هل اسعار المستعمل نازلة فعلا اليومين دول ؟

**gade2** · 21-11-2008 09:34 PM

دور من دلوقتى على حاله نضيفه ومتنساش تستخير

**Ghamrawy** · 22-11-2008 01:26 AM

الموضوع محير فعلا !!!! تسمع كلام الشارع (السماسرة و التجار اللى بيبيعوا المستعمل و المعارض الصغيرة) تستغرب !! و كلهم بيقولوا ان عندنا عربيات بقالها شهر ما اتحركتش من مكانها و اللى يقولى تعالى عندى اوبترا 2007 عاملة 15000 كيلو و علشانك ب 62 الف ! حاجة تانية و منظر غريب أول مرة اشوفه فى الطارق فى سيتى سنتر اسكندرية،النهارده الجمعة و المعرض بينش! فاضى! مهجور ! يوم الجمعة ازحم يوم فى الاسبوع و المعرض فاضى !
و من الناحية التانية تبص فى الجرايد تلاقى اللى بيقولك ان الاسعار مش حاتنزل و حاتزيد علشان مصانع العربيات حاتخفض الانتاج و حاترفع الاسعار لتعويض الخسارة !
فين الحقيقة،الله وحده أعلم

**mosayed** · 22-11-2008 01:52 AM

المشاركة الأصلية كتبت بواسطة AHMED900

النهاردة في محلق السيارات فوجئت بالأسعار واللي تعتبر نزلت بشكل كبير

من الامثلة اوكتافيا هاف إليجانس بقت ب 155 وانا فاكر إنها كانت ب ميه حاجه وتمنانين

والاليجانس ب 170 ودي كانت معديه ال 190

واللانسر 1.6 بحاجه وتمانين ، واللانسر 1.3 بحاجه وستين

واللانسر 1.5 ستاندرد 99 ألف

ولسه

على فكرة الاسعار دى مش حقيقية دى جر رجل لو اتصلت بالمعارض دى او رحتلهم هتلاقى اسعار تانية خالص

**waleedrahmy** · 22-11-2008 09:27 AM

على فكرة الاسعار دى مش حقيقية دى جر رجل لو اتصلت بالمعارض دى او رحتلهم هتلاقى اسعار تانية خالص

100*100مضبوط

**Dr_Smart** · 22-11-2008 02:48 PM

الف شكر على كل الردود

انا لو اضمن ان سوق المستعمل هيفضل نايم لغاية شهر 2 هستنى مفيش مشاكل

بس انا خايف العملية تصحصح الفترة الجاية لأي ظروف بقى .. ماهو مفيش حاجة مضمونة

**وائل عطية** · 22-11-2008 02:54 PM

المشاركة الأصلية كتبت بواسطة gemino

و من الناحية التانية تبص فى الجرايد تلاقى اللى بيقولك ان الاسعار مش حاتنزل و حاتزيد علشان مصانع العربيات حاتخفض الانتاج و حاترفع الاسعار لتعويض الخسارة !
فين الحقيقة،الله وحده أعلم

لازم تتأكد إن المقالات المنشورة في ملاحق السيارات بتكون مدفوعة الأجر زي الإعلانات بالظبط..يبقى المفروض ماتاخدش معلومة من الجرنان بالتسليم إنها صحيحة أبداً لازم تشك فيها وتحاول توصل للصح

**dr.hany** · 22-11-2008 03:24 PM

,والله اللي يبص على سوق السيارات فى موقع مصراوى,يلاقى فعلا الاسعار فى النازل

**MOON5** · 22-11-2008 03:30 PM

الاسعار فعلا فى النازل للحديث والمستعمل ودا اخر خبر
طالب أعضاء مجلس إدارة شعبة السيارات الوكلاء بعدم الإسراف في استيراد كميات كبيرة من السيارات في ظل عدم استقرار الأسعار خلال هذه الفترة الحالية ووجود تراجع في بيع السيارات بنسبة 40%.

وطالب عفت عبد العاطي رئيس الشعبة البنوك بأن تعطي قروضا بضمانات لتنشيط سوق السيارت في مصر‏ ، كما طالب بأن تكون المعارض في مداخل ومخارج المناطق أو أطراف المدن أو المناطق الشهيرة والبعد عن المناطق الشعبية.وذلك حسبما جاء في صحيفة "الأهرام" يوم السبت.

‏جاء ذلك خلال اجتماع الشعبة برئاسة عبد العاطي لبحث مشكلات ركود السيارات ، وعدم استقرار الأسعار خلال هذه الفترة‏.

من جانبه ، قال وليد توفيق نائب رئيس الشعبة العامة للسيارات بالاتحاد العام للغرف التجارية إن الفترة المقبلة ستشهد انخفاض أسعار السيارات لأن أسعار الخامات انخفضت بشكل كبير بالإضافة إلى انخفاض أسعار البترول.

وحذر توفيق الوكلاء من استيراد كميات كبيرة في ظل الأزمة المالية العالمية الراهنة ، "حتى لا يحدث ركود في ظل انخفاض مبيعات السيارات في مصر‏".

كما طالب المجلس باستخراج التراخيص الخاصة بالمعارض على أن يتم تحديد المعرض بما لايقل عن‏60‏ مترا مربعا على أن يكون بين كل معرض وآخر مسافة لا تقل عن‏200‏ متر من جميع الجهات‏ ورأس مال المعرض مليون جنيه‏.