الموضوع: ابيزا ٢٠٠٨ كرهتها وكرهت كل المستعمل

معلش. انتي بس حاولي تروحي كهربائي كويس يشيك علي العربية
والموضوع دا حيحتاج تجربة. يعني مش حد حيبص في العربية حيعرف علطول العيب.
خلي عندك صبر لاني بشوف التوكيلات نفسهم بتجننهم مشاكل زي دي وبيفضلوا يجربوا.
تخيلي بقى حضرتك اشتريتي عربية زيرو وطلع فيهامشكلة بسيطة زي دي والتوكيل كل شوية يجرب حاجة لحد ما يحل المشكلة.
عموما ياريت تشيلي كابل البطارية لما تركني العربية وتشوفي الصبح البطارية نامت ولا لا؟

- عند أى واحد كهربائى وأنتى واقفه، خليه يشوفلك شحن الدينامو.

- بيشحن البطاريه ولا لاء.

- فى مشاكل يتصلح وتتحط البطاريه على تونجر الشحن.

- لو تعرفى صاحب العربيه القديم. أسأليه عن عمر البطاريه؟؟؟؟

- لو أنا منك مفرطش فيها أبداً.

من الواضح انهم بيستغلوا حضرتك ، مستحيل عربية الماني ٢٠٠٨ تفتح بقها الا لو عاملة حادث ، حضرتك ممكن تيجي علي نفسك مرة و تلميها في التوكيل و بعدين في مراكز اسعرها معقولة للصيانة الدورية ذي فاج استورز ، و الصيانة الدورية ديه اساسي عشان العربية لو هنتها هتهينك .

صديق لي معاه سيينا ٢٠٠٤ و مشاء زيرو عمروا ما اشتكي بسبب الصيانة الدورية .

فالحل انك تروحي لمكانيكي شاطر ، مش عن تجربة بس هو عندوا ضغط جامد و هو متخصص في فولكس و سيات ، مكانيكي و كهربائي علي ناصية شارع جسر السويس مع شارع سنان باشا المؤدي لكتدرائية السيدة العذراء في حي حدائق الزيتون ، المكان سهل و كويس مناسب لسيدة ، و الراجل عليه ضغط شغل عربيات قديم و جديد بس متعملتش معاه عشان انا بعمل الصيانات فالواكيل