السلام عليكم ورحمة الله وبركاتة
انا يا جماعه معايا عربية 127 وحالل مكنتها حاليا والعربية كانت بتدخن دخنة بيضا والزيت ما بيقعدش وفكيناها ولقينا الكرنك سليم فيه خربوش صغير جدا الميكانيكى مشى عليه السنفرة راحت وقاللى دى حاجه لا تذكر وفى الجزء الثابت مش فى سبيكة البساتم ولقينا السبيكة كويسه بس فيها حتت مكسرة من على الحروف والكرنك خارط اربعين والراجل قاللى طقم سبيكه وبس مش محتاجين خرط وبالنسبه للبساتم لقينا بستمين تمام واتنين واحد فيهم قافش على الشنبر وده اللى كان سبب المشكلة فى الغالب والتانى مسلخ ومسمع فى حتة من الشميز لا تتعدى 2 سم وبرضه مشى سنفرة ناعمة عليها مرتين راحت وبقى تمام وقاللى هنظبط الوش صبابات وفريزه وهنجيب بستمين مكانهم نفس المقاس والجوانات والاولسيه وهنجيب فرش شمبر علشان يحكم الدنيا ما يبقاش فيها الهوا وهنقفل على كده وهيبقى تمام .
وطبعا لقيت الاراء من حولى ما بين مؤيد ومعارض وكل واحد بيقول كلام مختلف وكلة بيصب فى ان التكلفة هتزيد اكتر ما انا كنت عامل حسابى لان المعارضين بيقولوا لازم تروح لخراط يخرط الكرنك والشميز وتجيب بساتم جديده وهكذا ومصنعية الخراط لوحده 400 جنيه غير الطلبات وطبعا عامود الكرنك خارط 40 يبقى هجيب استيراد وانا مش عارف اعمل ايه والفلوس حاكمانى والميكانيكى هيلملى الموضوع وقاللى هيبقى تمام ومافيهوش كلمة ومش عارف اعمل ايييه ؟؟؟؟؟؟؟؟