الف شكر يا شريف تعبتك معايا جدا وهى طلع عنوانها 16 شارع عكاشه فى الدقى هبقى اعدى عليهم بكره بإذن الله و اشوف ايه النظام
عرض للطباعة
الف شكر يا شريف تعبتك معايا جدا وهى طلع عنوانها 16 شارع عكاشه فى الدقى هبقى اعدى عليهم بكره بإذن الله و اشوف ايه النظام
أرجو يا مصطفى أن تكتب لنا عن محاولتك فى الهيئة و أخر ما وصلت إليه. و إذا كانت الخرائط الموجودة لديهم حديثة أم قديمة. طبعا عارف إن كل يومين ثلاثة فى تغيير فى شوارع المحروسة :2003126104835_wrc:
ممكن برضه تفكر في موضوع الـ Gps
مفيد جداً
تم بحمد الله انهارده روحت اشتريتها و تنبيه يا جماعه اللى هيروح يشتريها يكون مفضى نفسه 2 او 3 ساعات والله انهارده كرهت نفسى وكرهت اليوم اللى فكرت اشترى فيه خريطه انا كنت فاكر الموضوع كله هياخد 5 دقائق قعدت فيه من 12:15 خلصت 1:45 اولا روحت على المبنى اللى فى 16 شارع عكاشه فى الدقى طلع مش ده اللى بيبيع الخرايط قالولى المبنى بتاع بيع الخرايط قدام مديرية امن الجيزه طبعا انا كنت ركنت العربيه خلاص فأضطريت اخدها مشى وبعدين وصلت قلتلهم يا جماعه انا عاوز خريطه القاهره الكبرى الخاصه بالطرق قالولى ان فيه 2 فيه واحده اسمها القاهره 2006 و فيه القاهره 2008 المهم قالولى ان 2006 احسن من 2008 على حسب كلامهم المهم الاجراءات كالتالى هتروح تشترى استماره من هناك ب1جنيه وبعدين تقولها الخريطه اللى انت عاوزها بالنسبالى كانت(القاهرة 2006) وبعد كده تطلع على مكتب مدير ادارة بيع الخرائط اسمه استاذ حمدى وتخليه يمضيلك على الاستماره وبعد كده تطلع على الشباك اللى جنبه هناك فيه واحد اسمه عم سعد هياخد منك الاستماره وهيعد بعديها بتاع نص ساعه مختفى فى مخزن الخرايط جوه بعد كده يطلعلك ويقولك على سعر الخريطه وبكتبهولك على الاستماره ويقولك اطلع على الخزنه تدفع بعدين تجيله تانى تطلع على الخزنه تقعد هناك بتاع نص ساعه تانى وبعد كده ترجع على عم سعد تانى تديله الاستماره ووصل احمر بتاع الدفع و يقعد بتاع نص ساعه كمان و اخيرااااااااا يسلمك الخريطه بعد ما تكون كرهت نفسك وكرهت اليوم اللى فكرت تشترى فيه الخريطه ويمكن تفضل انك تفضل تايه علطول على انك تشترى الخريطه معلش يا شريف باشا انا طولت عليك بس اصلى اول مره اتعامل مع الروتين الحكومى فأنت عارف الصدمه لسه فى بدايتها لسه على ما اتعود المهم انا هحاول اعدى على زيروكس و اعمل scan للخريطه وابقى ارفعها على اى سايت رفع واحط اللينك هنا فى الموضوع
مبروووووووووووك يا درش........عقبال الgps
عزيزى مصطفى،
مرحبا بك فى عالم الروتين :k29:و البيروقراطية :k28: و بكده أثبت لنا إن لا ويب سايت و لا خدمات الكترونية نافعة. أنا قولت عاملين موقع الكترونى و خدمات يعنى دخلنا عصر المعلومات ... أتارى كنت بحلم حلم كبييييييييييييييييييير :k43:
المهم، مبروك على الخريطة و يا رب تكون مفيدة فعلا و تستاهل تعبك و مجهودك. و عايزين برده تقييم لها . و إذا عملت لها مسح ضوئى (scan) تبقى كده خليت الموضوع مكتمل و لك جزيل الشكر مسبقا.
دى خريطة القاهرة الكبرى .
كنت رفعتها من فترة:
http://rapidshare.com/files/126237251/Cairo-Map.jpg
ده الموقع الرسمى لمحافظة القاهرة و فيه خرائط للى عايز ...
الموقع الرسمى لمحافظة القاهرة
أما لو عايزين حاجة صح فأنصحكم بالوقع ده و فيه خرائط تفصيلية مع صور جوجل ايرث و مفتوح اضافة التعليقات يعنى لو فيه مكان انت عارفه ممكن تحط له علامة مع وصف علشان تفيد غيرك ن و طبعا اكيد كتير منكم عارفينه و لكن حبيت انشر الرابط لتعم الفائدة
موقع ويكيمابيا
مع تحياتى للجميع:k10:
عزيزي مصطفي
الف مبروك ع الخريطة لكنن واضح انك لسه مالاقتش الكنز
هاهاهاهاها
فين يا عم اخبار الخريطة؟؟
يعني ماقولتش الخريطة حلوة .. وحشة ... مش مفصلة
عتيقة .... يعني اشياء من هذا القبيل
ثم فين وعدك بوضع صورة ضوئية للخريطة
هو كلام ولا ايه ياعم مصطفي !!!!!!!