المشاركة الأصلية كتبت بواسطة Ah.Farid
استاذ Moha sasa
الناس بتتكلم من غلبها ومن العيشة الصعبة اللى بتواجهها كل يوم .....ودة بيحتاج نقاش موضوعى مش تخوين او ترهيب ان مصر افضل من بلاد كتير ,,,,,لا معلش احنا عاوزين نككون عيشين فى حال احسن من كدة وبصراحة كل مصادرك من بتكون من اخبار الجرايد اللى معظمنا كان بيصدقها من عشرين سنة لما كنا بنصدق ان الحال بيتحسن لكن الوضع كان بيزداد سوء.....لغاية سنة 2005 الناس حست ان مفيش امل الا فى التغيير لان كل النظام كان فاشل وبيحاول يقنعنا ان مفيش احسن من كدة ,,,,,وان مؤشرات التنمية كانت بتوصل لحد 6 و 7 % بس الناس مكانتش بتحس بيها لان الزيادة دة بتروح فى جيوب ناس بعينهم يعنى اغلب الشعب مكانش بيتأثر سواء فى خدمات جيدة او حياة معقولة
لما الناس تعبت من الامال والاحلام انفجرت ......وحاولت التغيير اظن التغيير دة كان للاسواء مش للافضل ......
نيجى بقى للوقت الحالى كل التوجهات والقرارات بتصب فى عودة فترة ما قبل 2011 يعنى النظام اللى الناس رفضتة ....تفتكر بقى ان مطلوب من الناس تصدق ان الصبر وطول الامل حيقق الحياة الكريمة او اقل شوية للناس .....
لا اعتقد بدليل اية ؟
- نفس القرارات ونفس الاشكال ونفس الناس اللى خربوا البلد بدأوا يحتلوا مراكز القرار .....هل دة هيؤدى الى تحسين او تعديل للمستوى الاقتصادى او الاجتماعى او حتى التعليمى
-يا سيدى المنظومة غير صالحة ....ازاى النتائج هتكون مبشرة ......انت محتاج معجزة .....مش لمبة موفرة وغربية خضار ومشاريع على الورق واخبار كرتونية .....مش ممكن نكون ماشيين فى الاتجاة الصحيح ....