حوارات التقسيط - بونتو - الطارق (الأسكندرية)
صباح الخير !!
أنا كنت نويت أتوكل على الله و أجيب بونتو كلاسيك 2009، سألت فو أوماترا لقيتها عاملة 73,000 و روحت عند الطارق اللى فى سيتى سنتر إسكندرية لقيتها ب 71,000 !!
أنا مشكلتى بقى إنى عايز أدفع 60,000 و أقسط ال 11,000 الباقيين على 3 سنين، بعد ما كنت قررت أروح للبنك العربى الأفريقى لقيت الناس كلها بتشتكى من فترة الإجرءات ، بيقولوا مش أقل من 10 أيام و ساعات بتوصل لشهر + إن أقل قرض 15,000 ، و أنا عايز 11,000 بس !!
بتاع الطارق عرض عليا سوسيتيه جنرال و قالى ممكن يظبت 11,000 بنسبة 9.9% "حيبقى فيها وفر حوالى 500 جنيه و حيخلص الموضوع كله فى 4-5 أيام .
المشكلة بقى عند الطارق إن المصاريف الإدارية 30 جنيه لكل شهر يعنى حوالى 1080 جنيه فى ال 3 سنين !! مع إن كل البنوك و كونتكت بياخده 1% من قيمة القرض اللى هى 110 جنيه !! فى طبعاً فرق شاسع !!
حاجه أخيره، فى نص الكلام معى مندوب المبيعات اللى هناك قالى لازم تحجز العربية علشان أديك عرض الأسعار !!!!!! و قالى ممكن أنزلك فى قيمة التأمين و ديه برضوا من الحجات اللى خوفتنى !!
فلوسمحتم لو أى حد إتعامل مع الطارق أو يعرف يفيدنى فى الكعبله ديه حبقى شاكر ليه جداً جداً
معلش طولت عليكم !