اتجوزت ازاي

**Red_1024** · 15-10-2015 10:44 AM

طبعا زي ماهوة واضح من العنوان
الناس اللي ملهاش علاقات اجتماعية كتير
وسنها كبر انا داخل خلاص بنجاح ساحق علي 33 سنة اتجوز ازاي
اعمل اية لان الموضوع دة موقف ليا حياتي مش عارف اسافر او اتحرك براحتي علشان ماخرش نفسي زيادة عن كدة
بحط القرش علي القرش علشان مصاريف الجواز والطلبات بتزيد يوم عن يوم
مش عارف اعمل اية ومش فاهم النس عاوزة اية علشان ترضي مع اني معنديش مشكلة الحمد لله شغل كويس وشقة وسيارة....بس لما بتقدم بيحسسوني ان كل دة مش كافي مع اني مش بتقدم لناس اعلي مني دة ناس كتير كانت اقل وانا راضي...
اتصرف ازاي علشان العمر ميجريش ولاقي نفسي بموت لوحدي

**hobiko** · 15-10-2015 10:55 AM

انا مش فاهم ........ يعنى ايه شغال شغل كويس و عندك شقة و عربية ماشاء الله ..... و البنات اللى بتتقدملهم مش عاجبهم ؟؟؟!!!!!

يعنى هو مطلوب ايه منك تانى ؟؟؟!!! تطير و تطلع ليزر من عينيك مثلا و لا ايه

الناس بقت غريبة

**amr011111** · 15-10-2015 11:16 AM

خلى كل اللى حواليك يجيبلك عرايس لاحسن ما تتوفق ان شاء الله

**volociximab** · 15-10-2015 11:53 AM

كنت عاوز اتجوز ايام الكلية
طبعا مفلس و مش معايا فلوس
البنت الى كنت عاوز اتجوزها ماعرفش شكلها بس من بيت محترم
المهم البنت اتجوزت من غير ما اكلمها او اكلم اهلها
رحت الجيش و كنت باخد مصروفى من ابويا
و طلعت من الجيش على نيابة فى مستشفى
اتقدمت لواحدة و مش عجبنى البيت
و الدراسة اخدتنى و بعد كده سافرت
رجعت و انا معدى ال30
امى و اختى اتفقوا مع واحده انى ازورهم من غير ما يقولولى----اضطريت اروح و لقيت مستواهم اعلى منى و لكن لم اتسرع فى الرفض لغاية مانا الى اترفضت(كنت مبسوط انى مش رفضتها)
رحت لشيوخ-واحد قال لى انا مليش فى الموضوع و التانى بعثت له ايميل استجاب بس لما عرف شروطى طنش
دكتورة من مستوى متوسط مبتشتغلش و ابوها مش شغال فى الضرايب او العسكرية او المحاكم
ابويا عرض عليا واحده ابوها فى الضرايب و رفضت
عرض عليا واحدة تانية ابوها اخوان(اخوان اصلى) قلت له يعنى انا اروح البيت الاقيها نازلة مظاهره؟ متنفعنيش
كلمت شباب من سنى جابولى ناس مش مناسبة-و تحس انهم بيزحلقوك على اى واحده و خلاص(طبعا انا مش بروح لحد غير الى احس انها ممكن تكون مناسبة)
و انا قاعد على الفيس لقيت حساب واحدة شغالة خاطبة
بعدت لها و فعلا تجاوبت بس جابتلى دكتورة من بنى سويف و انا شرقاوى و بعدين اعتذرت لانها لسة فاسخة خطوبتها و مش مستعدة ترتبط دلوقت
و بعدين جابتلى واحدة ابوها كان فى الجيش و طلع من الجيش--قلتلها مش عاوز حد من الميرى -قالتلى دا امام جامع-قلتلها و لو -طريقة التفكير التى تعود عليها و نظام الاوامر ستجعل التعامل بيننا صعب
المهم طنشتنى هى كمان
كبرت فى دماغى حكاية انى اعيش حياتى و اسيبنى من الجواز
و انا قاعد على الفيس لقيت اكونت واحدة ملتزمة بتكتب مواضيع عن الدين و مش بتتعامل مع رجالة
المهم النظام عجبنى فبعثت لها رسالة عشان مش تعملى بلوك ان ممكن حد يوقفك فى الشارع او فى الشغل و يطلب رقم والدك و انا مش عاوز اكلمك و لا رقمك-ادينى رقم والدك
المهم رحت البيت النظام عجبنى-------مش هاقولك ادب و ما الى اخره لان فى اعتقادى معظم البنات عندهن قدر من الادب و لكن بجانب الاساسيات التى يريدها كل رجل هى كانت مناسبة لى
انا ملتحى لا اسمع الاغانى و لا الافلام و عاوز واحدة نفس الدماغ مش نقعد فى شد و جذب
و بالفعل الامور تمت و اهلها لم يكونوا طماعين بالرغم انى كنت راجع من بره و معايا فلوس و بنتهم متعلمة و مهندسة و حافظة القران و صغيرة فى السن يعنى مش مستعجلين
مهر 8 الاف و العفش كلفنى 32 الف و شقة ايجار و مؤخر 10 الاف و شبكة فى الجامع ربع ساعة و فرح تشغيل اناشيد فى بيت العروسة نصف ساعة
خطبتها اسبوعين و بعدين كتبت كتاب و الدخلة كانت بعد تجهيز الشقة بعد 3 شهور من كتب الكتاب و بعد 3 شهور سافرت تانى
الكلام هذا كان سنة 2012 و كان عمرى 31 سنة
الخلاصة رحلة البحث عن زوجة لا تنجح الا مرة واحدة و عندما يأتى نصيبك هتلاقى الامور متيسرة ان شاء الله

