زوجتي طالبة الطلاق ومستهترة بمستقبل ابنتي

**SSS111** · 29-10-2015 01:57 PM

المشاركة الأصلية كتبت بواسطة ah.farid

طالما شايفة شوفة تانية ......اخطف ابنك وخلية عندك ووريها العين الحمرة

انت ابنك ما يترباش بعيد عنك بأى شكل .....شغل جنان........ شغل عافية .....خدة وغير سكنك ودخلة مدرسة تانية وشوف هى هتعمل اية ورد علية رد اقوى ....ومطلقش الا لما تتنازل عن حضانة الولد

انا مش عاوز الولد يبقي هو اداة الضغط علي الطرفين انا اروح اخطفه واغير السكن ومدرسته هيبقي سهل انها تعرف طريقي عن طريق الشغل او الاقارب والاصدقاء والمعارف وطبعا في ناس كتير بتخدم جدا في المواقف دي وساعتها هي تروح تاخده وانا اروح اخطفه مش هنخلص الولد هو اللي متضرر في النهاية

**SSS111** · 29-10-2015 02:01 PM

المشاركة الأصلية كتبت بواسطة no comment

لا يجوز اللعن عليها ... ولكن يجوز الدعاء بصيغة إلا إن لعنة الله على الظالمين
لعل الظالم من يسرد القصة وليست هى ولعل الظالم هى ومن يسرد القصة مظلوم
ـ ـ ـ
وبعدين هى بنت ولا ولد ... فى اسم الموضوع ابنتى وداخل الموضوع ابنى ..!

تم كتابة حرف "ت" زيادة في العنوان بالخطأ فاصبحت ابنتي بدل ابني

**SSS111** · 29-10-2015 02:02 PM

المشاركة الأصلية كتبت بواسطة melouk1

أنا مبقولش لعنة الله عليها عشان هي ظالمة
عشان هي خائنة و ده كده يدخلنا في نوع من أنواع الزنا ( الزنا المجازي ) لو كلمت رجل آخر أو فكرت فيه بقلبها حتى كما قال النبي صلى الله عليه وسلم في الحديث المتفق عليه: إن الله كتب على ابن آدم حظه من الزنا أدرك ذلك لا محالة، فزنا العين النظر وزنا اللسان النطق والنفس تمنى وتشتهي والفرج يصدق ذلك أ و يكذبه. و العهدة على راوي القصة و حسابه عند الله
لأنه يعلم جزاء قذف المحصنات و هو أكيد مش هيعرض نفسه للعقاب الرهيب من الله لو كان بيختلق الكلام ..
و أي واحدة متزوجة و تعرف رجل آخر ( و ده السبب الرئيسي للمشكلة زي ما صاحب الأمر أخبرنا ) يبقى لعنة الله عليها فعلاً ..
تحياتي

حضرتك دي زوجتي وام ابني ومينفعش اطلع عليها حاجة زي كدا لان الموضوع في الاول في الاخر هيمسني بصورة او اخري وهيضر الولد فيما بعد
بالتالي تأكدت تمام التأكد من الموضوع دا
وبعدين في النهاية الخطيئة عار علي المخطيء وليست ذنب المجني عليهم

**melouk1** · 29-10-2015 09:29 PM

[quote=sss111;3876026606]حضرتك دي زوجتي وام ابني ومينفعش اطلع عليها حاجة زي كدا لان الموضوع في الاول في الاخر هيمسني بصورة او اخري وهيضر الولد فيما بعد
بالتالي تأكدت تمام التأكد من الموضوع دا
وبعدين في النهاية الخطيئة عار علي المخطيء وليست ذنب المجني
خد إبنك بأي شكل بأي وسيلة متربهوش في العيلة دي و لا مع الست دي أبداً
و متفكرش تنتقم منها خلاص هي متسواش رباط حذاء إبنك .. سيبها للخالق وحده قادر على الإقتصاص منها
لكن إبنك إبذل كل غالي و رخيص و نجيه منهم و منها بالأخص لأنها لا تؤتمن عليه و حسبك الله وحده و هو نعم الوكيل ..

