورق كرتون.
يستحسن تروح بنفسك .... التليفونات مش بيردو عليها ... وممكن حضرتك تطلب الدليل وتقوله (المجموعة التجارية والصناعية cig ) السعودى جروب علشان الحقيقة انا مش فاكر اخر فاتورة فين.
اقتباس:
المشاركة الأصلية كتبت بواسطة ahmed2801
السلام عليكم ورحمة الله وبركاته
كل عام وحضرتك والجميع بخير
الموضوع انى بشترى عربية بس فيها شوية شغل حلوين بس هتخلص بسعر كويس
وانا مكنتش اعرف معلومات عن موديلات
الشيرى والعربية الرخصة مكتوب فيها شيرى 2009 ومش مكتوب الموديل وانا غلطت وافتكرتها A11 وفضلت أدور وأسأل وفى الآخر أخدت بالى من الأكصدام الأمامى ودورت تانى على النت وعرفت و تأكدت أنها A15 فكل اللى فى دماغى اتلخبط وبحثت لقيت حتى المعلومات عن العربية قليلة غير الA11 منتشرةكتير عنها
والعربية محتاجة اكصدامين والجزء البلاستيك اللى فوق الاكصدام وشوية تظبيط فى الموتور والكهرباء والعفشة ودا اللى مقلقنى سألت عندى فى بلبيس ملقتش ليها قطع غيار خالص
وانهاردة دورت لقيت رقم التوكيل على برنامج True caller واتصلت عليهم وفعلاً زى ما حضرتك قلت مش بيردوا على التليفون وربنا كرمنى وجبت تليفون واحد فى اسماعيلية أسمه مينا ودا رقمه 01227141124 وكلمته وقاللى الاكصدامات موجودة ودى الاسعار
الاكصدام الامامى 275
والاكصدام الخلفى 350
والشبكة الامامية 85
والمرايات الكهرباء 185 او 165
وانا آسف تعبتكم معايا بس كنت عشمان تفيدونى
لأنى معنديش خبرة فى العربيات كتير وخصوصاً الشيرى ولو حد من السادة الافاضل معاه A15 يوضحى مشاكل العربية وإزاى التعامل معاها
آسف على الإطالة
وجزاكم الله خيراً
01002405060
هذا تليفون توكيل شيرى
و متزعلش كده و ثق تماما ان لو عندنا معلومة إن شاء الله لن نبخل عليك بها لكن المشكلة ان غالبيتنا عندهم a11 و معلوماتنا عن النوع التانى قلبلة جدا لكن انت عموما ثبت كل المعلومات اللى عرفتها من خلالنا عن a11 الخاصة بالعفشة و الميكانيكا لأنها واحدة فى العربيتين و بعد كده الامور تختلف من حيث الصاج و الاكسسوارات الداخلية و الخارجية
اخيرا يسر الله عليك
وعليكم السلام ورحمة اللهاقتباس:
المشاركة الأصلية كتبت بواسطة capooahmed
كل عام وانت والاسرة الكريمة بخير.
انا رايى انك تحاول تصلح الاكصدامات الاصلى فى ناس متخصصة فى اصلاح البلاستيكات ... الجديد خفيف اوى انا غيرت اتنين من الجديد واتكسرو من لمسة تلاقيهم ف الارض وصلحت القديم وكويس شغال الحمد لله ... والاستاذ ممدوح جاب سيات استيراد ومركبش الجديد ... والمرايات الاصلى القاعدة معدن والجديد بلاستك ... انا جبت المرايات الجديدة وركبتها على القواعد القديمة ... واية مشكلات الموتور والكهرباء علشان فى مشاكل ما تتحلش !!!.
العفشة كلها جولف2 مقصات ومساعدين وبطاحات وبيضات وخلافه .
شكراً لك أستاذ ممدوح وجزاك الله خيراًاقتباس:
المشاركة الأصلية كتبت بواسطة douha_wise
اقتباس:
المشاركة الأصلية كتبت بواسطة ahmed2801
السلام عليكم
أولا شكرا لإهتمام حضرتك
بالنسبة للإكصدام الأمامى فهو متغير قبل كدا وخامته خفيفة فعلاً أما الخلفى فهو الاصلى وممكن يشتغل عادى
أما الموتور والكهرباء مشكلتهم أو مشكلة العربية عموماً أنها كانت مركونة سنة أو أكتر شوية تحت البيت بسبب وفاة صاحبها والبطارية اللى فى العربية سائلة ومع الركنة ضربت ملحت الجزء اللى فيه الفيوزات اللى راكب على الطرف الموجب للبطارية ونزلت المياه على الكتاوت والسلوك اللى فيه ملحت وأتقطعت من الكتاوت
وعشان كده لما دورت العربية لمبة ال ABS وفرامل اليد ولمبة الاعطال منورين على طول
دا بالنسبة للكهرباء أما الموتور أشتغل بعد شوية محاولات لكن أشتغل وبعد شوية صوته هدى ولاحظت حاجة فى الدينامو اللى راكب ونوعة Bosch لكن الطمبورة تقريباً 4 أصغر من الاصلية عشان الطمبورة اللى تحتها أكبر سنة وفيها مكان فاضى ولما مشيت بالعربية لقيتها بتقطع يعنى تمشى بالراحة ومرة واحدة تفتح والميكانيكى قالللى دا من الطرمبة وعلبة زيت الباور عليها زيت وشكلها مش مزبوط وفيه زيت من تحت الموتور على الكارتيرة و الكومبروسر كمان بس لامم تراب كتير والعربية واقفة فترة طويلة لكن الزيت مش ناقص ومفيش زيت تحت العربية
دى اهم المشاكل اللى شفتها واكيد هيظهر حاجة كمان فى العفشة والكاوتش هيتغير عشان الركنة لكن شكل اللى راكب معقول :11:
وعلبكم السلاماقتباس:
المشاركة الأصلية كتبت بواسطة capooahmed
هوه فعلا ال abs تحت البطارية وانه منور فى التابلوه مع لمبة فرامل اليد علامة على انة مفصول او فيوزه ضارب وده يتصلح سهل او حتى تفصله مش ح يأثر على كفائة الفرامل.
موضوع الطنابير هو فعلا طنبورة الدينامو اصغر من اللى تحتها ... اللى تحتها طنبورة كومبريسور التكييف.
وربنا يقويك على الباقى.
والله الموفق.
اقتباس:
المشاركة الأصلية كتبت بواسطة ahmed2801
السلام عليكم ورحمة الله وبركاته
شكرآ لحضرتك
بالنسبة لطمبورة التكييف قصدى انها اكبر مش على الحجم
انا اقصد عدد المجرى اللى فى الطمبورة او الbk لان السير المفروض 6bk
لكن الطمبورة اللى على الدينامو تقريبًا 4bk
و بالنسبة للتوكيل انا جبت رقم التوكيل 16512
وسألتهم على الإكصدام قاللى الامامى مش موجود والخلفى ب 900
والمراية 300 اليمين بس اللى موجودة
والله المستعان
وعليكم السلاماقتباس:
المشاركة الأصلية كتبت بواسطة capooahmed
معلش ادينى فرصة اشوف السير اللى عندى لكن انا متأكد ان الدينامو 6bk .
ممكن يكون الدينامو اللى عندك مش بتاعها الاصلى.
والله الموفق
اقتباس:
المشاركة الأصلية كتبت بواسطة ahmed2801
شكرا لحضرتك وفى انتظار اى معلومات :beat4:
السلام عليكم
السيد الاستاذ capooahmed انا صورتلك الدينامو الاصلى بتاع العربية وكذلك سير الدينامو وتأكدت ان طنبورة الدينامو 6PK .
http://nileup.com/up/uploads/nilemotors_14451833331.jpg
http://nileup.com/up/uploads/nilemotors_14451833332.jpg
اقتباس:
المشاركة الأصلية كتبت بواسطة ahmed2801
تسلم ايدك وشكرا على اهتمامك وتعبك
كده الدينامو اللى راكب شكلة غير دا وانا قرأت الكلام اللى مكتوب عليه
ماركة bosch 70 أمبير صناعة اسبانى
والظاهر الكهربائى اللى غيره استسهل وركب اى حاجة تمشى وخلاص لأأن السير اللى راكب صغير فعلاً
وطمبورة الكمبروسر ظاهر جزء منها فاضى هشوف كهربائى يظبط الموضوع دا
وللعلم لقيت محل قطع غيار فى العاشر وبيقول عنده كل قطع غيار العربية وأسعاره معقولة