الموضوع: هل اسعار المستعمل نازلة فعلا اليومين دول ؟

النهاردة في محلق السيارات فوجئت بالأسعار واللي تعتبر نزلت بشكل كبير

من الامثلة اوكتافيا هاف إليجانس بقت ب 155 وانا فاكر إنها كانت ب ميه حاجه وتمنانين

والاليجانس ب 170 ودي كانت معديه ال 190

واللانسر 1.6 بحاجه وتمانين ، واللانسر 1.3 بحاجه وستين

واللانسر 1.5 ستاندرد 99 ألف

ولسه

فى كلام كتير فعلا على ان الاسعار نزلت وهتنزل
بس انا نفسى اعرف الفيرنا 1600 هاف عامله كام دلوقتى وهل رخصت ولا لا
ولما ترخص هتبقى فى حدود كام

الناس مش واخدة بالها ان العربية الصيني اللي هي بريليانس Frv اللي كانت نازلة ب 70000 زادت 5000 وبقت ب 75000
متخيلين بقي ان الياباني والامريكي ممكن يرخص؟

ممكن الاوروبي زي الفيات والاوبل بس اللي تمنه ينزل بس يا عيني النزول يادوب 2000 ل 4000 جنيه بالكتير اوي في العربية اللي تمنها 150 الف

الناس اللي متوقعة ان اسعار العربيات هتنزل في مصر - بيقارنو نفسهم بالسعودية اللي السعوديين كلهم قاعدين منتظرين انخفاض الاسعار 20% - ما يعرفوش ان اسعار السيارات اصلا في السعودية برخص التراب ولو كانت الاسعار هتنزل عندنا زي ما هتنزل في السعودية كان المفروض انها تكون عندنا زي عندهم من زمان
مش كدة برده ولا ايه؟

بصراحة شديدة وعارف ان كل اللي منتظرين الانخفاض هيزعلو مني الاسعار لن تنخفض في مصر وخليكو فاكرين كلامي ده لغاية شهر 2

ومش فاهم ليه كل سنة الاشاعة دي بتطلع في نفس التوقيت ليه وبتكون السبب في زيادة الاسعار وليس رخصها لان التجار بيعوضو خسارتهم اول السنة من الركود اللي كان في اخر السنة اللي قبليها

ومحدش عارف مين بيلعب علي مين :k38:

والاخ اللي عايز الرأي الامثل لو انت مش محتاج العربية ما تشتريش وزيك زي اي واحد ما عندوش عربية ومش عايز عربية
لكن لو انت محتاجها يبقي توكل علي الله واشتري لان الالفين او التلاتة اللي انت متخيل انك هتوفرهم هيدفعو في مواصلات وتاكسيات في الشهرين دول ده غير المرمطة طبعا

وربنا يوفق الكل