الموضوع: افضل اماكن تعليــم اللغات

المشاركة الأصلية كتبت بواسطة gade2

انا عن نفسى اول ما فكرت اخد انجليزى ملقتش افضل من الجامعه الامريكيه والمعهد البريطانى وبعد مناقشات واستفسارات اكتشفت ان الناس كلها ماشيه امريكن اجى ان اخد بريتش فرحت واخد فى الجامعه الامريكيه
وبالمناسبه اللى بيدرسوا هناك مش اجانب غالبيتهم مصريين

الأغلبية إللى بدرس فى الجامعة الامريكية مصريين لكن المعهد البريطانى أجانب

السلام عليكم

انا بشتغل فى مجال تعليم الغات الاجنبية من خمس سنوات ، عندى خبرة فى الموضوع سوف أعرضها على حضراتكم :
1 - تعليم لغة أجنبية لابد يكون من أهلها ( الجامعة الامريكية المدرسين مصريين )
2 - لابد من المتعلم وضع خطة للأحتياجاته من اللغة ( يعنة مثلاً أحنا كمصريين مشكلتنا بنعيش بالعاطفة بدون خطة يعنى طالما قررت هتعلم لغة لازم أحدد انا عايز قواعد و نحو و لا عايز أقرأ كتير و لا عايز أتكلم و معظمنا بيكون عايز يتكلم )
3 - الخطة ( المشكلة الكبرى أنك تروح تاخد كورس أو أثنين و تنشغل و تبعد وبعد مدة تقول و الله أنا درست فى المكان الفلاتى بس متعلمتش حاجه !! طيب ماحضرتك اللى مكملتش )
4 - الكسوف ( المعهد البريطانى جميل و فعلاً كله أجانب و أنا شخصياً بدرس فيه لكن المشكلة أنك تتكسف تقول أنا عايز أغير الفصل أو المدرس أو تقول مش فاهم مش كل الأجانب هناك مدرسين أصلاً فحاول أن تركز فى أول حصتين حيث متاح التغيير)
5 - الضغط و الاستماع ( الحمد لله أنا بتكلم دلوقتى أنجليزى أمريكى و بريطانى طبعاُ فيه أختلاف بسيط لكن فيه و علشان حضرتك تتعلم لغة لازم تحط نفسك تحت ضغط انك تتكلم و دى والله من أفضل الوسائل مع أنك تسمع كل يوم 15 - 30 دقية قناة تلفزيونية أمريكية أو بريطانية على حسب أنت بتتعلم فين )
6 - الدعاء ( أنا متأكد أن دى أهم حاجه لازم تتدعى ربنا وتسئله أنه ييسر لك تعليم اللغة اللى أنتا عاوزها فهو القادر على كل شئ ).

أسف للأطالة

شكرا لكل من افاد

انا الانجليزى بتاعى كان كويس اوى لحد تانى سنة ف الكلية طبعا بعد 7 سنين طاااار ، بس حاليا محتاجه اوى انا اعرف ان فى معهد كويس اوى للغات تابع للقوات المسلحة فى الدقى و كوبرى القبة و نظامه شبه الجامعة الامريكية و اسعاره كويسة .