سيات توليدو - سياز - شارك - ياريس

**fahd101** · 09-10-2015 11:01 PM

لو سمحتم ياجماعه انا محتار بين الاربع عربيات المذكورين فوق خصوصا ان كل واحدة ليها ممياز وعيوب
فمحتاج حد من اصحاب الخبرة ياساعدنى على انى استفر على نوع سياره موحد
علشان الفلوس اللى هتدفع هفضل مديون بيها 4 سنين قدام ومش عايز حاجة تتعبنى او تحسسنى ان فلوسى اترمت فى الارض ا
الفئة السعرية يوم مايضربنى الدم مقدرش اكثر من 150000

برحاء الرد من اصحاب الخبره ممن لهم تحارب قيادة للماركات المذكورة ولو فى حاجة فى نفس الفئة السعريه احسن منهم يبقى كثر خيركم

المطلوب فى العربيه الارتفاع عن الارض حتى مع التحميل
الوسع سواء داخليا او من الشنطة
متتاثرش بالتكييف ومتكلش بنزين
قوية من ناحية الصاج والعفشه تكون ناعمه وهادئة وقوية
واخيرا التقفيل يكون عالى يعنى مفيهوش بلستيك كثير يعنى حاجة كده زى السيراتو الجديدة او العربيات اللى بجد

وشكرا ليكم مقدما

**sherif1988** · 10-10-2015 12:21 AM

اولا اليارس و السيازر فئات اقل من التوليدو و الشارك
السيازر 1400 واليارس 1500 تقريبا
كمان هما اصلا فئات اقل
السيازر تحس انها فخمة جدااا وشكلها شيك وادئها ناس كتير بتشكر فية بس متنساش ان العربية لسة جديدة فى السوق
والله اعلم هيبقا اية نظمها ومشكلها بردك لسة مش معروفة بس الناس اللى معاهم العربية بيشكروا فيها جدااا

اليارس كويسة وعومال امان كويسة بس معرفش معلومات عنها كتير

ثانيا تستبعد الشارك لان
تقفلها مش تامام وكلها بلاستك ومفيهاش اوبشن كتير وعلشان تجيب فئة فيها اقل موصفات الامان هتطلع لحد 165 تقريبا
دة غير ان صجها ضعيف والشنطة بتعتها ضيقة

ثالثا يتبقا التوليدو
اولا شركة سيات معروفة العربية تصنيع مصانع فولكس فاجن فى التشيك
العربية امكانيتها كويسة جداا عوامل امان ممتازة تقريبا العربية الوحيدة فى الفئة دى اللى فيها 4 ايرباج
مساحة داخلية كبيرة شطنة تعتبر من اكبر المساحات تقريبا 570 لتر
العفشة مش عارف عنها كتير بس الناس كلها بتشكر في العربية جدا
السحب مش بيتاثر بالتكيف على كلام ملاك العربية
علوها كويس عن الارض
ماتور وفتيس اوكتفيا a7
عفشة الربيدا تقريبا

المهم انا شايف انها افضل عربية فى الفئة السعرية دى فيها كل شى انت عيزة او اى حد يتمناة

ولكن
اعادة بيع طبعا مش زى الكورى ولا اليابانى بس العربية بدات تنتشر
توكيل على حد علمى فية طع الغيار كلها واللى بيبقا مش موجود بيوفرة وبيبلغوك
قطع الغيار فى السوق مش عارف الصراحة حضرتك تقدر تسئل على جروب العربية فى الفيس بوك

انا شايف انها الافضل والاقوى كمان سعرها 140 الف واستلام فورى 148 تقريبا
لو هتجيب جيب الموديل الجديد 2016

**fahd101** · 10-10-2015 01:53 AM

الف شكر لردك المحترم يااستاذ شريف وانا فعلا ميال للسياز والتوليدو بس عجباني السياز اكثر علشان الاوبشن بس مشكله تدعيم الاكصدام الخلفي دي مقلقه الواحد خصوصا ان الخبطة من ورا ممكن تبهدل العربيه
والتوليدو حلوة برضه بس في ناس بتقول ان الفتيس Dsg وفقر الامكانيات عن السياز والله اعلم
والياريس محدش جاب سيرتها تماما
يبقي اختياري المفروض يبقي يبن السياز والتوليدو

