اعمل ايه؟ معايا صوره الحرامي ومش عارف اجيبه؟

**A7medelfe2y** · 14-10-2015 07:47 PM

مبدأيا الحمد لله علي كل حال وقدر الله وماشاء فعل
العربيه كانت واقفه امام مدينه الطالبات في شارع السودان في المهندسين
كنت بوصل خطيبتي وبعدين عدينا الشارع نجيب حاجات من ماركت في الناحيه التانيه اسمه اولاد حسن
ماخدتش اكتر من 5 دقايق رجعت لقيت زجاج الباب الأيمن
متكسر والتاب والمحفظه بتاع اخويا والرخصه والفيزا ومبلغ 2000 جنيه ونضاره شمس وبكرر تاني الحمد لله
المهم امن المدينه عنده كاميرات والكاميرات صورت كل حاجه
طلع شخص شعره ابيض في الخمسين من العمر ولابس بدله وماسك ورق ودوسيهات
شكله يدي علي صاحب عربيه
لف خوالين العربيه وبعدين راح جمب السور وجحاب طوبه كبيره وكسر الزجاج واخد الحاجات دي ومشي
عمليه السرقه تمت في اقل من دقيقه
وشه واضح جدا في الفيديو كأنه بيقولي صورني
المهم امن المدينه مش موافق يديني الفيديو
وحتي لو خدته مش عارف هعمل بيه ايه لان ممكن يكون الراجل دا معليهوش احكام ولا سوابقي يبقي لو معايا شكله مش هوصله
بلغت النجده غلبوني علي ماردوا بعد محاولات كتييييير تقريبا كانوا بيفطروا وبعد ماردوا اخدوا بياناتي وقالولي احنا جاينلك دلوقتي
استنيت ربع ساعه نص ساعه ساعه كامله ومحدش يأل فاتصلت تاني ردوا وقاوا بياناتك عندنا احنا جاينلك اهه واستنيت ساعه كمان ومحدش سأل فروحت لعقيد قاعد في بوكس لتامين المدينه طلبه وطالبات وقالي انت لو فضلت للصبح محدش هيعبرك طيب والعمل قالي اطلع علي قسم امبابه فروحت هناك عاملوني معامله كأن انا الي سارق العربيه لغايه ماتواصلت مع وكيل نيابه قريبي فقعدوني في مكتب وعاملوني كأني بني ادم للاسف مش حرامي
عملت محضر وقالوا بكره تروح النيابه
المهم من اهل الخبره الموقف دا اخرته ايه؟
وايه الي المفروض اعمله دلوقتي؟
علما باني عملت محضر ومعايا رقمه؟

**Anaslbda** · 14-10-2015 08:11 PM

من تجربتي: موبايلي اتسرق في صيدليات نورماندي كنت نازل هناك تدريب وحاطه على المكتب لفيت بجيب حاجه حرامي كان واقف رح حطه في جيبه ومشي.
في الأول الإدارة كانت رافضة تديني تفريغ كاميرات المراقبة بحجة سمعة المكان لكني قعدت اتشقلب لهم لحد الصبح وخدته بعد عناء. عملت محضر وسلمت الفيديو وقالوا هيكلموني والى الآن محدش كلمني (4 شهور).. معايا فيديو الحرامي على فلاشة في جيبي وصورته hd وبرضه مش عارف اجيبه, حسبي الله ونعم الوكيل.

**Bassem Youssef** · 14-10-2015 08:55 PM

ربنا يعوض عليك

و ناس لسه بتقول ام الدنيا و مستغربه ان الواحد عايز يسيبها مخضره النهارده قبل بكره

**A7medelfe2y** · 14-10-2015 09:16 PM

اممممممممم يعني الفيديو دا اركب عليه ميوزيك واحتفظ بيه لنفسي

**medo_31** · 14-10-2015 09:26 PM

تابع المحضر في النيابة وادخل لوكيل النيابة المعروض عليه المحضر بتاعك واتمسك بضرورة احضار وتفريغ شريط الفيديو وسؤال امن المدينة واجراء تحريات المباحث وان شاء الله هيجيبوه

**A7medelfe2y** · 14-10-2015 09:30 PM

طيب دا في حاله انه مسجل وعندهم ملف له انما لو واحد عادي وملوش سوابق يبقي كدا خلاص بلح

**A7medelfe2y** · 14-10-2015 09:32 PM

وهو شكله فعلا ملوش اي سوابق
دا باين عليه العز اكتر مني

**medo_31** · 14-10-2015 09:36 PM

امشي خطوة خطوة لو عايز تاخد حقك وزي ما قولت اتمسك امام النيابة بشريط الفيديو وسؤال امن المدينة عن الراجل ده وتحريات المباحث وسيبك من المظهر ولابس ايه ده بيبقى كله افلام واكيد ده مسجل .. وياريت لو تشوف محامي كويس

**حسام الغرباوي** · 14-10-2015 09:42 PM

الموضوع وما في عشان مترجعش تندم ...أعمل اللي عليك

**hugan** · 15-10-2015 12:50 AM

ﻻزم لك واسطه
ضابط المباحث يقدر يجيبه في ربع ساعه لو عايز

الموضوع: اعمل ايه؟ معايا صوره الحرامي ومش عارف اجيبه؟

LinkBack

أدوات الموضوع

عرض

-

-

المواضيع المتشابهه

عاوز شورت بلوك ومش عارف اجيبه منين

عايز سينسور spy ومش عارف اجيبه منين

معايا 100الف جنيه وعايز اعمل مشروع اعمل ايه ؟

معايا 128 الفرده اليمين مفتوحة مش عارف اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة