طريقة شد فرامل اليد بنفسك وتبقى قوية جدا
طريقة شد فرامل اليد و تقويتها :
1. هننزل فرامل اليد وندى العربية نقلة ( نعشقها ) عشان متتحركش.
2.نقدم كرسى السواق والكرسى اللى جمبة للآخر خالص.
3.نطبق الكرسيين خالص يعنى نخليهم لازقين فى التابلوة.
4.نرجع ونقعد على الكنبة ورا و معانا مفك جى ام وهنلاقى الكونسول اللى فى النص اللى فية فرامل اليد من ورا على الجنبين فية مسمارين نفكهم ونحطهم فى الطفاية عشان ميضيعوش.
5.نرفع الكونسول براااااحة من مكانة لحد ما يطلع.
6.هنلاقى فرامل اليد طويلة واخرها فى صمولة .
7.نجيب بنسة او مفتاح 10 ونلف الصمولة فى اتجاة الربط مرتين ونرفع الهاند نشوفها بقت كام تكة لو لسة مظبتطش نزل الهاند و لف تانى وهكذا لحد ما تبقى 3 او 4 تكات.
8.نركب الكونسول تانى و نربط المسمارين ونرجع الكراسى لوضعها الطبيعى تانى .
كدة الفرامل هتبقى تمام معاك ولو فى مطلع جامد وهى مثلا 4 تكات اتقل عليها وشد جامد خليها 5 تكات هتلاقيها واقفه حتى ولو على حيطة بس اوعى تخمس بقى وكدة