**م أحمد** · 15-10-2015 01:43 PM

1- انظر لعيوب نفسك حتى يهون عليك انتظار الكمال فى الطرف الآخر....هتلاقى قطاع كبير من الجنس الآخر قرب منك و دا مفتاح الزواج ..التراحم....مفيش طرف يعلو على الاخر حتى لو زاد احدهما فى الامكانيات....و مش هينفع تبص لنفسك انك مفيش زيك لانك ساعتها هتدور على واحدة مفيش زيها و ساعة لما تلاقيها هى هترفض

2- بينك و بين ربنا تمنى الزواج بشدة....(ثلاث حق على الله ان يعينهن ....منهم الناكح يريد العفاف)

3- كلم المعارف و الاقارب خاصة النساء برغبتك فى هذا الموضوع تصريحا او تلميحا حسب الحالة

**qkash.com** · 15-10-2015 01:55 PM

المشاركة الأصلية كتبت بواسطة volociximab

كنت عاوز اتجوز ايام الكلية
طبعا مفلس و مش معايا فلوس
البنت الى كنت عاوز اتجوزها ماعرفش شكلها بس من بيت محترم
المهم البنت اتجوزت من غير ما اكلمها او اكلم اهلها
رحت الجيش و كنت باخد مصروفى من ابويا
و طلعت من الجيش على نيابة فى مستشفى
اتقدمت لواحدة و مش عجبنى البيت
و الدراسة اخدتنى و بعد كده سافرت
رجعت و انا معدى ال30
امى و اختى اتفقوا مع واحده انى ازورهم من غير ما يقولولى----اضطريت اروح و لقيت مستواهم اعلى منى و لكن لم اتسرع فى الرفض لغاية مانا الى اترفضت(كنت مبسوط انى مش رفضتها)
رحت لشيوخ-واحد قال لى انا مليش فى الموضوع و التانى بعثت له ايميل استجاب بس لما عرف شروطى طنش
دكتورة من مستوى متوسط مبتشتغلش و ابوها مش شغال فى الضرايب او العسكرية او المحاكم
ابويا عرض عليا واحده ابوها فى الضرايب و رفضت
عرض عليا واحدة تانية ابوها اخوان(اخوان اصلى) قلت له يعنى انا اروح البيت الاقيها نازلة مظاهره؟ متنفعنيش
كلمت شباب من سنى جابولى ناس مش مناسبة-و تحس انهم بيزحلقوك على اى واحده و خلاص(طبعا انا مش بروح لحد غير الى احس انها ممكن تكون مناسبة)
و انا قاعد على الفيس لقيت حساب واحدة شغالة خاطبة
بعدت لها و فعلا تجاوبت بس جابتلى دكتورة من بنى سويف و انا شرقاوى و بعدين اعتذرت لانها لسة فاسخة خطوبتها و مش مستعدة ترتبط دلوقت
و بعدين جابتلى واحدة ابوها كان فى الجيش و طلع من الجيش--قلتلها مش عاوز حد من الميرى -قالتلى دا امام جامع-قلتلها و لو -طريقة التفكير التى تعود عليها و نظام الاوامر ستجعل التعامل بيننا صعب
المهم طنشتنى هى كمان
كبرت فى دماغى حكاية انى اعيش حياتى و اسيبنى من الجواز
و انا قاعد على الفيس لقيت اكونت واحدة ملتزمة بتكتب مواضيع عن الدين و مش بتتعامل مع رجالة
المهم النظام عجبنى فبعثت لها رسالة عشان مش تعملى بلوك ان ممكن حد يوقفك فى الشارع او فى الشغل و يطلب رقم والدك و انا مش عاوز اكلمك و لا رقمك-ادينى رقم والدك
المهم رحت البيت النظام عجبنى-------مش هاقولك ادب و ما الى اخره لان فى اعتقادى معظم البنات عندهن قدر من الادب و لكن بجانب الاساسيات التى يريدها كل رجل هى كانت مناسبة لى
انا ملتحى لا اسمع الاغانى و لا الافلام و عاوز واحدة نفس الدماغ مش نقعد فى شد و جذب
و بالفعل الامور تمت و اهلها لم يكونوا طماعين بالرغم انى كنت راجع من بره و معايا فلوس و بنتهم متعلمة و مهندسة و حافظة القران و صغيرة فى السن يعنى مش مستعجلين
مهر 8 الاف و العفش كلفنى 32 الف و شقة ايجار و مؤخر 10 الاف و شبكة فى الجامع ربع ساعة و فرح تشغيل اناشيد فى بيت العروسة نصف ساعة
خطبتها اسبوعين و بعدين كتبت كتاب و الدخلة كانت بعد تجهيز الشقة بعد 3 شهور من كتب الكتاب و بعد 3 شهور سافرت تانى
الكلام هذا كان سنة 2012 و كان عمرى 31 سنة
الخلاصة رحلة البحث عن زوجة لا تنجح الا مرة واحدة و عندما يأتى نصيبك هتلاقى الامور متيسرة ان شاء الله

