يا جماعة فورد اسكورت 99 ولا بيجو 405 88

**treky** · 13-10-2015 03:12 PM

انا محتار جدا بين العربيتين فورد اسكورت موديل 99 محتاجة وش نظافة وصاحبها قالى انه هيغير جلب المقصات
وفيه حاجة تقيلة فى الغيار الاول بيقول هيعمله كمان
غير كده الدواخل فبريكة والتابلوه شكه كويس
فى بس شوية باروما فى الابواب الخارجية محتاجة تتعمل سمكرة وتترش بوية
بس انا قلقان شوية من قطع الغيار بتاعتها اسمع انها غالية شوية ومش موجودة فى اى حتة
مع انى من اسكندرية وكمان مش اى ميكانيكى هيشتغل فيها
وحتى لو فيه صنايعى فورد بتروحله بيكون عنده 10 عربيات واقفين ويتنطط عليك ويقولك تعالالى بكره ولا الاسبوع اللى جى

ده من ناحية الاسكورت

التانية بيجو 405 موديلها قديم شوية 88 وكاملة برده وفبريكة دواخل ومحتاجه برده وش نظافة
والتنين بنفس السعر تقريبا 25 الف

تفتكرو انيه احسن ياريت تفيدونى

**مدحت سمير** · 14-10-2015 11:55 AM

انا مجربنتش اي عربيه من الاثنين
بس بالسعر الي باتقول عليه دور علي اسكودا
فليشيا عربيه حاجتها ببلاش واعطالها بسيطه
وعربيه متينه وقطع غيارها متوفره
انا معايا فورد فوكس عربيه مقرفه قطع غيار مافيش
ومحدش فاهم حاجه حتي وكيل ضعيف
بقلها شهرين عطلانه وفي مشاركه حتلاقيها
واحد معاه اسكورت عطلانه علي ضفيره كهرباء
بقلها شهر ومش عارف صحبها يلاقيها