خطوة جديدة ومهمة في طريق الهجرة بلا عودة ......

**7oda** · 13-10-2015 11:02 AM

المشاركة الأصلية كتبت بواسطة khaled_sabry

هو الشرط ان يبقى معاك 80000 و لا 8000 يورو ؟؟؟
و فين الموقع اللى جبت منه الشروط دى ؟؟؟

من موقع السفارة الالمانية فى مصر
http://www.kairo.diplo.de/contentblo...udienvisum.pdf

**7oda** · 13-10-2015 11:03 AM

المشاركة الأصلية كتبت بواسطة عزيز محمد

بناء على تجربة شخصية:
- مصاريف الأكل والمواصلات شهريا لا تتجاوز 300 يورو لشخص واحد ولا تختلف كثيرا من مدينة لأخرى
- إيجار السكن يختلف حسب المدينة والحي داخل المدينة والقرب من المواصلات الرئيسية، لكن لشخص واحد لن يتجاوز 800 يورو بأي حال
- إتقان اللغة يعني سهولة الحصول على عمل من الأعمال التي لا تحتاج خبرة أو شهادة، لاحظ أن الحد الأدنى للأجر هو 8 يورو في الساعة، يعني 20 ساعة عمل في الأسبوع ستساوي نحو 640 يورو شهريا

مساكن الطلبة ارخص بكتير فى حدود ٢٠٠ او ٣٠٠ يورو
و منصحش اى حد بيدرس ان ياخد مسكن براها

**عزيز محمد** · 13-10-2015 11:21 AM

المشاركة الأصلية كتبت بواسطة 7oda

مساكن الطلبة ارخص بكتير فى حدود ٢٠٠ او ٣٠٠ يورو
و منصحش اى حد بيدرس ان ياخد مسكن براها

كلامك سليم، وفعلا مساكن الطلاب أفضل من غيرها،

لكن في بعض المدن بيضطر الطالب ينتظر ترم أو ترمين لغاية ما يلاقي مكان في مساكن الطلاب، فأنا قلت أذكر الحد الأعلى وأسوأ الظروف علشان الصورة تكتمل

**hobiko** · 13-10-2015 02:03 PM

بالتوفيق ان شاء الله ....... و احسن من مهنة العقارات ديه فى مصر بكتير طبعا

واضح انك مرتب افكارك و منظم ما شاء الله

اتمنى ليك كل توفيق و يا ريت ماتبخلش بجزء من وقتك بعد كده تعمل فيه update للموضوع

**khaled_sabry** · 13-10-2015 03:37 PM

المشكله فى حاجه
الطريقه دى حلوه و جميله للى عايش بطوله
مش متجوز و ملزم بزوجه و اولاد
بس ما دمت ناوى على دراسه فالافضل كندا
لانك حتى لو درست هناك فى معهد سنتين (بس حتواجهك صعوبه فى موافقه السفاره فى مصر) او درست ماجستير لمده سنتين حيبقى معاك تصريح عمل لمده سنتين تانيين
يعنى حتقعد كده 4 سنين هناك و ساعتها تقدر تقدم على طلب الجنسيه او حتى هجره و حيبقى معاك نقاط كتير نتيجه لتعليمك اللى اخدته هناك

بس حتحتاج اسكور ielts اكاديمك 6.5+

**7oda** · 13-10-2015 03:55 PM

لما بتاخد شهادة من المانيا بتاخد اقامة بعديها 12 شهر على ما اعتقد عشان تقدر تدور على شغل

**Mahmoud Naguib** · 13-10-2015 04:08 PM

المشاركة الأصلية كتبت بواسطة bassem youssef

ربنا يوفقك

الحمد لله اليورو متوافر و الطلب عليه مش كبير

يعني مش هتتعذب في تحويل الفلوس

انا حابب الفت نظرك لحاجه مهمه

محدش عارف ايه نتايج تدفق اللاجئين السوريين علي المانيا في المستقبل

و الالمان نفسهم غالبا مش عارفيين

و بعدين انت عارف انك هتصرف في المتوسط 3000 يورو شهريا

يعني 30000 الف جنيه مصري في الشهر

يعني لازم وظيفه تغطي مصاريفك الشهريه

عارف هتنزل علي شغل ايه او ناوي تعمل مشروع ايه ؟؟؟

لازم تكون عارف المعلومات دي قبل ما تسافر

ربنا يوفقك مره تانيه

أهلا بيك ياباسم وربنا يوفق الجميع ان شاء الله

بالنسبة لموضوع اللاجئين السوريين آها يمكن الأمر قلقني شوية بس ف النهاية مش هو الموضوع اللي هيغير ف ثقافة أو نظام شعب ماشي عليه من عشرات السنين !!
يعني ألمانيا عامة أكتر دولة أوروبية محتاجة أيدي عاملة ومخترعين ومهندسين وغيره
يعني هي أصلا محتاجة فعلا ملايين وده من أهم الأسباب اللي بسببها انضمت ألمانيا الشرقية لألمانيا الغربية
يعني مش بس هيحتاجوا آلاف ده هيحتاجوا ملايين

