الموضوع: تحب يكون ايه في حضانة ابنك

السلام عليكم ورحمة الله وبركاته

مبدايا انا بفتح حضانه في البيت عندي عندي مساحة البيت ما شاء الله كبيره وكويسه جدا وحابب افتح فيها حضانه بدل ما انا عاطل كدا
المشكله انا معرفش حاجه عن الموضوع بس هو افضل الحلول المقترحه التكلفه بتاعته بسيطه انا حاطط حد اعلي ليها 100 الف جنيه بشكل مبدئي
الناس بتحب يكون موجود ايه في حضانتها غير المعتاد
انا هقولكم علي الي في دماغي
السراير هجيب 5
الصبوره هجيب 2
شاشات العرض 2
الكراسي بشكل مبدئي هتكون 20 كرسي
التربيزات هتكون 5
العاب الاطفال المعروفه الزحليقه والمرجيح والبتاعه الي بينطو عليها و الحصنه والهزازات والخ
مطبخ "بوتجاز- تلاجه - ارفوف"
5 كرسي هزاز والحاجت الي فيها شخاليل
3 حمامات اتنين للاطفال و1 للعاملين
هقسم الاوض
اوضة نوم مساحة 4×4 دي هيكون فيها 5 سراير للي هينام منهم طبعا العدد لو زاد هجيب سراير تانية واعمل اوضه كمان
اوضة 4*8 للعب بالالوان والتعليم وهيكون فيها صبوره وشاشة عرض هتوصل بجهاز كمبيوتر
نيجي علي مكان اللعب هيبق 11 ×5 دا هحط فيه شاشه في البداية
طبعا العدد في الاول هيكون بسيط مع او 4 شهور مثلا
العداد هيبتدي يكبر
في عندي اوضه تانية مساحة 5 * 7 متر هنقل فيها موضوع التربيزات والكراسي وهخلي والشاشات بتاعت التعليم والرسم وكدا والاوضه 4*8 هتكون سراير برضو
في عندي حته تانية 5×4.5 دي هتكون مكتبي
طبعا المساحات دي لو الموضوع بقئ تمام هعملها دورين مفيش مشكلة
طبعا اوض النوم هيكون فيها كذا دولاب بحيث كل طفل ليه دولاب
الخدمات الي هنقدمها
هتكون رعاية الرضع ودي كل 10 اطفال ليهم واحده
التعليم العربي والانجليزي والحساب والدين هتكون مختصه لكل ماده واحده متخصصه في المجال بتيجي كل يوم واحده وهيكون الحساب معاها بالشهر كذا حصه الحصه بكذا
وواحده تانية مثلا بتابع هوايات الاطفال وبتسجل لكل طفل دا بيحب ايه نقدر نكبره الهواية
واحده مختصه بالنظافه المكان وواحده تانية مختصه بالمطبخ وجبات غذائيه بسيطه كلها طبيعي
في اتفاق مع باص مكيف ينقل كل طفل للبيت هيكون معاه واحده من الي شغلين توصل الاطفال
طبعا كل الناس الي هتكون موجوده دي هخترها بعناية تامه
وهيكون في كاميرات مراقبه متوصله عندي
دا الي في دماغي
لو حد عنده اضافه يا ريت يفدني
فيما بعد بقئ ممكن اخد قطعة ارض اخصصها لحضانه باذن الله لو الموضوع مشي صح معايا
واسف علي الاطاله

المشاركة الأصلية كتبت بواسطة volociximab

بلاش مرجيحة و زحليقة و بوتاجاز عشان الحوادث
اهم حاجة الاهتمام بالطفل-يعنى مفيش طفل يضرب طفل او طفل يعمل حادثة
لازم كل مرحلة سنية تكون لوحدها يعنى طفل اقل من 3 سنوات ميكونش مع طفل 5 سنوات مثلا لان لما مثلا الطفل الصغير يعملها على نفسه هيتلم عليه الاطفال الاكبر و يعايروه و ممكن يعقدوه ده غير انهم هيضربوه بحكم انهم اكبر منه
الاهتمام بحالة الطفل الصحية-مثلا اول امبارح ظهر على ابنى طفح جلدى معدى بسبب فيروس فى الغالب هو اخذ الفيروس هذا من الحضانه و قعدته فى البيت مع ان مشرفى الحضانة لم يبدو اي ملاحظة يعنى كان ممكن يروح و يعدى العيال
و عليكم السلام و رحمة الله و بركاته

الزحاليق والمراجيح دي لابد منها عشان فترة الفسحه ليهم اكيد مش هيفضلو طول الوقت تعليم
موضوع التقسيم دا هيكون مطبق ومفصولين عن بعض تماما
الحاله الصحيه للطفل دي انا كنت بفكر اجيب دكتور اطفال يكون قريب مني يفتح عيادة ولو في حاجه يكشف عليهم والكشف يكون منتظم يعني كل اسبوعين مره
طبعا تعقيم المكان هيتم بعناية عالية جدا ان شاء الله ونظام التهوية والكلام دا كله هيتم باذن الله بحجات محترمه جدا
ولو في اي مشاكل وجهة حضرتك في الحضانه تقدر تفدني بيها
وشكرا لاهتمامك الكريم

المشاركة الأصلية كتبت بواسطة hugan

يعني ايه حضانه مينتسوري

مينتسوري دا نظام تعليمي مش بيعتمد علي الروتين يعني مش واحد اتنين تلاته والكلام دا
دا بيعتمد انه ينمي المهارات عند الطفل ودا الي فعلا مهم والي المفروض يتطبق
في ناس في مصر عملة حضانه بالاسم دا وبقي ليها فروع وبقيت نظام شركة علي حد علمي