يوم الاتنين 5 اكتوبر
منصور جي ام مصر اطلقوا حفل الكروز2016
مع حركة حلوة انهم دعوا ادمنز واعضاء 15 فرد جروب الكروز تيم من الفيسبوك لحضور الاحتفال ومناقشة كل ما يهمهم عن الكروز
ودي تعتبر اول مرة في السوق المصري ان مسئول ال customer satisfaction يدعوا اصحاب العربية نفسهم من كل الموديلات من 2010 لحد 2015 لحضور الاحتفال والمناقشة والكلام و الوعود اللى شفنا منها شوية حاجات بالفعل بالتطوير وراحة الناس
( ونتمني اكتر واكتر ولسة في سلبيات طبعا بس الوضع جميل وفية تفاؤل )
العربية تزيد عن ال 2015
الاتى
فوج لايت امامي عدسة وخلفي
جنوط بشكل جديد
مفتاح شنطة داخلى ولوك الباب اتنقل للباب
اكصدام امامي جديد وفوانيس خلفية جديدة
العربية 2016 كورى بالكامل ... والشكل الجديد كليا (المختلفة خالص مش اللى في الموضوع ) لسة منزلش في العالم كلة واحتمال ظهورة في مصر في اكتوبر2017
العربية حتنزل 2 فئة واحدة ب 148 وواحدة ب 157
اللي ب 148 حتقل عن الهاي لاين انها حتبقي بايرباج واحد ومفيش مالتى فانكشن او جنوط او فوج لايت
لكن الجميل ان كل مواصفات الامان اساسية في الفئتين من esp tc abs ebd ba
والهاي لاين 2 ايرباج
والعربيتين طبعا ايمبويليزر ...
ملحوظة ان السعر دة يعتبر سعر اطلاق وممكن يزيد في الاسابيع الللى جاية.
والجدير بالذكر ان العربية من اول عام 2014 محدثة تماما بموتور 116حصان وفتيس حديث بكنترولات وكمبيوترات جديدة , وال 2013 بموتور جديد فقط وماقبل 2013 بالماتور القديم ال 107حصان
الصور وفيها رجالة الكروز بتفحص العربية وتفليها :)
من ضمن المناقشة مع مندوب جنرال موتورز مستر جيمس و السيد محمود لطفي منصور والسيد خالد اسماعيل كان في النقط دى
جنرال موتورز ... انهم مستحيل يقللوا من عناصر الامان عشان يزودوا كمالياتيعني اقل فئة فيها ايرباج و فرامل abs ebd ba وتراكشن كنترول و ESP اتزان الكترونيودة حيبقي العرف عندهم ان مواصفات الامان قياسية .. والكماليات بتقل عشان يحافظوا عااسعر في الفئة دي.وانهم نزلوا الكروز عشان تنافس السيراتو والالنترا الفئات اللي ب 167 الف و 160الف مش التوب لاين اللي بكل الكماليات.
يعني الكروز اللي ب 157الف تتفوق عالسيراتو ام 167الف والالنترا ام 160الف
واية كماااان ....
اة .. وان لو أضافوا كماليات ذي السيراتو التوب والالنترا التوب يبقي سعرها حيعدي ويروح للاسترا.
فاللي عايز كل الاوبشنز في العربية ، فمتاحة قدامة بكل وسائل الامان في الاسترا الكوزمو وبسعر ذيهم مع الافضلية للاسترا في وسائل الامان اكيد والثبات.
وايه كمان
لما قولتلهم عالاوبشنز وكدة
قالوا ( لطفي منصور ) قال انة حيتوفر الاوبشن الاضافية بسعرها منفصل للي حابب يركب ويدفع تمنها وحتكون اصلية بضمان التوكيل. ودة عشان ميرفعوش سعرها وتفضل في مكانها منافس لفئة السيراتو والالنترا ام 167الف وتتفوق عليهم .
لو افتكرت حاجة تانية حكتبها.
