عرض للطباعة
مشيت مشوار طويل مده حوالي 250 كيلو كده و روحت و قبل ما اطفي العربيه و هي شغاله قلت اشوف المايه لقيت القربه فاضيه خالص ( من بره من غير ما افتحها ) روحت جايب الجركن و فتحت الغطا بالراحه خالص لقيت هوا نفس كده و جي احط مايه لقيت القربه مليانه تاني !!!
روحت ركنت الجركن تاني و قفلت الغطا
هل ده شيء طبيعي ؟ و لا ده هوا دخل الدوره و دخلها منين ؟؟ هل الجوان وش السلندر هو السبب ؟
شكرا للمساعده
نصيحه من أخ
متفتحش غطا القربة الا لما تكون العربية بارده تماما
اكشف علس مستوي المياه و العربية بارده فقط
يعني هو طبيعي انها تفضي و هي سخنه و ترجع تملي لما تبرد ؟؟ و لا فيه حاجه مش مظبوطه
اعتقد ان دا طبيعي لان ثرموستات الكوعه بيفتح مع الحراره والميه توصل للموتور والعكس
فيه كده هوا داخل دورة التبريد اساسى
طيب الهوا دي بيجي منين و امنعه ازاي
لما العربية تبرد اضبط منسوب الماء ف القربه اذا كان مضبوط خلاص
اذا كانت درجه حراره الموتور طبيعيه خلاص
متشغلش بالك كله تمام
اقتباس:
المشاركة الأصلية كتبت بواسطة Sameh_nabel
الف شكر تلي الردود و المساعده
عاجز عن الشكر
طبيعي جدا ومتفتحش القربة وهيا سخنة تاني ابقي سبها تبرد وبعدين شيك
انا مش فاعم ليه مفتخش القربه و هي سخنه
هل علشان ميحصلش حروق مثلا مانا بفتحها بالراحه خالص تنفس كده واحده واحده و بعدين لما الضغط يقل خالص افتحها
دي كانت طريقه واحد ذكرها هنا في المنتدي و قال ان دي اعملها لما احب اخد هوا من الدوره
لا تفتح القربة و العربية سخنة ابداً ......
انا العربية سخنت منى مرة و فتحت القربة ببطىء ... و مرة واحدة الغطاء طار لفوق و مية مولعة و بخار مولع اندفع من القربة ...... بعدت بسرعة بس طبعاً اصبت بحروق فى الوجه و جريت على صيدلية و جبت مرهم حروق و الحمد لله تم الشفاء ( استغرق حوالى شهر ..... بعد رعب من تشوه الجلد - و الحمد لله جت سليمة )
لذلك وجب التحذير
ربنا سترها عليك لما فتحت القربة وهي سخنة انت انسان طيب احمد ربنا..ونقصان المية والمتور سخن امر طبيعي بسبب دورة المياة داخل المتور امر طبيعى
ياباشا كلامك غلط مع كامل احترامي لحضرتك ..
استحالة القربة تبقى فاضية و بعدين تيجي تفتح الغطاء تلاقيها فيها مياه ..
اكيد حضرتك مااخدتش بالك كويس ان القربة ماليانة .. ولو حضرتك بتحط مياه من الحنفية مش حيبان معاك من بره القربة اذا كانت مليانة ولا لأ ..
وبلاش خالص تزود مياه والعربية جايبة من مشوار طويل زي مانت عملت .. استنى لما تهدى شوية
متزودش ميه و العربية سخنة ممكن تطير راس المكينه