مشكلة فى صوت الموتور و العربية بتجرى شوية و

السلام عليكم :
سيارتى هوندا سيفيك 92 ، فيه مشكلة ظهرت امبارح ، انا لسه بتعلم و الطريق عندنا مكسر وكله مطبات عشان كدا معظم مشى على الاول بس مش بجيب اخره بمشى على الهادى خالص
المهم : امبارح حسيت فجأة ان صوت الموتور ساعات بيعلى كأنى دايس بنزين ، وان العربية بكون ماشى و ارفع رجلى من دواسة البنزين على الاول او التانى الاقى العربية بتسحب شوية كأنى دايس بنزين ، و كمان لما جيت اقف عن البيت و بطلت العربية خالص من المارش العربية فضل موتورها داير عشر ثوانى بشكل ضعيف و مش منتظم و بيترج و يهز العربية على بسيط وبعدين بطلت ، شغلتها تانى بعد شوية لقيت صوت الموتور واطى خالص و فى الطبيعى و ، طلعت بيها تانى عملت نفس الاعراض اللى بتعملها اللى قلت عليها الكلام ده امبارح ، جيت انهارده أدورها على الواقف اسمع صوت الموتور لقيته هادى و تمام لكن مطلعتش بيها عشان اجربها ، يبقى ده ايه ؟؟؟؟
و سببه ايه اصلا هوا انا عملت ايه عشان الحركة دى تحصل ؟ و ازاى اعالج الموضوع ده ؟

هو فية حد لعب فى الاسبراتير ؟؟ عشان دية مشكلة اسبراتير , الاول هيتم ظبطة وبعد كدة تجرب

اقتباس:

---

المشاركة الأصلية كتبت بواسطة sameh_fouad

هو فية حد لعب فى الاسبراتير ؟؟ عشان دية مشكلة اسبراتير , الاول هيتم ظبطة وبعد كدة تجرب

---

لا محدش جه ناحيته ولا لمسه ، واحد بيقولى ممكن ده يكون بنزين زايد فى فلتر البنزين لانك بتدوس بنزين زيادة قبل التدوير ، انا طلعت بالعربية انهارده حسيت ان الاعراض لسه موجوده بس قلت خالص عن امبارح .