السلام عليكم..
كنت عايز اعرف لو سمحتو هل فيه مشاكل فى وضع بنزين 92 بدلا من 95 في موديلات فولكس اللى بمحركات TSI 1400 Turbo وبالتحديد الجولف
وايه مدى صحة المعلومات الخاصة بخلط الاتنين مع بعض او وضع نوع كل مره ومره
شكرا مقدما :)
عرض للطباعة
السلام عليكم..
كنت عايز اعرف لو سمحتو هل فيه مشاكل فى وضع بنزين 92 بدلا من 95 في موديلات فولكس اللى بمحركات TSI 1400 Turbo وبالتحديد الجولف
وايه مدى صحة المعلومات الخاصة بخلط الاتنين مع بعض او وضع نوع كل مره ومره
شكرا مقدما :)
- متابع معك بأهتمام
متابع معاك بإهتمام ونرجو الرد
ممكن تحط 92 من بنزينه إمارات أو وطنيه ... بس انا أفضل إمارات .
وممكن تزود رافع الاوكتان هتحس بفرق نوعه stp .
أما موضوع 95 ده بيفرق في كل العربيات العاديه و التربو .. بس التربو أكثر .
واعرف ناس كتير معاها الباسات الجديده و ماشيه ب 92 عادي .
بس اسمع والله أعلم أنه بيأثر على الموتور على المدى البعيد . بس لو فكرت المدى البعيد ده امتى بعد 150الف كم مثلا .. اكيد حضرتك هتكون بعت العربيه وربنا كرمك بأحسن منها .
وعليكم السلام ورحمة الله وبركاته
مبدئيا لازم نفرق ما بين نوعين من المواتير ال TSI
الأول زي اللي بتنزل به الباسات 1.4 بيطلع 122 حصان
الثاني زي اللي بينزل في CC, Tiguan, Scirocco وبعض انواع الجولف و الجيتا 1.4 بيطلع 150 حصان علشان المحرك عليه سوبر تشارجر
طبقا للشركة المصنعة فإن النوع الأول بيصنح ببنزين 95 و النوع الثاني 98
نيجي لأرض الواقع ومن واقع الخبره العمليه:
انا كنت بحط 95 للباسات بصفة منتظمة من ساعة ما اشتريتها زيرو في 2010 و ماكنش في مشاكل لحد ما البنزين غلي بعد الثورة و بدأت أحط نص تنك 95 و نص تنك 92 و برضه ماكنش في ملاحظات...ولكن بعد إختفاء البنزين ال 95 من الغردقة نهائيا في 2013 اصبحت مضطر اني احط 92 و هنا لاحظت ان سحب العربية بدأ يبقى بطيء سنة و خصوصا في الطلعة الأوليه مع وجود صوت كركره بسيط و خصوصا لما بيبقى الجو حر لكن الأمور ماشية و العربية بتجري و بتوصل السرعة ل 200 ...مع ملاحظة اني باستخدام 95 وصلت ل216
نيجي لموضوع رافع الأوكتين : يا جماعة والله الموضوع ده إشتغاله جامده جدا ولا له اي اثر على البنزين من أول 90 و انت طالع ...ده بيستخدم مع بنزين 80 فقط و الكلام ده عن تجربه و بحث قرأته على النت لاني كنت جربت الأوكتين بوستر ده مع بنزين 92 و ماحستش بأي فرق في اداء السياره
بالنسبة للعربيات ال 150 حصان بقى دي مشكلتها كبيره حبتين لأن استخدام 92 بيخليها تجيب بساتم و عندي اصدقائي و جيراني االي معاهم CC ,Tiguan or Scirocco كلهم غيروا مواتير في التوكيل بسبب البنزين و حل القصة دي حاجة من اتنين يا تستخدم بنزين 95 بحد ادنى يا تغير البساتم بنوعية تستحمل
ده فيديو توضيحي لموضوع الإضافات و مدى تأثيرها على أداء السياراتاقتباس:
المشاركة الأصلية كتبت بواسطة mshamy
https://youtu.be/2jbcCr2ll3c
[youtube]https://youtu.be/2jbcCr2ll3c[/youtube]
شكرا على المعلومه الجديده بالنسبه ليا . و عموما هما كل فتره بيغلوا رافع الاوكتان لحد ما فكرت اني بسعر رافع الاوكتان احط كام لتر 95 وخلاص أو أكبر دماغى خالص .اقتباس:
المشاركة الأصلية كتبت بواسطة mshamy
شكرا ليك على المعلومات القيمه...اقتباس:
المشاركة الأصلية كتبت بواسطة mshamy
انا فعلا وانا بدور على شيروكو لقيت كذا حد مغير الموتور بس بعضهم كان بيقول ان العربية مفهاش مشاكل وبيحطو بنزين 92 عادى.. يمكن علشان العربية تتباع بيقولو كده!
المشكله انى سمعت برضو"والله اعلم بصحة المعلومه" ان التوكيل بيقولو ينزين 92 مش هيعمل مشكلة علشان يزودو المبيعات!
اتفق معاك تماما في ان الحل النهائى للموضوع ده هو استخدم بنزين 95 بس للاسف طبعا سعره غالى! او البعد عن التربو بشكل عام :)
في المانيوال بتاع عربيتي الليون الأتي
tsi 1.2 105 hp ==> 95
tsi 1.4 122 hp ==> 95
tsi 1.4 140 hp ==> 95/91
يعني الجتا و الباسات و الليون المفروض 95
و الجولف ممكن 95 و ممكن 92
أنا شخصيا بستخدم 92 أغلب الوقت