الموضوع: ارتفاع جنونى فى الدولار

المشاركة الأصلية كتبت بواسطة hilal

ربنا يستر
المرحلة الحالية كانت تتطلب فريق عمل اقتصادي
ولكني فوجئت بإقالة مهندس وتعيين مهندس لرئاسة الحكومة
مع كامل احترامي للمهندسين ولكن الاقتصاد شيء مختلف تماما

وزارة الكهربا : لازم مهندس كهرباء
وزارة الاتصالات : لازم مهندس اتصالات
وزارة الرى : لازم مهندس مدنى
وزارة البترول : لازم مهندس بترول
وزارة الاسكان : لازم مهندس مدنى
وزارة الصناعة : لازم مهندس و يفضل ميكانيكا
وزارة الانتاج الحربى : لازم مهندس فنية عسكرية
وزارة البيئة:لازم مهندس و يفضل كيمياء

يتبقى الوزارات التى يقال عليها سيادية (جيش - شرطة - قضاء) و ووزارت أخرى لهم باقى نسبة المشاركة فى الاقتصاد

المشاركة الأصلية كتبت بواسطة 3adelnor3

مصر مرت من الاسوء من كدا , والاحتياطي نزل لاقل من المستوي دا قبل كدا ,انت عندك خبراء اقتصاد محترمين واحنا معلش مهما كنا عندنا خبرات او عندنا فكرة عن الاقتصاد مش حنبقي زي اللي ماسكيين السياسة النقدية والبنك المركزي ,فموضوع اصل دول لو عملوا كدا ودول مبيفهمش دا كلام قهاوي .
الناس دي قدراتها عالية , والبنك المركزي المصري من اقوي المؤسسات في مصر واللي جواه مش اطفال ولا قاعدين علي الفيس ولا منتدي وبيفتوا , لا الناس دي دارسة وعارفه هي بتعمل ايه
يكفي انك دولة رغم كل الازمات الحالية وبتسدد التلزماتها الدولية والمحلية من الديون والسندات اللي بتطرحها , دا اليونان مبتعملش كدا يا محترم

باختصار الدولار حيعلي بس برضوا مصر مش حتقع

اكيد مصر لن تسقط ولن تقع , واكيد ايضا لا أحد هنا يفتى او حتى يقدم حلول , بالنسبة لى مثلا انا طبيب يعنى بعيد عن الاقتصاد بس ده مش معناه اجمد عقلى و مفكرش ولو حضرتك لاحظت انى فقط جمعت عدة اخبار اقتصادية متفرقة ولما تجمعها مع بعض ممكن تعطيك صورة اكثر وضوحا و غنى عن الكلام طرح مشكلة لا يعنى الهجوم او الشماتة على العكس تماما طرح مشكلة ما هو بداية الحل وكما ذكرت حضرتك الحلول مش من النت و المنتديات بس كما سبق و قلت محاولة للتفكير و ازالة الصدأ من تلافيف المخ مع خالص تحياتى

المشاركة الأصلية كتبت بواسطة م أحمد

وزارة الكهربا : لازم مهندس كهرباء
وزارة الاتصالات : لازم مهندس اتصالات
وزارة الرى : لازم مهندس مدنى
وزارة البترول : لازم مهندس بترول
وزارة الاسكان : لازم مهندس مدنى
وزارة الصناعة : لازم مهندس و يفضل ميكانيكا
وزارة الانتاج الحربى : لازم مهندس فنية عسكرية
وزارة البيئة:لازم مهندس و يفضل كيمياء

يتبقى الوزارات التى يقال عليها سيادية (جيش - شرطة - قضاء) و ووزارت أخرى لهم باقى نسبة المشاركة فى الاقتصاد

اتفق مع د هلال و أزيد ان الدور الاساسى للوزير ليس دورا لوجستيا او كما يقال من التكنوقراط و لكن الدور الرئيس للوزير هو وضع السياسة العامة للوزارة و تطبيقها على الواقع ولهذا نجد بالخارج الوزير لا يمت بالمرة لنشاط وزارته لانه معنى اكثر بسياسة الوزارة وليس بالتفاصيل الممكن بحثها بالمتخصصين كل فى مجاله . مع خالص تحياتى

