استفسار للفاهمين في اللحمة
السلام عليكم ورحمة الله وبركاته
مع ارتفاع اسعار اللحمة البلدي عندي استفسار
بخصوص اللحوم المستوردة، لما بتروح فتح الله او أولاد رجب او غيره بتلاقي تلاجات عرض للحوم المستوردة (البرايزيلي - الهندي - الأمريكي)
سؤالي هي اللحمة دي مضمونة من ناحية نضافتها وخلوها من الأمراض؟ وايهما دايما الي بتكون افضل البرازيلي ولا الأمريكي ولا الهندي؟
ثانيا دايما بلاقي تاريخ انتااجها حوالي 4 شهور فاتوا، فلما سألت عرفت انها بتاخد حوالي 4 شهور في الشحن البحري على ما توصلنا وطبعا على ما تدخل الحجر الصحي والجمارك وخلافه وتتوزع على بقية المحافظات، ايه الي يضمن ان اللحوم دي تم فك تجميدها اكتر من مرة نتيجة سوء االنقل والتخزين سواء اثناء فترة الشحن البحري او بعد وصولها للبلد وبكدة تبقى اللحمة باظت
ايه سبب ان لون اللحوم المستوردة غامق وداكن جدا يكاد يقترب من اللون الاسود ومع ذلك بتلاقي الاقبال عليها كبير جدا والناس بتشكر فيها
ياريت الناس الي بتفهم في اللحوم وانواعها يفيدونا في الموضوع ده من كل النواحي ولكم جزيل الشكر