**sherif1988** · 10-10-2015 03:35 AM

المشاركة الأصلية كتبت بواسطة fahd101

الف شكر لردك المحترم يااستاذ شريف وانا فعلا ميال للسياز والتوليدو بس عجباني السياز اكثر علشان الاوبشن بس مشكله تدعيم الاكصدام الخلفي دي مقلقه الواحد خصوصا ان الخبطة من ورا ممكن تبهدل العربيه
والتوليدو حلوة برضه بس في ناس بتقول ان الفتيس dsg وفقر الامكانيات عن السياز والله اعلم
والياريس محدش جاب سيرتها تماما
يبقي اختياري المفروض يبقي يبن السياز والتوليدو

العفو يا أستاذ انا تحت امرك انا بحاول افيد على قدر معلوماتى

معاك في مسئلة السيازر بس التوليدو مش فقيرة اوى كدة بالعكس فيها إمكانيات و اوبشن كتير
كمان متنساش الفرق في قوة الماتور بردك

اما مسئلة الفتيس فا هوا مش dsg
كان فية موضوع في قسم السيات بيتكلم في الموضوع دة نظرا لان المعلومات على الموقع الرسمي العالمى لسيات مكتوب فية ان الفتيس dsg
وكمان مكنش مكتوب فية انها بتنزل بمتور 1600 سى سى بنزين

بس الأعضاء الكرام بعد البحث وصلو ان العربية بتنزل في كل دولة بموصفات مختلفة على حسب شعبية السوق واحتياجتة
وان العربية اللى نزلة مصر ماتور 1600 سى سى نفس ماتور الاوكتفيا
والفتيس مش dsg ونفس فتيس الاوكتفيا بردك

دة غير الأعضاء اللى مشترين العربية وبياكدو الكلام
وغير ان البرشور الرسمي بتاع الوكيل كمان بيقول ان الفتيس مش dsg

ومعاك ان الاختيار يبقا بين السيازر والتوليدو

بس انا كاشخص ميال للتوليدو ولو انا هجيب حاجة مش هعبها قريب هجيب التوليدو بدون تردد

نقطة كمان السيازر صناعة هندى مش بعيب فية ولا حاجة
التوليدو تشيكى اوربى وفى مصانع فلوكس

**moha sasa** · 10-10-2015 04:18 AM

الشارك

**ramyg** · 17-10-2015 09:16 PM

انا حاليا في نفس الحيرة و ان كنت اجبت قرار الشراء لفترة ....

أنا ضفت على المقارنة ده بالنسبة لي البيجو 301 و شلت الشارك من المعادلة ، و ده اللي انا قدرت اوصله

1) التوليدو: أفضل سيارة من حيث الامكانيات و التقفيل و الابشنز بالنسبة للسعر 140000 عند الحجز من الوكيل مع انتظار 5 شهور او يقارب 150000 عند التسليم الفوري من المعارض. العيب : اعادة البيع ضعيفة ( قد تتغير مع ارتفاع مبيعات موديل 2016) و عدم توافر قطع الغيار في السوق خارج الوكيل

2) السياز: اوبشنز كتير و سعر مناسب (من الوكيل 128000) بس المعارض عاملة اوفر برايس عالي حدا ( السعر اقترب من 150000 )نتيجة نقص السيارة في السوق مع زيادة الطلب مما يسهل في عملية اعادة البيع. العيب: تقفيل و صاج لا يقارن بالتوليدو و سعر مبالغ فيه من المعارض و لو هاتشتري من الوكيل يبقى انتظار لا يقل عن 9 شهور و لسه قطع الغيار لم تتوفر بالشكل الكافي خارج الوكيل

3) البيجو: اوبشنز محترمة و سعر مناسب و انتشار لا باس به. العيب : ناس كتير بتتكلم عن عيب في الفرامل و لكن عن تجربة شخصية مع احد افراد العائلة لا يوجد شكوى من الفرامل

4) التويوتا: اعتقد بعد زيادة الاسعار الجديدة انها خرجت من هذه المقارنة

رايي الشخصي: لو اعادة البيع مش عامل مؤثر في اختيارك يبقى اشتري توليدو مع التعاقد على تغطية تامينية مناسبة ... لو اعادة البيع عامل مهم يبقى البيجو 301 .... و تبقى السياز تحت المراقبة لحين توافرها بالاسواق مرة اخرى

**Fawzy.Abdelnour** · 18-10-2015 10:10 AM

اول حاجه هستبعد السياز و الياريس.
الياريس محترمه جدا, بس فقيره جدا.
السياز توكيلها من اسوأ توكيلات مصر, و معمول له قضية غش تجاري عشان قطع غيار مضروبه و بيركبها علي انها اصلي.