ثانيا ألمانيا طول تاريخها دولة بيحصل فيها دروبات وبتقوم بسرعة جدا وأي أحداث بتحصل من بعد الحرب العالمية التانية تقريبا مش بتأثر فيها كتير
ولذلك أنا شايف ان موضوع اللاجئين مش هيأثر تماما على قوانين الهجرة أو الدراسة أو العمل
هم ممكن تقريبا يأثر شوية ف قانون الضرائب بس مش هيغيره مثلا !
وبعدين هي تقريبا شهور مش هفضل أحضر سنين للأمر يعني .....
وبعدين برضه الحمد لله أنا ماشي ف طريقي وربنا اللي بيسهل الأمور بعد كدة مش بقلق نفسي كتير

مين قال اني هصرف 3000 يورو !!
الكلام ده مش موجود تماما !!

ف الشهر بالكتير لو قلت اني بصرف هصرف 1000 بس
السكن مبيعديش 350 والأكل والشرب زيهم ومعتقدش هصرف زيهم كمان مصاريف مواصلات مثلا وغيره !
غير كدة الجامعة بتوفرلك مواصلات وتأمين صحي وتخفيضات ف المتاجر على الأكل والشرب

غير ده وده ليا ف اليوم 4 ساعات شغل وده القانوني يعني ممكن أشتغل بعدهم غير قانوني هيقل مرتبي شوية بس هيبقى مازال كويس

عامة برضه أنا لسة هنظم أمور مصاريفي والبحث عن الموضوع إن شاء الله على أول 2016 لأنه مش هيأثر على تفكيري ف حاجة وهو بس هيكون تنظيم لحياتي هناك ان شاء الله

**Mahmoud Naguib** · 13-10-2015 04:13 PM

المشاركة الأصلية كتبت بواسطة mfaisal1989

طب انا بدأت اذاكر ألمانى برضه. وان كان عال 8000 يورو هنشوف ضامن.

طب المصاريف بتاعة الدراسة والأقامة لما أروح هدبرها ازاى؟
وبالنسبة لواحد فى سنى 27 سنة. هدرس كام سنة وهشتغل ازاى هناك؟ هل الدنيا مفتوحة؟

كويس جدا كمل ف الألماني ويفضل لو أخدت كورس برضه علشان التحفيز يزيد

هتدبرها ازاي ..... طبعا هتشتغل جنب دراستك وشغلك ده هيكفيك وزيادة على فكرة وفي طبعا حالات مش بتلاقي شغل بسهولة بس عامة إنت طالما قدرت تروح ده ف حد ذاته إنجاز بعد كدة المواضيع دي مستحيل هتبقى أصعب من اللي شفته هنا علشان تروح !

هتقدم على ماستر تبع تخصصك وتدرسه والمدة مش هتزيد عن سنتين وليك سنتين بعد دراستك تلاقي شغل تتثبت فيه علشان تاخد الجنسية

بص متفضلش تسأل كتير هي الدنيا مفتوحة ولآ لآ طب الناس هناك عاطلين طب اللاجئين طب دي بلد غريبة !!
كمل وسافر وآهي تجربة وحتى لو مكملتش هتستفاد كتير صدقني

**Mahmoud Naguib** · 13-10-2015 04:15 PM

المشاركة الأصلية كتبت بواسطة nogafoda

الدنيا فى أوربا مش مفتوحة زى ما النس فاكره الأمور بقت صعبة جدا أنا لى واحد زميلى مهندس طبى قعد يدرس سنتين هناك ويعمل معادلات لشهادات وأهله هنا باعوا كتير من أملاكهم علشان هو ملاقش شغل فى مجاله لأن الشغل هناك بيحتاج خبرة ودراسة ذات شهادات معتمده من هناك مشأى حاجة

مش مفتوحة أنا معاك

بس ده على أساس ان ف مصر الدنيا حلوة مثلا !!

هل حال مصر عاجبك !؟!؟

**Mahmoud Naguib** · 13-10-2015 04:22 PM

المشاركة الأصلية كتبت بواسطة khaled_sabry

هو الشرط ان يبقى معاك 80000 و لا 8000 يورو ؟؟؟
و فين الموقع اللى جبت منه الشروط دى ؟؟؟

لآ هي 8000 يورو بس ف الجملة التانية قلت نفس المبلغ بالمصري

الموضوع: خطوة جديدة ومهمة في طريق الهجرة بلا عودة ......

LinkBack

أدوات الموضوع

عرض

-

-

-

-

المواضيع المتشابهه

قدمت الحكومة الكندية إجراءات جديدة لتسهيل عملية الهجرة

الى كل من يريد الهجرة ... الهجرة جاتلك !!!

عودة الألنترا md الي طريق (السخنة/القطامية)

رادارات جديدة في الدائري .. و عودة المنتقم !

خطوة جديدة علي طريق الاصلاح

الكلمات الدلالية لهذا الموضوع

المفضلات

المفضلات

ضوابط المشاركة