**SSS111** · 01-11-2015 08:24 AM

بعد اذنكم يا جماعه عندي سؤال
انا من الناس المحترمة والمؤدبة واللي ملهاش في الشمال ودا بشهادة الناس اللي حواليا فعاوز اسال سؤال ايه اللي يخلي واحدة متجوزة من واحد محترم ومعيشها في مستوي مكانتش تحلم بيه وكل طلباتها مجابة وكمان مكانش فيه اي مشاكل بينهم خالص طوال فترة جوازهم لدرجة انها كانت دائمة الشكر فيا قدام الناس مع العلم انها لم تغضب مرة واحدة او تسيب البيت طوال جوزانا وكمان عمري ما ضربتها مرة واحدة او شتمتها يعني كنت مراعي فيها ربنا قدر استطاعتي.
ايه اللي يخلي واحدة تعمل كدا وتسيب بيتها وجوزها وتضحي بابنها في سبيل انها تتجوز واحد تاني مش هيقدر يوفر لها ولا مستوي مادي ولا اجتماعي زي اللي كانت عايشة فيه قبل كدا
بعد ما كانت الحياة مستقرة وكان فيه تخطيط للمستقبل وحياتنا اللي جاية من وقت قريب جدا فجاة انقلب الحال وحياتي اتهدت فجاة
انا عارف ان معرفتي السبب مش هيغير من الموقف شيء بس لاني مش لاقي اجابة خالص للسؤال دا فقلت اسالكم

**A.Saad** · 01-11-2015 10:20 AM

بصفة عامة اسباب ده :
1 - الحب : ممكن تفتكر انها بتحب الخائن التانى وانهم مناسبين لبعض اكتر وتسيب الزوج علشان كدة . المشكلة دى بتبان لو الست مش من النوع اللى بتقدر تعب زوجها فى شغله وعايزاه يسيب شغله ويقعد يبعت ليها كلام حب وغزل
علشان كدة بننصح ان الزوج يشكر تعب زوجته فى البيت ، يعبر عن مشاعره ديما .
2- النقود : ممكن تكون من النوع الطماع شوية وشايفة ان الاخر اغنى وهيعيشها مرتاحة
3- العلاقة الخاصة : ممكن تكون برده شايفة فيها حاجة
4 - الغرور : مغترة بنفسها او جمالها وشايفة انها تستاهل واحد احسن من زوجها او تعيش فى مستوى مادى احسن

**swimmer25** · 01-11-2015 11:41 AM

ربنا يعينك ويرزقك بمن يفك كربك
كنت هدعيلك فقط ولكن حسيت إني عايز أقولك الكلام القادم

إحساسي إنك تعمل اللي إنت تقدر عليه وقدراتك كبشر هتوصلك لأخر ما تستطيع أن تصل له في حدود المسموح..فلو وصلت لأخر ما تستطيع ولم تنل ما تفكر فيه فإعلم أن هذا قدرك وقدر إبنك..ولن تنال أنت او زوجتك أو إبنك إلا ما قدره الله لكم .. لا أكثر ولا أقل

مثلا اذا حاولت تتفاوض معاها تديها حقوقها وتسيبلك الولد واتفقتوا واخدت حقوقها
اما توفي بوعدها وتديك الولد وممكن بعد فترة ترجع في كلامها وتاخده تاني بمحكمة او غيرهاو متوفيش بوعدها وتاخد الولد ..خسرت ايه..اديتها حقوقها..طيب ما هي كدا كدا دي حقوقها..إنت حاولت قدر إستطاعتك تستثمر إعطائك لها لحقوقها عشان مصلحة إبنك

طيب فرضا إن الولد عاش معاها ومتجوزتش..فهي هترعاه وهيكبر ويتعلم وإنت تصرف عليه طبعا..مش يمكن ده قدره ويمكن يكون مستقبله أحسن بالطريقة دي
طيب فرضا إتجوزت..إما تتفق معاها تاخده او تاخده بالمحكمة لان ده حقك..فهتسلك كل السبل عشان تاخد ابنك..واللي هتتجوز هي او جوزها مش هتكون عايزة ولد يعكر صفو حياتها

اللي عايز اقولهولك انك تعمل اللي تقدر عليه واللي إنت شايفه صح مع الدعاء والإستغفار وصلاة الإستخارة مع كل خطوة أو إختيار تختاره بحيث إنك هتوصل في النهاية إما لفرج أو حيطة سد
الحيطة دي قدرك وقدر إبنك اللي مش هتقدر تتجاوزه فتوكل على الله

قال رسول الله صلى الله عليه وسلم لا يرد القضاء إلا الدعاء ولا يزيد في العمر إلا البر