عربيه ممتازه لانها من نيسان
اشتريت الصنى 2008 اول دفعه تجميع محلى وكان كل الناس بيقولوا كلام كتير لكن بعد مرور 7 سنين عليها الحمد لله عمرها مازعلتنى
عرض للطباعة
عربيه ممتازه لانها من نيسان
اشتريت الصنى 2008 اول دفعه تجميع محلى وكان كل الناس بيقولوا كلام كتير لكن بعد مرور 7 سنين عليها الحمد لله عمرها مازعلتنى
انا رحت اتفرجت علي العربية دي عند احمد مرعي برضو علشان بدأت افكر فيها بعد الغلو الفاحش في اسعار رينو الفلونس و الكيا في الشهور اللي فاتوا و انا بدور على عربية عائلية كبيرة و مريحة في السفر.
طبعا انا رايح وعارف ان توكيل نيسان سمعته اكيد انتوا عارفين
تقيمي للعربية و انا بقارنها بالفلونس هاي لاين و الاوبل استرا وكنت اتفرجت على شوية فيديهات و الصور للفئة الهاي لاين اللي بتنزل في الخليج اقبل ما انزل و اشوف بقى التوكيل حارمنا من ايه- التقفيل الداخلي و الخارجي و الماكينة جيد جدا بالنسبة للفئة دي وبالنسبة لشعبنا العريق في الصناعة طبعا- الصالون واسع من الخلف و الامام وبرح يحسسك انه فاخر و اماكن التخزين معقولة ووضعية القيادة رائعة بالنسبة للفئة دي- شكل العربية من بره جميل و الاضاءة ليدات و يديك احساس بروح عربيات نيسان الاعلي (الالتيما و الماكسيما) و كمان الانفنتي- فكرة (Start Engine) تطعيم الخشب جميل- التكيف تاتش و (Dual zone)و كمان للمنطقة الخلفية غير التيلاندي اللي نزلت في الاول كان بكر زي ما شوفت- العربية شكلها ماسكة نفسها مش هافئة يعني و عالية عن الارض- عوامل امان جيدة جدا- شنطة العربية كبيرة و العربية عالية من الارض صحيح مش زي اللوجانتفتقر الي الاتي (بالنسبة لاحتياجاتي)- (cruise control)- شاشة تاتش مع (GPS) ومخارج (USB)- مافيش (manual shifts) في الفتيس الاتوماتيك- مافيش (Parking sensors)- من الاخر مافيش دلع كتير كده زي الكيا سيراتو مثلا- العفشة الخلفية (Torsion Beam)سعرها حلو جدا لو فضلت كده لانها كانت السنة اللي فاتت التيلاندي ب 175000الحجز 10000 و لستلام بعد 5 شهور !!!!!!المصرية قالي شيل ب 165000 !!!!!وانا في المصرية اعدت اقارن على الواقف كده بينها و بين اللي في نفس الفئة السعرية (اكسنت و الالنترا – ريو و سيراتو – كروز – لانسر و حتى لوجان الجديدة ) شايف لو سعرها فضل كده و التوكيا احترم نفسه شوية حاتكون منافس محترم في السوقده تقيمي المبدئي مع العلم انى عموما مش بميل للياباني الصغير و لا الكوري
شكلها حلو .. بس يا ترى ماذا عن التقفيل المصري ؟
الأيام القادمة ستكشف عيوب السيارة ؟
أنا لا أثق في التقفيل المصري !!
تقريير مصور عن السنترا المصري 2016
الجزء الاول
[youtube]http://www.youtube.com/watch?v=MCW6GRVni1A[/youtube]
[youtube]http://www.youtube.com/watch?v=aQj2_kw0UQQ[/youtube]
و لا تسوي !!! عربية تفقيلها ردىء و منظر الصالون يسد النفس !! خامات الصني الشكل القديم !! أنا لو معي 165 ألف أحطهم في رينو فلوينس ولا سيات توليدو عربيات محترمة من مصانع محترمة !!!
