استفسار بخصوص سيفيك 1992 si
اولا بشكركم على مجهودكم الواضح و تعاونكم الجميل
ثانيا انا عندي مشكلة في العفشة الامامية (حاسس انها سايبة و في تنقير في الملفات عامة و تخبيط في المطبات و النقر عامة) كنت عاوز عفشجي كويس في الحرفيين و طبعا حد بتاع قطع غيار ثقة علشان شكلي هغيير حاجات كتير .
و برضه عاوز كهربائي يظبط مروحة التبريد علشان ساعات مبتشغلش و بتسخن العربية طبعا انا شغلتها دايركت بقالي فترة و السخونية ظبطت ،
بس ليا استفسار غريب ان العربية كل فترة بتسخن لما اجري جامد و تهدى لما اخف السرعة عن 90 كم ساعة و الموضوع ده مش بيحصل كتير كل فترة بتعمل كدة (كل اسبوعين تقريبا مرة).
اخر حاجة معلش كنت عاوز اجيب كف للمرايا اليمين (كهرباء بالكامل)عشان مش لاقيه خالص او حتى المرايا الكهرباء الكاملة و عاوز كشافات رينجات كويسة و سعرها كويسة منين؟؟؟
اسف للاطالة و شكرا مقدما