أفضل زينون بعد ال oem ف العالم وشرح كل مايتعلق بتركيبه للجميله فلوانس فيس ليفت
بسم الله الرحمن الرحيم
أصدقائي الاعزاء حبيت أشارككم بتجربه تركيب زينون ف النور الواطي للفلوانس الفيس ليفت من اول مرحله التفكير لحد استخدام 6 شهور يلا بينا
طبعا كلنا عارفين ان الفلوانس بتنزل بفوانيس عدسات ثابته للنور الواطي ولمبات ستوك H7 55 watt سواء فيلبس او أوسرام النور مرضي جدا لاغلب الناس لكن ف ناس وانا منهم بتبقي طماعه شويه ومحتاجه high standard أول خطوه اخدتها هي تغيير اللمبات ف النور الواطي ل Osram night breaker unlimited H7 ودي لمبات هالوجين زي اللي ف العربيه بالظبط لكنها بتبقي متقدمه اكتر من حيث مدي الاضاءه ودرجه اللون بتبقي نورها مش مصفر اوي زي لمبات الاستوك التقدم دي بيبقي علي حساب العمر الافتراضي للمبه بمعني ان لو اللمبه العاديه هتقعد سنه دي هتعيش مثلا من 6 ل 8 شهور بالنسبه لتركيبها سهل جدا بتفك غطاء اللمبه بتاع الفانوس والكلبس اللي ماسك اللمبه ثم تغيير اللمبه
مرحله البحث عن زينون :
طبعا بعد استخدام 5 شهور حسيت ان الاضاءه مش قد كده وخصوصا أخويا اللي بيغظيني بزينون الهاي لاين اللي نازل ف عربيته الفلوانس بدأت البحث عن نوع كويس اركبه وكان قدامي الاختيارات الاتيه
1-Denso ياباني استعمال هو واللمبات ب 1500 جنيه (فكس معايا لسببين انه مش ضد الميه ولان انا مش هركب حاجه ف عربيتي استهلكت وكمان ادفع المبلغ ده
2-زينون من عند اشهر تجار الاكسسورارت ف مصر تمنه من 400 ل 1200 جنيه (فكس برضه لان كل اللي مصر صيني مضروب تصنيع بير سلم )
3-MORIMOTO ELITE HID SYSTEM وده كان اقتراح من احد أعدائنا الكورولاوين هههه محمد النجار بعد بحث مفصل ع الانترنت ثبت فعلا انه افضل زينون ف العالم aftermarket (هو ده الخلاصه ككل من اول زمن التحميه والسعر وشده الاضاءه وجوده التصنيع والاعتماديه وضمان 5 سنين)
مرحله شراء ال MORIMOTO ELITE HID SYSTEM H7 :
ابسط مايكون بنخش علي اللينك ده H7: Morimoto Elite HID System - HID Systems from The Retrofit Source Inc
ونختار سواء عاوزين ال 35 وات او 55 وات انا ركبت ال 35 وات عشان مايعملش اي مشكله ف العربيه او يسيح العدسه + ان اضاءته فوق الممتازه برضه ب نختار درجه لون اللمبه انا اخترت ال5500K ابيض نقي pure white ودي افضلهم من وجهه نظري الحاجه التانيه المهمه أختيار نوع التوصيل انا أخترت ال Canbus system عشان حساس النور يشتغل و follow me home ومايبقاش ف اسلاك او تحويلات ف حوض العربيه من والي البطاريه
بعد الاختيارات المفروض صفحه النت تبقي قدامك زي الصوره دي
http://nileup.com/up/uploads/nilemotors_14443074961.png
نضغط علي Add to cart ونطلع فوق ف الصفحه علي اليمين نضغط علي Shopping cart (الموقع ده ليه صفحه ع الفيس بينزلوا خصومات باكواد ممكن توصل ل 50 دولار او اكتر تقدر تعملهم ليك وتتابع العروض قبل الشراء) هتظهر الصفحه زي الصوره دي
