الموضوع: الابواب المصفحة

المشاركة الأصلية كتبت بواسطة ali ashraf

السلام عليكم انا مينفعش اركب باب مصفح علشان المقاس عندى مش استندر (اقصر 15 سم من المصفح) و تفصيل المصفح يكلف حوالى 6000 ج و حضرتك كاتب عن باب خشب و كريتال محمل ....يعنى ايه ؟ انا الحقيقة اول مرة اسمع عنه يا ريت حضرتك تفدنى اكثر لأنى محتاج اغير باب شقتى و كنت مستغلى المصفح ابو 6000 ج مع خالص تحياتى و تقديرى

السلام عليكم أ.علي

نظرا لمقاس الباب عند حضرتك
ممكن حضرتك تجيب نجار يعمل باب خشب متين بحلق كويس و عريض

و بعدها تجيب حداد ياخد مقاسات الحلق الخشب يفصل لحضرتك باب حديد و حلق يركب علي حلق الباب الخشب

الحيديد حاول تخليه تقيل علشان يبقي متين و مش يكون فيه نقش كتير علشان التراب و سهواله التنظيف

الدهان حاول تخليه للباب الحديد عن طريق الكهرباء الإستاتيكيه و ده بيبقي أمتن و ألوانه أحسن و يحمي الباب لفتره طويله

لو هتركب الباب الحديد و الخشب يفتحوا من نفس الجهه لا تنسي أن تجعل فرق في الإرتفاع بين الكوالين علشان مش يضايق حضرتك في الفتح و الغلق و لو ينفع تخلي الأكر في جنبين مختلفين

حاول أيضا أن تجعل تثبيت الباب الحديد بطريقه لا تسمح بوجود فراغات بينه و بين حلق الباب الخشب او الأرض حتي يصعب فكه

جزاكم الله خيرا و أي سؤال إتفضل

شكرا جداا لكل اللي رد
بس لو حبيت اعمل باب شقة خشب في متوسط 1000 جم
هل هيبقي حاجه كويسة ومحمل وامان ولا ايه الاخبار
لان الميزانية دلوقتي لا تسمح بالمصفح