عرض للطباعة
السلام عليكم , هو الموضوع رخم و المقارنه ارخم خصوصا ان المبلغ صغير بس طمعان ف اصحاب الخبرة انهم يسعدونى فيه
محتاج عربيه فى حدود 20 الف و للاسف مش هقدر ازود جنيه واحد , مشوار يومى من المعادى حدائق القبه و مشوارين اسبوعيا من المعادى للعبور
لو سعر قطع الغيار غاليه شوية بس بتعيش و متوفره على الاقل فى مكان او اثنين لما اروح اضمن الاقيها مافيش مشاكل , مش فارقه بنزين 80 ولا 90
اسف للاطاله بس احب اعرف رأى حضرتك فى جولف 1 متعدله جولف 2
لو انت عاوز حاجه قطع غيارها متوفرة سيبك من الجولف
سوزوكى ماروتى اعتقد كويسة
ممكن اعرف من حضرتك 20 الف يجيبو موديل كام , و ايه راى حضرتك فى سرعتها و الثبات على الدائرى او فى السفر ؟اقتباس:
المشاركة الأصلية كتبت بواسطة ahmed abdkarim
المبلغ دا يجيب 128 حالة محترمة و مش مقرفة
بص يا باشا هو انا هقولك تجربتي .... انا انصحك بديهاتسو شاريد هاتش باك موديل 90 او 91 في الحدود دي انا كانت اول عربية اجيبها بصراحة عربية من الاخر وهتعمل معاك في حدود فلوسك لو حالة كويسة ومش متهانه .... وبالنسبة لقطع الغيار متوفرة مش ناقصة انا الناس خوفوني شوية قبل ما اجيب لكن لقيت كل حاجه في الحرفيين وبالتحديد عن اوشين و في واحد جنبه مش فاكر اسمه تخصص شاريد الموديلات دي . والعربية كنت بجري بيها 120 بامانة وكانت حالت عربيتي تعبانه الي حد ما كمان و كنت بروح بيها كل حته بس في نقطه واحدة وهي المكانيكية مش اي حد يشتغل فيها زي الفيات لكن اي حد بيشتغل في اليباني يشتغل فيها وعن تجربة ..... واعتمادية جدا وفي منها مكيف ..... وفي الاخر خد راي الناس الخبرة عني بالطبع ...
المكنة ال 1300 فى ال 128 لو زيرو تجيب 160 !!!!
و لو مكنة 1100 تجيب ال 140 !!!
مفيش ورشة من اول البلاد لآخرها ما يعرفش يشتغل فيها و قطع الغيار فى الصيدلية و عند المكوجى و البقال و بتوع قطع الغيار طبعا
مش واسعة و مش ضيقة و تمشى عائلى
هو فعلا فى ناس رشحتلى الشاريد بس المشكله ان صعب جداااااا تجيب حالة نظيفه فيهااقتباس:
المشاركة الأصلية كتبت بواسطة joon2
طب حضرتك شايف ان فى فرق فى الموديلات لو هشترى 128 و اشدها ؟ تابلوه و كراسى حديثه موتور جديد ؟ و ايه افضل موديل لو هشد العربيه شده كويسه و ثمنها تكون كام تقريبا , و هل الشد سهل ولا الاسهل اشترى حاجه مشدوده جهزه خصوصا ان دى اول عربيه و مليش خبره كافيه , و شكرا لاهتمام حضرتك و اسف على الاطالهاقتباس:
المشاركة الأصلية كتبت بواسطة م أحمد
اتعب كتيييييييير فى البحث لغاية لما تلاقة حاجة جاهزة فى حدود 17000 الف و خلى معاك مصاريف تشغيل احتياطى لان مفيش عربية مستعملة لاى ماركة فى اى ارقام فلوس إلا وبتصرف عليها...حتى الزيرو ليها مصاريف صيانة...و تراعى قطع غيار جديدة مش الكذب بتاع الامستعمل المسمى استيراد +ميكانيكى شاطر=مفيش مشاكل ان شاء الله
العربية نوعين واحدة بيتى و دى ان شاء الله عربية روعة
وواحدة تعليمية يتعاقبها الملاك و لو يطولو يحطو لها عصير برسيم علشان تمشى هيعملو ...و دى بلوى
و أهم حاجة ابعد تماما عن الشاسيه المعيب (بارومة او اعوجاج من حادثة).... كل حاجة تانية مقدور عليها...يبقى معاك سمكرى امين مش يسمسر من وراك و يفرز العربية من فوق لتحت
متشكر مره ثانيه لاهتمام حضرتك يا باشمهندس احمد و اسمحلى بأخر سؤال , الموديل بيفرق فى السعر ولا الحاله فقط الى بتفرقاقتباس:
المشاركة الأصلية كتبت بواسطة م أحمد
الحالة أكيد و دا ما يمنعش ان العربيات الموديلات القديمة ليها حدود فى السعر لا تتعداهااقتباس:
المشاركة الأصلية كتبت بواسطة ahmed 2000
اشترى اى عربية بلاش ال128 عربية ضعيفة وكل شويه شروخ فى الشاسيه وفى اساسيات العربية انصحك تشوف عربية ماروتى او ممكن 125 او 124 او لادا قديم افضل من ال128 وبراحتك اهم حاجه ماتستعجلش فى شراء عربية ولو تلاقى عربية بتاعه صديق او معرفه تكون عارفها ولو اغلى من السوق اشتريها لان فيه عربيات كتير دلوقتى مضروبه ومبروك على العربية الجديدة!!