يفضل الشارك و التوليدو.
مراتي معاها توليدو 2015, العربيه حلوه.
فيتيس مش DSG, اللي راكب فيها اسمه TipTronic.
اتغير الموتور و الفيتيس في 2016, بس مش DSG
عفشتها ناشفه شويه الصراحه.
اعتماديه لسه مش عارف عشان لسه جديده فالسوق.
شنطه واسعه جدا

الشارك.
انا عن نفسي هشتري شارك قريب ان شاء الله.
فى فئات كتير قوي منها, هتستغني عن شوية اوبشنز موجوده فالتوليدو لو اخرك 150.000
شنطه ضيقه.
قطع غيار موجوده في كل حته و استيراد مغرق البلد, قطع الغيار الاصلي غاليه زي اي اصلي تانيه.
اعتماديه عاليه جدا طبعا.
عفشتها انعم شويه, بس الاتنين هيبقو انعم لما تغير كاوتش, الاتنين بيتزلو دنلوب, كاوتشه ناشفه الصراحه, لدرجة اني بفكر اغيرها من دلوقتي.
155.000 ممكن يبقي فيها 2 ايرباج, جنوط, ABS خليجي.
151.000 هتبفي ايرباج واحده, ABS
في ارخص فالتوكيل بس هتستني كذا شهر, و السعر هيتغير ساعة الاستلام, و طبعا الدولار هيخرب الدنيا فالفتره دي.

**scientist9508** · 18-10-2015 08:19 PM

بسم الله الرحمن الرحيم

أخى الفاضل

التوليدو أفضل إختيار لك . . و إننى أظن أنك لو أضعت هذه الفرصه لإمتلاك التوليدو ستندم . . لقد أجريت بحث طويل على نقطة الفيتيس ال dsg و أيضآ المحرك و ثبت لى بالأدله أن الفيتيس ليس dsg و المحرك ليس turbo . . لا تترد كثيرآ . . إستخير و توكل على الله

هداك الله لأرشد أمرك و أقومه

السلام عليكم و رحمة الله و بركاته

**Copacapana** · 20-10-2015 02:28 AM

انا هتكلم عن السيارة بتاعتى وهى ياريس 2015
انا اشتريتها فى السعودية وهى فى مستويات الامان و الثبات و القوة و المتانة وحتى تلقى الصدمات يعنى انا تعرضت لصدمة من سيارة دفع رباعى واصبت بصدمة بسيطة بمقياس حجم الاصطدام
بالنسبة للأوبشنز هى مشكلتها ان مفيش مثبت سرعة او فتحة سقف انما فى ايرا باج 2 و فيها يو اس بى وحساسات و زجاج كهرباء و مرايات كهرباء قابلة للطوى و الانتيريور بتاعها من الداخل جميل و كذلك المقاعد و والتصميم الخارجى قريب جدا من الكورولا 2015 ..جربتها على الطريق السريع 300 متر رايح جاى 3 مرات كانت مريحة وكويسة جدا و كنت بمشى على 170 محستش انها خفيفة او مفهاش ثبات ..
معروف عنها انها بتعمر و بتستحمل جدا و مع الزمن مش بتتعب ودا سر من اسرار تويوتا ...
عيوبها وجود فقر نسبى فى الاوبشنز زى وجود تحكم فى اضاءة الكشافات و فتحة السقف و مثبت السرعة
واطية شوية و بتحتاج حرص فى التعامل مع المطبات , حجم الجنوط مقاس 14 صغير مقارنة بحجم السيارة و كان الافضل تكون 15 او 16 ... اخيرا سعرها كان ينبغى يكون اقل شوية لكن تويوتا بتعمل اعتبار لإسمها فى السوق ...
دا وجهة نظرى فى اليارس من خلال التجربة واترك الحكم لك فى النهاية وربنا يوفقك للإختيار الصحيح