مع احترامي لراي حضرتك بس ده تضليل شديد لعدم رؤيه العربيه من اساسه..لو شفتها حقيقي ولمست خاماتها بايدك حتعرف انا بتكلم على ايه.مافيش ولا عربيه في السوق خاماتها بجوده السنترا والعربيتين اللي بتقارنهم بيها مايجوش جنب خاماتها حتى ولا من قريب.ممكن تكون ركبت الصني انما لا يمكن حتى تكون جيت جنب السنترا لو حضرتك مقتنع باللي بتقوله ده.السنترا دي افضل خامات في سعرها وافضل اوبشن مقابل السعر وخيرا فعلت نيسان مصر لما استخدمت كل الخامات المستورده ومحطتش فيها منتج محلي الا زجاج د.جريش واسفنج...فقط اسفنج موبيكا..اما الباقي فكله مستورد زي السنترا اللي في الخليج واظن ما ينفعش في الخليج تقارن بين مبيعاتها ومبيعات العربيات اللي حضرتك ذكرتهم دول :)
السنترا دي تم طرحها في السوق المصري بقالها أكثر من سنة تقدر حضرتك تقولي علمت مبيعات كام وحدة مقارنه بعربيات تانية في نفس الفئة ؟؟؟و بعدين تضليل أية اللي حضرتك بتقول أية ؟؟؟ مش نيسان دي نزلت عربية نيسان صني الجديدة بعيوب قاتلة في الفرامل و أتعمل لها تحويل للنيابة من طرف جهاز حماية المستهلك ؟؟ يبقي من بيضلل أنا و لا الشركة ؟؟؟؟ ثم أنا ركبت العربية و شوفتها أكثر من مرة و تقييمي لها أنها عربية لا تساوى أكثر من 130-140 بالكثير !! و مستوى الخامات رديء !! الأبنوس دا حتة بلاستيك و اللة ما أخده و أحطه في عربيتى ببلاش !!! الكراسي مش مريحة و ناشفة - موبيكا زي ما أنت قلت !!!
عموما السوق موجود و المنافسة موجودة و بقي الأيام تقول أذا كانت حتقق معبيات و لا تحصل النسخة التايلاندية بتاعتها !!! و كل واحد حر في رأيه أنا رأيي في حاجات أنضف و أحسن في نفس السعر !!!
فعلا زى ما حضرتك بتقول, السوق موجود, والمنافسه موجوده
عموما مصنع تجميع نيسان فى مصر جمع :
1- صنى الشكل القديم ونجحت
2- جمع صنى الشكل الجديد وناجحه (نيسان صنى حصلت على 24% من مابيعات السوق المصرى)
العيوب القاتله فالفرامل دى معلومه غير صحيحه, فعلا انا قريت كتير على النت عن شكاوى من الفرامل, مش قادر اجزم انها 100% حقيقه
انا معايا صنى واعرف 8 اشخاص مقربين معاهم نفس الموديل عاملين كم متفاوت من 55الف الى 7الاف كم, محدش منهم اشتكى من الفرامل (انا واحد منهم), انا مش بنكر ان فى شكوى من الفرامل لكن مبصدقش كل حاجه مكتوبه على النت.
3-وبتجمع سينترا (اعتقد هتنجح)
السينترا منافس شرس لعربيات كتير, ارتفاع اسعار العربيات حاليا فى مصلحه السينترا
المصنع هينتج 2000 عربيه حتى نهايه مارس 2016, يعنى بمعدل 10 عربيات فاليوم
السوق والمشترى ليهم كلمه............ خلينا ننتظر ونشوف السوق ريح على فين
معلش كنت عايز اسأل ملاك العربية عن ثباتها بمعنى
هل العربية خفيفة عالطريق ( في السفر )
و لو عدى جنبك اتوبيس او لوري بتعوم ( الهزة الخفيفة
اللعي كلنا عافينها )
انا العربية اتفرجت عليها و عجباني جدا بس الكلام عن
ثبات اي عربية يقلق