المشاركة الأصلية كتبت بواسطة ali ashraf

اكيد مصر لن تسقط ولن تقع , واكيد ايضا لا أحد هنا يفتى او حتى يقدم حلول , بالنسبة لى مثلا انا طبيب يعنى بعيد عن الاقتصاد بس ده مش معناه اجمد عقلى و مفكرش ولو حضرتك لاحظت انى فقط جمعت عدة اخبار اقتصادية متفرقة ولما تجمعها مع بعض ممكن تعطيك صورة اكثر وضوحا و غنى عن الكلام طرح مشكلة لا يعنى الهجوم او الشماتة على العكس تماما طرح مشكلة ما هو بداية الحل وكما ذكرت حضرتك الحلول مش من النت و المنتديات بس كما سبق و قلت محاولة للتفكير و ازالة الصدأ من تلافيف المخ مع خالص تحياتى

انا عارف يا دكتور هدفك ولكن للاسف في ناس ليها توجهه سياسي معين ومبتصدق تلاقي مشكلة علشان تعملها مصيبة وتتاجر بيها وتنشر الاشاعات بهدف اسقاط الدولة
تقبل ودي

المشاركة الأصلية كتبت بواسطة hilal

أخي الباشمهندس أحمد
لا اقصد الاساءة مطلقا لمهنة الهندسة المحترمة التي انجبت مهندسين عظام مثل المهندس عزيز صدقي ابو الصناعة المصرية بحق ، ولكني اقصد ان الظروف الاستثنائية التي تمر بها البلد حاليا تتطلب فريق عمل متكامل من اصحاب الرؤية والخبرة الاقتصادية ، ومازلت أتذكر أن حسني مبارك بدأ حكمه بعقد مؤتمر اقتصادي حقيقي لحل مشاكل البلد من اصحاب الخبرة .
تحياتي واحترامي لسيادتك

انا كنت بهزر و بالطبع متفهم كلام حضرتك بالطبع .. و كمان متفق معاه ... بس ده مظهر بسيط للتعصب ... فانا حبيت اظهر لحضرتك ان فيه تعصب لمجرد اللقب ... و ده انا شفته فى حاجات كتير فى الحياة .. ربنا يحمينا من التحيز و الميل القلبى

انا معنديش مانع يجيبوا اى حد .. بس يدينا حلول واقعية و منطقية و تتنفز

تحياتى و احترامى لحضرتك

عزيزى الدكتور على ....

افضل حكم على اى منظومة تتم عن طريق الحكم على المنتج النهائى للمنظومة دى .... ما عدا ذلك فهو تكهنات و نظريات و استنتاجات

كل الموضوع .... اننا من المشاهدات و القياس ممكن نتكهن بما يمكن ان يحدث فى المستقبل ... و الله وحده هو العالم ..... من الاخر علشان الكلام المجعلص الى كتبته ده !!!!

حضرتك كمواطن ... من الممكن ان تشعر بالتغيير فى الخدمات المقدمة من الحكومة .... و كمان بالاسعار ..

فيه افكار و قرارات كتيرة موجودة و المفروض انها بتتطبق .... و مش شايفين ليها اى تأثير
و احنا اتكلمنا من فترة على قرار البنك المركزى بتاع الحد الاقصى للايداع اليومى من الدولار ... و ان ده قرار كويس على المدى القصير .... و لكن مش حينفع على المدى الطويل .. و لازم من وجود قرارات تانية لحب المشكلة على المدى الطويل ...

و على المستوى الشخصى ... فيه بعض قطع الغيار بدأت تختفى من السوق .... و بالطبع قبل ما تختفى سعرها بيزيد ... و اذا تواجدت فى السوق مرة اخرى ... بتظهر بسعر مرتفع .... ده رأيى الشخصى بناء على بعض الملاحظات ... و لا اعمم هذا الرأى

تقبل احترامى و متابع معاك

امريكا هي اللي بتعلي قيمه الدولار متعمده علشان تضرب السيسي
بس الشعب المصري بيايده وهيمشي وراه
تحيا مصر
عاشت حره مستقلة