اة
وان لو الفرق بتاع السعر زاد اوي بين الاسترا والكروز عشان زيادة الاسعار احتمال كبير تنزل فئة توب لاين تملي الفراغ دة ... بس مترددين لسة عشان مش عارفين سعر ال 157الف دة حيزيد كام الفترة اللي جاية
من مواصفات 2016
فوج لايت امامي عدسة وخلفي
جنوط بشكل جديد
مفتاح شنطة داخلى ولوك الباب اتنقل للباب
اكصدام امامي جديد وفوانيس خلفية جديدة
موتور 1600 بقوة 116حصان و عزم 155نيوتن بيشتغل عادى جدا ببنزين92 حديث
فتيس 6 سرعات ستيبترونيك حديث مطور بكود 6t30 من اول 2014
4 ازاز كهربا بلمسة واحدة
اشارات بالمرايا
تصفيح بالكامل اسفل السيارة
فولو مي لايتس لما تنزل تضرب رعاش تفضل منورة لحد 2 دقيقة
فوج لايتس اصلي
اصوات تنبية عند ترك فرامل اليد مرفوعة والسير بالعربية
اصوات تنبية عند ترك الاشارة مضاءة فترة كبيرة
اصوات تنبية عند ترك اى انوار مضاءة ونزلت من العربية
صوت الانتظار بعد فترة جوة العربية والمفتاح متشال بيقلب صامت
سنترلوك بأنذار فابريقة مش راكب في التوكيل
ايمبوليزر الجيل الخامس احدث جيل
طارة مالتي فانكشن
حامل اكواب متحرك
كاسيت سي دى ام بي 3 ب aux
كاسيت العربية auto volume الصوت بيعلي و يوطي اوتوماتيك حسب الضوضاء
تحكم منفصل للاكواليزر واعدادت صوت الكاسيت للراديو والسي دي وال aux
أمكانية ضبط صوت الكاسيت العلو عند الفتح اوتوماتيك عشان لا تفاجأ بعلو الصوت
كاسيت العربية صوت قوى جدا بأربع سماعات 45وات في 4 سماعات
تحكم في اعدادت العربية من الكاسيت مثل الاشارات الانوار وصوت الكلاكس مع الغلق
فصل اوتوماتيك لكل كهربا العربية بعد 10 دقايق لضمان الحفاظ عالبطارية
تكييف بحساس الكنرونى لقياس مدى نسبة الاوكسجين بالكابينة
ازاز العربية حرارى 30% عزل حرارة
عفشة بتصميم رياضي
تصفيح للموتور كامل امامي
مرايات تحكم كهرباء بدون ضم
فتح الشنطة بالكامل فتحة كاملة من ريموت العربية
دركسيون تليسكوبي بيتحرك برة وجوة وفوق وتحت
كرسي السائق 6 اتجاهات وبيعلى ويوطي
كمبيوتر كامل بيتحكم في العربية يقرا اى اعطال وينبهك ليها
كمبيوتر رحلات
كمبيوتر لحساب استهلاك البنزين اللحظي ولكل 100ك متر
كمبيوتر يحسب الكيلومترات المتبقية بالبنزين اللي في العربية
دواسة البنزين كهربا مش على سلك واير
عزل مضاعف للعربية في الكابوت والشنطة والابواب على 2 كاوتش تخين و موكيت شمواة
عزل اسفل الابواب لمنع دخول المياة بكاوتش مخصوص
جنوط مقاس 16 بكاوتش عريض 205 على 60
مسامير الجنوط صلب مش زهر ذى الكورولا الجديدة
تصميم رياضي للعفشة من المساعدين والسوست الخلفية للثبات
ارتفاع العربية 16 سنتي عن الارض
ديسكات فرامل امامية وخلفية بقطر كبير
ABS نظام مانع للانغلاق
EBD توزيع الكتروني للفرامل على كل فردة كاوتش على حدى
TC تراكشن كنترول لمنع انزلاق السيارة او الكاوتش
ESP نظان اتزان الكترونى لمنع تعويم العربية عالملفات والغرز او الطرق الزلقة
Brake Assist معزز فرامل للطوارئ
2 Airbags
مخدع امامي بدرج كبير متحرك
حامل اكواب في كل باب
2 مخرج كهرباء امامي وخلفي للركاب الخلفيين
شنطة العربية واسعة جدا ماشاء الله بحر وعريضة
الدرج الامامي بلمبة اضاءة وواسع جدا
اضاءة انوار السيارة والتابلوة عند فتح الباب
اضاءة انوار صالون السيارة عند فتح العربية من الريموت
غلق اوتوماتيك للسنتر عند الوصول لسرعة 10كيلومتر
وشكرا ...
المفضلات