الموضوع: حلم حياتي .. اتدمر من غير سبب !

عذرا انا اتخضيت من العنوان
هوا حضرتك بانى احلامك على واحدة؟!!!!
ياصديقى العزيز انت تبنى احلامك على نفسك انت على دراعك و دماغك و الدنيا هيا اللى تجرى وراك
اتفرج على فيلم pursuit of happiness و تعالى تانى اولنا حاسس با ايه

بص يا برنس
انت اما كنت بتحبها و عايزها و هى بكده اثبتتلك انها هتبيعك فى اول محطة
او انك كنت واخدها وسيلة للسفر و الهجرة تبقى تستاهل الى يجرالك و هى اتغدت بيك قبل ما تتعشى بيها

إنت المفروض بتحبها .. و مستني مقابل ؟
اللي بيحب يخدم بدون إنتظار لمقابل
مش لازم أساسًا تكون ضامن العلاقة هتستمر عشان تخدمها
مش لازم حتى تكون بتحبك
أحلام إيه اللي ضاعت ؟ ..
لو على الحب يبقى أحلام متعلقة بتكوين أسرة وبيت وخيالات
إحنا للأسف لما بنحب بنعيش في خيالنا كتير ..
ولكن بنفضل عارفين إنه مجرد خيال ..
ودي أزمة نفسية وبتعدي .. لكن الحياة بتفضل مستمرة
عمومًا
ماينفعش تحب وحدة وتتعلق بيها بدون ماتشوفها وتتعامل معها وجهًا لوجه
لازم تشوفها على طبيعتها .. تسمع صوتها مباشر .. تكلمها وتشوف طريقتها
ياراجل دانتوا ( لازم تعرفوا ريحة بعض ) .. شوفت دقت التفاصيل ؟
لو ماحصلتش الحجات دي تبقى بتعيش قصة وهمية وبتضيع عمرك على الفاضي
وطبيعي إن البنت ممكن تتغير نظرتها من اللقاء المباشر .. دانتا كمان كنت معرض للموقف دا

على فكره برضو ممكن يكون حد لعبلها في دماغها وحذرها من المصريين ومنك إنت شخصياً كمان.

المشاركة الأصلية كتبت بواسطة الفجر

البنت جت مصر وشافت مصر على الطبيعة وشوارع وزحمة ..................الخ وطبعا كرهت مصر باللى فيها

دة غير ان البنت لو جت مصر عشان تدرس فى الازهر والبنت غاليا من اصول عربية سورية او فلسطنينة فابشرك ان حد لعب فى دماغها وحذرها منك ومن المصريين عموما

انا بعرف شغل دة كويس وفاهم لة هى رفضتك

وهو ده اقرب تخمين .......او
غيرت فكرتها لما شافتك على ارض الواقع
او انت قلت كلمة ومش حاسس ان الكلمة كبيرة ...خلت نظرتها ليك تتغير ....
عالعموم ......كلنا اتصدمنا فى بدايات حياتنا ....او معظمنا .....بس شوية وهتفوق ......
انت كده خلاص اخدت مناعة