-
خرابيش العربية
يا جماعة اكيد كل واحد فينا عربيتة بتتخدش اما منه هو او من غيره او لو ركنها وسابها يرجع يلاقى خدوش ميعرفش جاياله منين بس انا لاحظت ان انا كل ما احك العربية ولو حكة بسيطة لازم يبقى فى جرح فى البوية نفسها يعنى اللون الاسود يبان مش عارف اعمله ايه وهل ده عيب فى صاج اللانسر انه ضعيف ولا المشكلة في مين وهل ليه علاج انى اخليه مش يبان وان الصاج مفيهوش خربوش ولا ايه الحكاية
-
ياباشا ممكن لما العربية بتحك منك تلاقي لون تاني على عربيتك سواء اسود او غيره بقى
وده بيكون لون بيطبع على سيارة نتيجة الاحتكاك مع لون سيارة اخرى مثلا
والعملية هي هتكون بسيطة
انك تجيب قطنة وتبلها بشوية تنر وتبدأ تطلع اللون ده بكل بساطة بس خلي بالك متحكش جامد
لان التنر ممكن يطلع اللون بتاع العربية الاساسي
-
انا وديت العربية لواحد بتاع اكسسوارات فحطلى بولش ودعك فاللون الابيض من الحكة راح بس كان اتبقى لون اسود يعنى كان فى نقط الجرح بتاعها عميق فهى دى المشكلة اعملها ايه عاوز اخفيها من غير ما ارش هى تعتبر صغيرة لكن اللى مدايقنى انها من ناحية بابى فحلها اعملها غسيل كيميائى ولا ايه وكنت سمعت ان فى حاجة بتسيح البوية وتخليها تغطى الجرح العميق بس لو كان صغير فايه رايكوا
-
بص لو اللون الاسود ده طبع بوية او لون اخر على سيارتك فاعمل زي مانت قولتلك
اما لو كانت خدوش فان ممكن تجيب كمبوند من عند اي حد بتاع بويات سيارات وسعره 7 جنيه
وتحطه ع الجزء المطلوب وبعد شوية تمسحه بقطعة قطنة في شكل دائري بس متنتظرش نتائج جبارة
وان شاء الله كله يبقى تمام
Content Relevant URLs by
vBSEO 3.6.0 PL2