هههههههههه احلا حاجه في الدنيا تحط اخوان في اى جمله للاسف ضعيف الحجه كما توقعتك
ضعيف حجه مين يا يعم الحج :)
انت بجد مش مكسوف !!!
مشكلتك اني ساكن في الجيزة والقنبلة بقي ان ليه قرايب ليه ساكنين في فيصل اللي انت ساكن فيها , وعارف الوضع كويس ,يعني سياتك باختصار كداب , ايه الهدف بقي انك تنشر اشاعة ان مفيش ميه في محافظة الجيزة كلها وانها مش بتيجي غير ساعة واحدة في اليوم !!!
ولما زنقت عليك شويه قلتلي بتقطع في الحي بتاعي ودلوقت جاي تقلي ضعيف الحجه :)
يا راجل اتكسف
عيب لما تبقي راجل موظف في مكانه محترمه علي حسب كلامك وتبقي كداب
انتم ازاي كدا :)
مع انى مليش فى الموضيع ديه خالص بس يبدو ان كان فى مشكلة كبيرة بالنسبة للمية فى فيصل و الهرم
سكان المريوطية: "بنتشقلب" بسبب انقطاع المياه
اتفضل كمل الوصله يا استاذ عادل الجزء التالت
في فعلا مشكلة وانا مقلتش انه مفيش مشكلة في فيصل والهرم
وعلي فكرة من ضمن اسباب المشكلة الحرامية اللي طلعوا بعمارات مخالفة ايام الثورة وبعدالثورة وسرقوا ميه وركبوا مواسير بطريقة مخالفة , كل دا اثر علي حصة الناس الباقية في هذه المنطقة .
وحاليا بيحلوا المشكلة انهم حيدخلوا محطة مياه جديدة تعوض العجز في المنطقة دي .
عايز اقلك اني بعاني من مشكلة المياه اللي بتقطع , والميه فعلا بتقطع ساعة او ساعتين بالكتير تلات ساعات متفرقة في اليوم , وانا من سكان الجيزة وكمان ليه قرايب في فيصل وسبب معرفتي بالمعلومات دي لاني كنت مضايق اوي من حكاية قطع الميه .
اعتراضي كله علي واحد داخل يقول اشاعة انه المحافظة كلها بتاعه الجيزة الميه بتقطع فيها طول اليوم ومش بتيجي غير ساعة واحدة
العضو دا بقي جاي يقول كلام كذب لهدف معين , زيه زي بقية الاعضاء اللي شغالين علي الاشاعات ويقولوا مصر بتخرب ويضخموا المشاكل ويقولوا كلام كذب في كذب
انا لا مع دول ولا مع دول بس محبش الكدابين ,احب الشخص اللي شايف الصورة كاملة وبيقيم الامور صح
ولا احترم الشخص الكذاب ابدا لان الكداب دا ممكن يسرق ويقلك مسرقتش و يقتل ابرياء ويقلك مقتلتش ويسئ للاسلام بتصرفاته ويقلك محصلش انا بدافع عن الاسلام
وخير مثال علي النوعية دي هما الاخوان اللي الكذب اساس حياه بالنسبة ليهم واللي العضو وبقيه شلة مصر بتخرب منهم .
للاسف كل اللي بيقول على حاجه غلط بأه اخوان ومش هسكت على الغلط واللي يقول يقول مدام انا شايف ان الصح اني اقول وبدعى ربنا ان المحطه الجديده تخلص بسرعه واتمتع بيهه وهيا نازله من الحنفيه
عن المياه اتكلم
دة وجهة نظر مشارك حبيت انقلهالكم لان للاسف كل رأى بقى لازم يتم تصنيفة اما الفريق دة او الفريق دة وبتفكرونى بالاهلى والزمالك زمان كان لازم فريق يلعب وفريق يكسب ....ودة شايف نفسة حلو والتانى شايف نفسة لعيب وفى الاخر خربانة خربانة
مشاركة الاخت نهال برهان بتقول اية :
هقول ثاني علشان السيدات و السادة اللي جاهزين بالردود من نوعية دي مش ضريبة جديدة .. دي زيادة بسيطة مش محتاجة كل الهليلة دي الخ ..الخ..صديقي المواطن المضحي: كل خطوة صغيرة لوحدها و منفصلة بتعدي .. زيادة اسعار .. رفع دعم .. زيادة ضرائب.. غلاء الطاقة .. رفع قيمة ضرائب. . الي اخره .. لكن لما نبص علي الخطوات دي كلها مجتمعة نقدر نفهم سياسة و خطة عمل الحكومة ككل .. الحكومة اللي فشلت في إدارة الموارد و جذب الاستثمار و محاربة الفساد و التهرب الضريبي للكبار اللي بيهدر اموال الدولة وقررت تستسهل و تحط ايدها في جيب المواطن كل ما تتعذر في قرشين. . حضرتك ممكن توافق علي ده براحتك و حقك .. لكن متطلبش مني اوافق عليه .. اصل جيب الحكومة مخروم حضرتك ..