,اياك تسيب الشغلانه لميكانيكي غبي اللي بيغير جوان في ليله ويقلب.هتتفتح تاني وهتطر تغير متور في الاخر
طلع وش السلندر للخراط.يتشاف دلايل وجلد وتقفيع وشروخ
طرمبة الميه لو جابت ميت الف تتغير.
في هنا حاجه مهمه ,ايه اللي خلي العربيه تسخن من اساسو
عرض للطباعة
,اياك تسيب الشغلانه لميكانيكي غبي اللي بيغير جوان في ليله ويقلب.هتتفتح تاني وهتطر تغير متور في الاخر
طلع وش السلندر للخراط.يتشاف دلايل وجلد وتقفيع وشروخ
طرمبة الميه لو جابت ميت الف تتغير.
في هنا حاجه مهمه ,ايه اللي خلي العربيه تسخن من اساسو
عندك حق والله لازم اشيك عليها عند الخراط هو الوش لو مقفع او فيه مشكله ممكن يمسحها ويعالجها ؟
ممكن اغير طرمبة المياه بعدين لانها مش متوفرة عندى دلوقتى ولازم انزلها مشوار اعتقد هتتغير بعد كده من غير مافك الموتور صح؟
القصة ان العربية اصلا كانت من فترة بتنقص مياه على طول بكميه وغيرتلها شجرة المياه بس فضلت تنقص برده فكنت بزودها مياه من الحنفيه
لكن اخر مره كنت راجع من مشوار فسخنت والمؤشر كان قرب يوصل للمنطقة الحمراء وقفت وفتحت الكبوت ملقتش المروحة شغالة
وقربة المياه انفجرت فيا وغرقت الموتور مياه ومن بعدها وانا راجع ابتدى يخرج الدخان الابيض والعربية تبرجل
المسح بحدود ، ليك 0.2 مم بين الوش والبلوك ، البلوك لازم
بتقاس بردك ، لو التففيع اتعدي لازم الوش بتغير
ومتصدقش اللي يقولك جوانين وجوان جرنجريت
كل دا بيضرب بعدين. طرمبه الميه ممكن بتدور م التقسيمه
فبدل ما تحل مرتين كلو مره واحده.
حلو انك عارف السخونيه منين ، يبا تنك وراهم
التسريب والمروحه.شوف ،الشغلانه دي عليها هيتحدد
مستقبل المتور دا.
تمام يا باشا لازم دورة التبريد تتظبط تانى
المهم دلوقتى ان مكان المخرطة (المقشطة) بعيد عن الميكانيكى بحوالى 30 كيلو يعنى هاخد وش السلندر
واروح اشيك عليه وممكن يمسحه لكن البلوك نفسه هاخده المخرطه ازاى ده عاوز عربية نقل على كده
وياريت لو تدينى رقم تليفونك فى رسالة تبقى خدمتنى
كان نفسي اطمنك
بس ده شكله جوان وش سلندر ان لم يكن وش السلندر نفسه
فرصة لما تفك خلي الميكانيكي يعمل روديه لوش السلندرو التشيك علي الصبابات و ياريت تعملغسيل لدورة المياه التبريد للمحرك وتحط مياة خضراء
انصحك تخلى كهربائى يراجع على توصيلات دايرة التبريد خصوصاً المروحة واشك ان فيها قافلة سببت ان المروحة متشتغلش لأنها حصلت معايا قبل كده ..!!
بص يا فندم نصيحه بنصحك بيها و عن تجربه شخصيه مافيش خراط هايقشط لك الوش صح 100/100 زي الالماني هايقشطه و هاتروح تركب الجوان و هاتمشي بالعربيه شويه و هاتضرب تاني لأن الاساس ف الخراط اللي هايشيل من الوش و المواتير بتاعتنا دي لما بتجيب جوان فالنصيحه بتبقا هات بلوكه افضل و سقطها و اشتري دماغك و قبل كل شئ لازم تشوف موضوع الميه اللي بتنقص دي ممكن تكون كوعه مشروخه ممكن شجرة الميه مكسوره زود القربه وماتمشيش م عند الميكانيكي الا لما تشوف الميه بتنقص منين ممكن الريداتير مشروخ و بينزل الميه ع جدار الريدياتير و عشان كدا مش بتشوفها تنزل ع الارض و و يالنسبه للمروحه شوف الفيوز ممكن يكون محروق و بالنسبه للميكانيكي و دي أكبر نصيحه ليك أهم حاجه الميكانيكي اللي بيفهم ف الالماني مش اي ميكانيكي بيشتغل ف العربيات دي لأنه لو فاهم هو هايعملك الصح و مش هايمشيك الا مايضبط العربيه و هايضبطها و هو مغمض عينه و دي اهم نقطه بنصحك بيها تاني
حاجه تالته الاخ اللي بيقولك حط ميه خضرا الكلام دا مش حقيقي خالص الميه الخضرا للأسف اللي موجود ف السوق مغشوشه و دي نصيحه للأصدقاء اللي بيحطوا ميه خضرا لعربياتهم هات الغالي منها المستورد لو لقيت و بالنسبه لعربياتنا دي بيتحط لها ميه حمرا ألماني إسمها هيبو الزجاجه بتعمل 85 ج و بتكمل بزجاجه ميه مقطره و امشي يا باشا و لا يهمك بقا بس قبل ماتحطها تعمل غسيل لدورة الميه و الريداتير عشان الزيت اللي نزل ف دوره الميه و بعد كدا تجيب له ازازه الميه الهيبو و ربنا معاك و يسترها معانا جميعا