رجاء من اهل الخبر افيدونا ، كل اللى يمر يرد ولو بختصار بارك الله فيكم :
- لو فضلت ماشى على الاول مده و مجبتش اخره لأن الطرق مكسره خالص ، و لو اديت التانى ممكن امشى بيه هادى خاااالص برضو زى الاول ولا العربية هترج منى ؟
- حاجه تانية ، انا اتعلمت الغيارات و اتحكمت شوية فى العربية ، بس سواقتى فى البلد مبعرفش أدى اعلى من التانى ساعات ، نفسى اجرب ، امتى اطلع على الطريق انا عارف انها بتفرق من واحد للتانى لكن تقريبا بعد مدة قد ايه اطلع ؟
- لما بيكون فى مطب و انا على التانى بدوس فرامل بالراحة خااالص لحد ما اهدى العربية تماما و اول ما انزل من المطب بدوس سنة بنزين و ازود بالتدريج ، كل ده بدون ما ادوس نهائى على الدبرياج ، هل كدا تعاملى صح مع المطبات ؟
- تعاملى مع الدبرياج بيكون كالتالى ، ادوس سنة بنزين و اثبت عليها و ارفع رجلى تدريجى من الدبرياج ، كدا صح ؟
- فيه ناس تقول لما تهدى العربية اسند البنزين بسنه بسيطة دبرياج ، مش المفروض انه غلط على اسطوانة الدبرياج ان الواحد يضغطه مع البنزين ؟ ولو ده عادى إمتى اسند بسنة دبرياج ؟