انفجار غطا قربة المياة

**Mesho Ibiza** · 10-10-2015 04:22 AM

حصلتلى مشكلة وانا راجع من سفر حرارة الموتور عليت
والمؤشر قرب يوصل للعلامة الحمراء فوقفت عشان افتح القربة وازودها الغطا انفجر من شدة الضغط واتكسر

والمياه كانت زى النافورة وبتغلى واتلسعت منها والموتور اتغرق مياه وجيت ادور مرضتش تدور الا بعد محاولات كتير
وفضلت تقطع وبعد شوية الشكمان طلع دخان كثيف طول منا ماشى والموتور بقى ملخبط وبيفصل
ياريت حد يطمنى ايه ممكن تكون مشكلة التقطيع فى الموتور والدخان الكثيف لحد اما اروح لميكانيكى
ومحتاج غطا قربة مياه لو حد ممكن يساعدنى يبقى مشكوووور وجراه الله خير

**mohamedbook** · 10-10-2015 07:32 AM

وضع طبيعي ان الغطي فية مشكلة واعتقد انه معملش كده منة لنفسة اعتقد ان العربية سخنت منك ابل كده وده بياثر علي الغطاء ومع مرور الوقت الغطا الي بيكون اسفل اغطاء بيكون اتهري وطبعا بيكوون فية هواء مع دورة المياه وبالتالي هتسخن العربية ويحصل مشاكل
حلها انك تغير الغطا وكل حاجة هترجع لطبيعنها
المشكلة هلكها من الغطاء بتاع القربة
واعرف سبب السخونة ايه ممكن ميكنش من الغطاء اكشف علي ثرموثتات المياة ممكن يكون خلاث باظ وبوظانة ممكن يقفل معاك وميوصلش دورة المياة كاملة

**Mecha** · 10-10-2015 07:36 AM

جابت وش سلندر

**Mesho Ibiza** · 10-10-2015 11:58 AM

المشاركة الأصلية كتبت بواسطة mecha

جابت وش سلندر

ممكن تفهمنى السبب ايه وايه اللى خلاك متاكد انه وش سلندر ممكن يكون جوان او كده
وشكرا جزيلا لمساعدة

**mohamedbook** · 10-10-2015 11:58 AM

المشاركة الأصلية كتبت بواسطة mecha

جابت وش سلندر

الراجل بيقول انه دورها بعد كده ومشي بيها مشي بيها من غطاء قربة المياة يعني مش تمام العاربية
اعتقد الجوان سليم ان شاء الله يكون غطاء بس

**Mecha** · 10-10-2015 12:14 PM

التقطيع والتبطيل ودخنه الشوكمان ، وبرجلة المكنه
كل دي اعراض بعد اللي حصل، المقصود بوش السلندر هو الاساس
الجوان كدا كدا هيتغير لكن الاهم الوش ميكنش اتشرخ او قفع
ياريت تكون بس حتة غطا، هتحط غطا جديد في جميع
الاحوال

**zokazok** · 10-10-2015 12:35 PM

أنا مش عايز أفول عليك بس إعتقادي الشخصي إن العربيه جابت معاك جوان وش سلندر لأن الدخنه البيضه و غربلة الموتور و مشيك بقربه مفتوحه و تزويد ميه ف القربه و العربيه ساخنه و سخونه الموتور لحد ماوصل المؤشر لل دينجر ذون أو للعلامه الحمرا فا دي كلها مؤشرات تدل ع ان العربيه جابت معاك وش سلندر و أنا أتمني م ربنا أكون خاطئ ف تفسيري و ربنا يسترها معانا جميعا

**محمود الريدي** · 10-10-2015 12:39 PM

يجب ان تكون دورة التبريد محكمة ونظيفة
حتي تعمل بكفائة عالية وكما للصيانة الدورية دور هام ومباشر علي هذة الدورة بالتحديد والأجزاء المحتمل تغيرها:-
الثرموثتات- موتور المروحة الكهربية - غطاء الرداتير - صباع حرارة-
– طرمبة المياة
الكشف عن تسربات مياه:
نوصل جهاز أحكام دورة التبريد ونلاحظ وجود أي تسريب
فمعني ذلك ان هناك عيب داخلي بسبب الاتي:
أعوجاج غطاء وش السلندر
أو وجود شرخ في وش السلندر
أو وجود شرخ في الفارغة نفسها ( البلوك) لاقدر الله
ولاختبار ذلك نختبر لون الزيت
اذا كان تسرب الماء كبير فان لون الزيت سوف يشبة الطحينة(بني فاتح)
اذا كان تسرب الماء قليل-فيمكن نثر بعض قطرات علي فرن الحر وسوف
نسمع صوت (طشة) يشبة سقوط الماء في الزيت المقدوح .
ومن الممكن استخدام جهاز تحليل غازات العادم والذي يمكنا من التحري من وجود ابخرة زيت مع بخار الماء ام لا (وذلك بوضعة فوق فتحة القربة)
نصيحة : يجب استخدام ماء مبرد ذو نوعية عالية الجودة-ونتجنب الانواع قليلة الجودة – حيث الانواع قليلة الجودة تسبب تأكل في دورة التبريد وخصوصا يصيب طرمبة المياة او يحدث تأكل في ريش الطرمبة نفسها مما يققل فعاليتها.
كما أن محركات الحديد يجب إستعمال ماء لدييتر أخضر لها
والمحركات الألمنيوم يجب إستعمل ماء أصفر / أحمر / أزرق .
نصيحة: هناك ما يعرف بطبب المحرك وهي مصنوعة من النحاس- لابد من تغيرها بعد 10 سنوات من عمر السيارة لانة غالبا هذا هو العمر الافتراضي لها.
وبهذا اكون وضحت بعض اسباب ارتفاع حرارة السيارة وعلاجها

**mario_9111** · 10-10-2015 09:02 PM

ربنا يعينك وان شاء الله تكون بسيطه

**Mesho Ibiza** · 11-10-2015 01:06 AM

بشكر كل واحد شارك فى الموضوع
فعلا الميكانيكى اول ماشاف الدخنه البيضاء قالى هاتلى جوان وش سلندر
نزلت التوفيقية جبت جوان وش سلندر اسبانى اصلى glaser سعره 70 جنيه
ياريت تفيدونى ايه اللى الميكانيكى هيعمله فى الموتور بالتفصيل
عشان مينساش حاجه وارجع اندم عليها
وايه ممكن اشيك عليه واغيره بالمره والموتور مفكوك
يعنى ممكن مثلا اشيك عالصبابات وطرمبة المايه والتاكيهات ....الخ
ساعدونى جزاكم الله خير

الموضوع: انفجار غطا قربة المياة

LinkBack

أدوات الموضوع

عرض

انفجار غطا قربة المياة - انشر الموضوع فى :

-

-

-

-

-

-

-

المواضيع المتشابهه

غطاء قربة المياة

قربة المياة

استفسار فى قربة المياة

قربة المياة

الكلمات الدلالية لهذا الموضوع

المفضلات

المفضلات

ضوابط المشاركة