الف شكر يا باشمهندساقتباس:
المشاركة الأصلية كتبت بواسطة م أحمد
و الله يا استاذ وليد انا تعبت , مش عارف اعمل ايه , بس 125 و 124 شكلهم قديم شوية و الماروتى الى مجربنها قالو على الدائرى مافيش ثبات و انسى السرعه و متفكرش تسافر بيها , اللادا الحالات النظيفه في التسعينات بيطلبو اكثر من 20اقتباس:
المشاركة الأصلية كتبت بواسطة aw2100
متابع معاك
و الله يا استاذ محمد بعد بحث طويييييل قررت و الحمد لله على سيتروين ax المبلع الى معايا يجيبلى حاله كويس جدا فيها , قطع غيارها و الصيانه متوفره جدا فى صقر قريش و الحمد لله , ربنا يوفقنى و اقدر الاقى حاجه كويسهاقتباس:
المشاركة الأصلية كتبت بواسطة Mahmoud Naguib
لو بتفكر فى 128 أفضل موديل هو الجراند لوكس 1991 كانت معايا من الزيرو وجبت عليها عربيات وهى معايا ولسة بايعها من سنه موتورها 1300 وصاجها جيد أفضل كثير من النوفا الموديل اللى بعدها وقطع غيارها متوفرة واى حد بيشتغل فيها وكنت بسافر بيها اى مكان سعرها بيبدأ من 15000 الى 22000 حسب الحالة والكماليات
لحد دلوقتى مجبتش حاجه و مش لاقى ميكانيكى امين انزل بيه سوق السيارات و بصرف فى الفلوس و مش هلاقى اجيب عجله فى الاخر و هفضل متمرمت فى المواصلات , قليل الحظ يعضه الكلب فى المولد
ماتنزلشى سوق السيارات اشترى من النت علشان السوق مليان نصابين بص على الرينو 9 مو 1985 الى 1989 عربيه ممتازه الفيات 132 قديمه بس معمره وممتازه ال2000 وال1600 وعندك كمان فورد فيستا تسعينات 1100 سى سى قطع غيارها رخيصه وممتازه ال128 حلوه بس مشكلتها ان المطبات بتأثر فيها جامد
لو معندكش اسرة و عملك و سكنك داخل القاهرة...يبقى مشروع العربية بالنسبة لك هيكون تكلفته اكبر من منافعه بكتيراقتباس:
المشاركة الأصلية كتبت بواسطة ahmed 2000
السواقة بعربية قديمة و مانوال مرمطة اكبر من مرمطة المواصلات بنسبة لا باس بها
بصفتي جولفاوي معايا جولف2 وقبلها كان عندنا جولف1
بقولك بكل ثقة
إبعد عن الجولف تماما عشان متصرفش عليها كل فلوسك صيانة وتصليح ولف على قطع غيار
.
بلاش الفيات خالص
لو إضطريت للفيات يبقى 131
.
.
بصفتك جولفاوي بالنسبة للجولف3 نفس مشكله قطع الغيار غالية وناقصة وهى افضل ولا البولو ؟؟؟اقتباس:
المشاركة الأصلية كتبت بواسطة ahmed1981
النت مشكلته مشكلتين , شوفت 127 على اوليكس صاحبها كاتب فيها شعر و معلى السعر خدت ميكانيكى و تاكس و روحت للراجل , اولا عايزه طقم شنبر على كلامه و الميكانيكى اكد انها جوانات و ممكن تفتح تلاقى اكثر , قايل كاوتش تيوبلس جديد الكاوتش فردتين عاديين و ضايعين و اثنين تيوبلس 50% المشوار تاكس و ميكانيكى اتكلف 220 جنيه لو كل طالعة لواحد كداب دفعت 220 جنيه يبقى هصرف الفلوس على الفرجهاقتباس:
المشاركة الأصلية كتبت بواسطة kempel
فعلا هى خارج الحسابات من الى سمعته عنها من اصحبها لدرجة ان واحد حلف ان بيتلز تريحنى عنها 100 مره , ربنا يعينك عليهااقتباس:
المشاركة الأصلية كتبت بواسطة ahmed1981
بالنسبه ل131 اسعارها فى العااااااااالى
للاسف محتاجها لاقصى درجة اماكن كثير للشغل التاكس مش بيدخل فيها و لو قضتها تاكس ورا تاكس هصرف اكثر من حق عربيه و مرمطه و انا بتحايل على السواقين يوصلونى حتى لو بأجره اعلىاقتباس:
المشاركة الأصلية كتبت بواسطة م أحمد
يبقى احسن حاجه الماروتى لانها مفيهاش مشكله الشاسيه بتاعة ال 128 وكمان حاجتها متوفره باسعار كويسه واعتبرها بدايه تتعلم عليها السواقه وموضوع الثبات متقلقش منه لان الطرق عندنا متسمحش بالسرعه العاليه اوى
فعلا
شوف ماروتي نضيفة لو حملك خفيف