عرض للطباعة
باذن الله عايز اطلع رحله برة مصر...شهر عسل...من يوم 10 شهر 11 ليوم 17 او 18...عايزمكان كويس ..اسافر فيه برة مصر ..يكون جوه حلو في الفترة دي....ويا سلام لو في بحر ..ويكون درجة الحرارة مناسبة لنزول الميه.... ياريت اللي جرب رحله وعنده خبرة كويسه في الموضوع ده يفيدني
جنوب أفريقيا وإدعيلي
لو عايز تغير جو فعلا بسعر رخيص يبقى عليك وعلى شرق اسيا ماليزيا او تايلاند بس اقل حاجة اسبوعين
الف مبروك و ربنا يبارك فى عرسكم ....ماليزيا
بالي و سنغافورة
الدول كتير زي ماليزيا و اندونيسيا بس محتاج موافقه امنيه
رخيص كإقامة و ليس كسفر طبعا لان اقل تذكرة لدولة شرق اسيا للفرد 5000 جنيه بينما ممكن يسافر دولة اوروبية ب3000 للفرداقتباس:
المشاركة الأصلية كتبت بواسطة kazamodia
ماليزيا عن تجربه شخصيه
هتتمتع و تشوف نوعيه تانيه من البشر كلمة الاحترام متوفيهمش حقهم
و هتروح اكتر من مكان باجواء و حضارات مختلفه تماماً
كوالالمبور التحضر و الرقي
جينتينج هايلاند هتعيش وسط السحاب بمعنى الكلمة
لنكاوي الطبيعه البكر و الحياه البسيطه
و اماكن كتير و لو عايز اي حاجه او استفسار انا تحت امرك
و الف مبروك مقدماً
بالنسبه للفترة دي ..شهر 11 ايه الدوله اللي جوها يسمح بنزول البحر....وايه رايك في جنوب افريقيا...وتكلفه الرحله اسبوع في فندق 4 نجوم تبقي تقريبا كاماقتباس:
المشاركة الأصلية كتبت بواسطة hany2000
بس دوله اوروبيه في شهر 11 هيبقي جوها برد.....انا عايز بحر..وبعد كدة ممكن اماكن ترفيهيهاقتباس:
المشاركة الأصلية كتبت بواسطة sofiman
Mexico
Dominican Republic
Jamaica
Phucket وش لو شهر عسل..... شاليه فى فى وسط البحر والتنقل بالمركب
Phuket Hotels & Travel Guide - Phuket Hotels and Tourist Information
شوف يا عمنا انا مروحتش جنوب افريقيا بس فيه ناس اصحابي راحوا التعليق المشترك من الكل ان الدنيا هناك مفتوحه زياده عن اللزوم و ممكن في بعض الاماكن تقابل مشكله في الاكل لان المحلات اللي بتقدم اكل حلال قليله شويه نظراً لطبيعة البلد و ساكنيهاقتباس:
المشاركة الأصلية كتبت بواسطة whatzup
بالنسبه للبحر فانا زرت ماليزيا في شهر 10 و هي جوها استوائي يعني الجو شمس طول السنة و بتلاقي الدنيا بتمطر و الجو دفا و الشمس طالعه
و هو طبعاً محيط مش بحر
بالنسبه للفنادق فنصيحه من مجرب و دي على حسب حالتك الماديه و الميزانيه اللي انت حاططها للسفر الفنادق دي ممكن تكون اكتر حاجه هتصرف فيها و في نفس الوقت ممكن تكون اكتر حاجه توفر منها
يعني ممكن تحجز في الانتر كونتينينتال الليلة ب 300 دولار او ممكن تحجز في فندق 3 نجوم نضيف جدا ب 50 دولار
و بعدين لازم تحدد لو انت مسافر تخرج و تشوف البلد يبقى مش هتحتاج الفندق غير للنوم بس
انما لو انت مسافر عشان تقعد في الفندق و تنزل حمام السباحه يبقى شوف فندق كويس في مصر و وفر فلوس السفر
بالنسبه للتكاليف فالحاجه الوحيده اللي ثابته هي الطيران غير كده كله في ايدك و على حسب دماغك و امكانياتك
ملحوظه
عشان تعمل حسابك لو هتروح اي ماليزيا او إندونيسيا فانت بتتكلم في 12 ساعه طيران على الأقل
و تحت امرك في اي استفسار