ما شاء الله

ايه الجوازة السهلة دي ربنا يباركلك ويسعدك واضح انك انسان نقي علشان كده ربنا كرمك بناس محترمة وزوجة صالحة
ربنا يديم عليك السعادة والهناء

ده الواحد طلع عين اهله علبال ما اتجوز ومازال وياريت عاجب

"الحمد لله علي اي حال"

**mody1982** · 15-10-2015 09:21 PM

قولتلك في الموضوع اللي فات ريح نفسك يا باشا مش هتلاقي الاجابه هنا
الموضوع ملهوش وصفه لو بصيت عليا هتلاقيني عامل كذا موضوع عن الجواز و عن الزهق و عن اعمل ايه علشان في وقت فراغ و غيره و غيره و في الاخر كله اونطه
محدش هيقدر يفيدك لأن كل واحد خبرته علي قد اللي شافه و من واقع تعامله الشخصي
و اللي حصل لغيرك مش شرط ينطبق عليك و يحصلك و العكس صحيح
و مش معني كلامي اني بهاجم الزملاء هنا بالعكس انا بس بقول ان الناس هنا مفش في ايدها حاجه

**Red_1024** · 17-10-2015 08:51 PM

المشاركة الأصلية كتبت بواسطة م أحمد

1- انظر لعيوب نفسك حتى يهون عليك انتظار الكمال فى الطرف الآخر....هتلاقى قطاع كبير من الجنس الآخر قرب منك و دا مفتاح الزواج ..التراحم....مفيش طرف يعلو على الاخر حتى لو زاد احدهما فى الامكانيات....و مش هينفع تبص لنفسك انك مفيش زيك لانك ساعتها هتدور على واحدة مفيش زيها و ساعة لما تلاقيها هى هترفض

2- بينك و بين ربنا تمنى الزواج بشدة....(ثلاث حق على الله ان يعينهن ....منهم الناكح يريد العفاف)

3- كلم المعارف و الاقارب خاصة النساء برغبتك فى هذا الموضوع تصريحا او تلميحا حسب الحالة

ياباشا انا عارف نفسي والله مرة تانية انا مش ببص لحاجة اعلي مني او الناس قالوا عنها انها متنفعنيش انا بتقدم لبنات من اسر عادية زيي
وفعلا بتمني الزواج وبشدة لان اقامتي مع اهلي لحد دلوقتي مبقتش مريحاني حاسس ان فية حاجة غلط ان لازم يكون ليا بيتي واسرتي واعيش حياة طبيعية ففعلا بتمني من ربنا انة يسهل ليا الموضوع دة
وكلمت ناس كتير لكن مع الاسف مس كل الناس عاوزة تساعد

**Red_1024** · 17-10-2015 08:52 PM

المشاركة الأصلية كتبت بواسطة mody1982

قولتلك في الموضوع اللي فات ريح نفسك يا باشا مش هتلاقي الاجابه هنا
الموضوع ملهوش وصفه لو بصيت عليا هتلاقيني عامل كذا موضوع عن الجواز و عن الزهق و عن اعمل ايه علشان في وقت فراغ و غيره و غيره و في الاخر كله اونطه
محدش هيقدر يفيدك لأن كل واحد خبرته علي قد اللي شافه و من واقع تعامله الشخصي
و اللي حصل لغيرك مش شرط ينطبق عليك و يحصلك و العكس صحيح
و مش معني كلامي اني بهاجم الزملاء هنا بالعكس انا بس بقول ان الناس هنا مفش في ايدها حاجه

