تقرير بتغيير شكمان كامل لشاهين
انا لسه مغير الشكمان كامل لشاهين 2005 عند ابو اليزيد بالملك الصالح الميزة عنده ان بيرفع السيارة هيدروليك زى البنزينة و بتشوف بنفسك الشغل المطلوب.
كان عندى المشترك عند المكنة متاكل و ملحوم مرتين و علبة الشكمان الكبيرة فيها بارومة كتير و علبة النص كذلك من الاخر كنت ماشى زى ما اكون سايق محراث زراعى.
غيرت الشكمان كامل باللحام و التركيب 425 جنيه و التركيب اخد ساعة و الناس هناك محترمين الصراحة بالذات م/وائل رمضان مسؤول الفحص و البيع و الحمد لله العربية صوتها وطى و السحب فرق عن الاول بكتير.