http://nileup.com/up/uploads/nilemotors_14443078491.png
نضغط علي Secure checkout ونملي البيانات المطلوبه لحد مانوصل لطريقه الشحن انا عن نفسي اخترت USPS standard تكلفتها 27 دولار ووصل ف خلا 3 اسابيع لمصر
مرحله الاستلام والتركيب :
طبعا البريد المصري مشكورا وصللي الطرد والجمارك المصريه كالعاده لازم يفتحوا الطرد ويطمنوا انه مش جهاز تجسس ولا كائن فضائي ويخبطوا جمرك اللي فيه النصيب بقا 100 ولا 150 جنيه انت ورزقك اللي انا فاكره اني اشتريت الزينون ب 150 جنيه الشحن و الجمارك لحد ماوصل ايدي لم يتعدي ال 1500 ودي شويه صور لكل مكونات العلبه
http://nileup.com/up/uploads/nilemotors_14443087681.jpg
http://nileup.com/up/uploads/nilemotors_14443087682.jpg
http://nileup.com/up/uploads/nilemotors_14443087693.jpg
http://nileup.com/up/uploads/nilemotors_14443087694.jpg
نيجي بقا للتركيب وملاحظاته :
1-الفانوس ممسوك ب 3 مسامير الانكيه نجمه 2 كبار و 1 صغير نفك ال3 مسامير ونزق الفانوس من الداخل للخارج ف فيشتين ليهم كلبس صغير وهم اللي موصلين الكهربا للفانوس نفك الكلبس بتاع كل فيشه ونفكها
2-كده الفانوس مفيش فيش واصله نبتدي نزق من جوه لبره الفانوس بيمشي معانا ف مجري لحد مايطلع بره العربيه خالص
3- نركب فيه اللمبه بكل حذر عشان مانجرحش طبقه ال UV وبيجي مع العلبه مناديل كحول عشان لو بالغلط صوابعك بصمت علي اللمبه اثناء التركيب لازم تمسحهم بالمناديل دي
نفك غطا لمبه النور الواطي وده بيبقي غطا مطاطي لانه هيتخرم لاحقا خرم دائري عشان نعدي منه السلك وده فيديو بشرح التوصيل والقصه دي
https://www.youtube.com/watch?v=K5j_5CsmMe0
طبعا انا ف غطا منهم الخرم كان واسع شويه بحيث ان الطبه اللي ف السلك ماقفلتش عليه كويس دخل ميه ف الفانوس بعد غسيل العربيه اضطريت الزقها ب EPOXY ومن ساعتها تمام زي الفل
الفيش كلها بتوصل بكل سهوله فيش x فيش ومفيش اي تعامل مع البطاريه وعلي الموقع شرح بالصور لتوصيل كل فيشه
4- مكان الموديول وال canbus اكتر حاجه دوختني خصوصا ان حوض العربيه ضيق جدا وف الاخر وصلت للمكان المخفي ده
بنفك المسامير اللي مساكه شبكه الاكصدام من فوق ونحط مديول ع اليمين ونمسكه بنفس مسمار شبكه الاكصدام والشمال هكذا زي الصور دي
http://nileup.com/up/uploads/nilemotors_14443105001.jpg
http://nileup.com/up/uploads/nilemotors_14443105012.jpg
http://nileup.com/up/uploads/nilemotors_14443105013.jpg
5-الفيديو شارح ان سلك اللمبه الخارجي اللي لونه ابيض المفروض يكون مواجه للاسفل عشان مايبقاش ف ظل اسود ف الضوء لكن للاسف ماقدرتش اركبه كده لان ده هيحتاج تعديل ف العدسه ولا انصح بيه والظل مش للدرجه يعني سهل التعايش معاه ودي صوره النور الواطي بعد تركيب الزينون
http://nileup.com/up/uploads/nilemotors_14443107771.jpg
تحياتي