ياباشا انا بسال وبحاول اتناقش مع الناس لربما حد ينبهني لحاجة غايبة عن راسي او فكرة جديدة تسهل عليا حاجة

**Sherifmt** · 17-10-2015 10:46 PM

يا صديقي هو النصيب ..... نصيبك يصيبك ولو بعد حين ... انت نصيبك في انتظارك الشخص المناسب في الوقت المناسب اسمحلي اشارك معاكم بتجربتي ...... من صغري وانا بعتمد علي نفسي وبشتغل مع الدراسة وكنت مستعجل علي الارتباط علشان طبيعتي جد ومليش في الشمال علشان بمل بسرعة لقناعتي تماما ان الشمال ما تنفعش تكون ام العيال ...... خطبت 3 مرات اولهم تقدر تقول اول حب في حياتي من وانا عندي 9 سنين !!! ..كانت بنت الجيران اللي كنت هموت عليها هما شهرين ومكنش ينفع نكمل واتفقنا ان احنا كنا عيزين نتخطب وخلاص وفركشنا واحنا اصحاب وبحترام وكان عندي 23 سنة ... . التانية بعديها بسنة بنت خالتي ... جميلة ودلوعة لكن بنت امها بمعني الكلمة بعد الخطوبة بسنة خالتي طلبت تضاعف قيمة الشبكة وقدام اهلها قلتلها ظروفي وانت عارفاها واحنا متفقين وظروفي وانتي عارفاها لو مش عاجب نفضها وخلينا اخوات احسن وقفت وقلتلها انتي معايا ولا .... طبعا كانت مع مامتها اللي هي خالتي وقد كان... سبتهم ومشيت ومبصتش ورايا وكرامتي في السما (مع العلم انا في ضميري لو جت في صفي كنت هزود الشبكة 3 اضعاف هو بس كان اختبار ربنا بعتهولي بدون ترتيب واللي كان مؤشر عن مين اللي كان هيسيطر علي بيتي فالمستقبل لو كنت عديتها .... ويمكن اللي اكد لي اني اخدت القرار الصح انهم بعتولي كبار العيلة يتدخلو علشان نرجع ولكن معايا كانت خلصت وكنت داخل علي 25 سنة....... كل اللي فات ده علشان تركز معايا في اللي جاي (النصيب) ربنا كرمني وجبت شقة واشتريت عربية علي قدي وبطلت ادور علي عروسة وانشغلت في شغلي وكنت ممكن اقضي ب 18 ساعة في اليوم وفجأة لفتت انتباهي كانت زميلتي جميلة وفحالها وبتقصر مع اي حد وبدون ترتيب حضرت موقف هي كانت بتمسح كرامة واحد زميل تاني البلاط بمنتهي الادب والذوق علشان حب يستظرف معاها والموقف ده خلاني اقول لنفسي هي دي اللي ممكن تربي اولادي ..... اخدت اسبوع بفكر فيها واستقصي عنها واول حاجة وصلتني فكك منها علشان مقفلة وأتمة (مبتضحكش) !!!! وفي يوم وكان الاتنين اتكعبلت فيها كانت مروحة وانا داخل الشغل ولقيتني بقولها انا عايز اقابل باباكي !!!! ..... وشها جاب الوان وكان ردها طيب وسابتني ومشيت ... انا وقفت في مكاني ... هو انا عملت أية ؟؟؟؟ منمتش يومين مستني ومش عارف اوصلها (سنه 97 مكنش لسة في موبايلات (: يوم الاربع اتكعبلت فيها تاني واول ما شوفتها وكنت زعلان بقولها انا كلمتك قبل كدة وانت سيبتني ومشيتي وقلتلك عايز اقابل باباكي وكان ردها بأدب بكره الساعة 7 واديتني ورقة في العنوان وسابتني ومشيت تاني !!!! وبعدين في البنت دي ...... رحت في معادي وكان معايا ورد .. ناس بسيطه زينا ومحترمة وكلمت بابها ووافق وبعدين جبت اهلي وقرينا الفاتحة واتجوزنا بعد 85 يوم .... والمفاجأة اني مكنتش متخيل خفة الدم والالتزام والصراحة والرضا والنظام والنظافة والاعتمادية وحسن التصرف اللي اكتشفتهم فيها .... وبفضل الله بعد 18 سنة جواز فعلا مكنش ينفع اتجوز غيرها ربنا يبارك لي فيها هي واولادي (اللي عرفته بعد كدة من حمايا انها في اول يوم طلبت اقابله هي قالتله شريف هييجي يخطبني وافق علية علشان انا عايزاه !!!! من الا خر نصيبك انت كمان بيدور عليك .... ربنا يراضيك بكل اللي تتمناه .... تحياتي